Read Navajo PSALMS 8 Bible Online

PSALMS 8 - Navajo bible

PSALMS 8

¹Bóhólníihii nílíinii, nihiBóhólníihii, nahasdzáán t'áá si'ą́ą́ nít'éé' bikáá'góó dooládó' nízhi' bee naa ha'niih da! Wót'ááh biláahdi bee naa ha'niihii níínílá.

²Anadanił'íinii índa k'éédideesh'nííł danízinii dabididííłhił biniyé nik'ijį' danilíinii bąą áłchíní yázhí índa awéé' t'ahdii da'ałt'o'ii ne'adziilii yaa dahaniihgo íínísin.

³Niyót'ááh hiníláii nísh'į́įgo, níla' bee binishínílnishii, ooljéé' índa sǫ' ádaat'éii, dah dasínínilii baa nitséskeesgo

⁴diné wolyéiishą' ha'át'íí nilį́įgo baa nitsíníkees, índa nihokáá' dine'éshą' ha'át'íí át'éego baa áhólyą́?

⁵Jó, éí t'óó kónízahíjį' diyingo nidaal'a'í t'áá bi'ohgo ájít'éego áhwiinilaa, áádóó aa ha'niihjí índa ił ídlį́į́jí naat'á ch'ah hak'i dííní'ą́.

⁶Níla' bee binishínílnishii bee hóhólníih doogo áhwiinilaa, áádóó t'áá ałtsoní bik'i jidées'eezgo áhwiinilaago bee hóhwiisíníłníí';

⁷dibé índa béégashii t'áá ałtso, aoo', naaldlooshii t'áá ałtso,

⁸áádóó nidaat'a'ii índa łóó' tónteel yii' naaldeehii, áádóó tónteel dahiníyį́į́góó yii' nídadikahii t'áá ałtso hódahółníih doo biniyé nihwííníłtį́.

⁹Bóhólníihii nílíinii, nihiBóhólníihii, nahasdzáán t'áá si'ą́ą́ nít'éé' bikáá'góó dooládó' nízhi' bee naa ha'niih da!