Read Navajo PSALMS 67 Bible Online

PSALMS 67 - Navajo bible

PSALMS 67

¹Diyin God nihaa jooba' áádóó nihik'ijidlíi le' áádóó t'áá bí nihik'idiiłdíin le'. Síilah.

²Áko nahasdzáán bikáa'gi nik'ehgo áhoot'éii bééhózin doo, áádóó ał'ąą dine'é t'áá ałtso bitahgóó nibee yisdá'iildéehii bééhózin doo.

³Diyin God nílíinii, ał'ąą dine'é naa dahaniih le'. Ał'ąą dine'é t'áá ałtso naa dahaniih le'.

⁴Ał'ąą dine'é bił dahózhǫ́ǫgo dahataał le', háálá ts'ídá t'áá ákogi át'éego á nihoyí'aah doo, áádóó nahasdzáán bikáa'gi ał'ąą dine'é binanít'áa doo. Síilah.

⁵Diyin God nílíinii, ał'ąą dine'é naa dahaniih le'; ał'ąą dine'é t'áá ałtso naa dahaniih le'!

⁶Nahasdzáán bikáá'góó áda'azįįd doo, Diyin God, t'áá nihí nihiDiyin God, nihik'ijidlíi doo.

⁷Diyin God nihik'ijidlíi le', áko nahasdzáán nidahonees'ą́ą́góó diné t'áá ałtso dabidísin doo.