Read Navajo PROVERBS 9 Bible Online

PROVERBS 9 - Navajo bible

PROVERBS 9

¹Hódzą́ kin niiní'ą́; tsosts'idgo bíyah da'nii'áago áyiilaa;

²binaaldlooshii dabidookįįł biniyé neistsxeed; biwáin hasht'eyiilaa; bibikáá' adání bikáá' ni'iizką́ągo

³ch'ikéí bá nidaal'a'í éí da'dooyį́įłii yíká ayiis'a'; kintah aghádahaz'áádóó dilwosh.

⁴Hódzą́ ání, Doo dahonohsáanii wóshdę́ę'go ahohkááh. Bee ak'i'diitįįh bee ádinii kwííłní,

⁵Hágo shibááh daahsą́, áádóó shiwáin hasht'eishłaaígíí daahdlą́.

⁶Doo ádahalyáanii t'áadoo baa nídaoht'íní, áádóó hazhó'ó dahinohná áádóó bee ak'idi'yiitįįh bik'ehgo deínóhkááh.

⁷Diné ánahałt'i'ii bich'ahojishkéii t'óó haa yáhodoosįįł; diné doo yá'áshóonii jideeztehii t'óó hwíidoodzih.

⁸Diné ánahałt'i'ii doo shik'ee diniih da dooleeł nínízingo t'áadoo bich'ahoshíníkéhí; diné hóyáanii dínítehgo ayóó'ánó'níi doo.

⁹Diné hóyáanii nidíníítįįł, áko t'ah yówehgo hóyą́ą doo; diné t'áá ákogi ááníiłii nidíníítįįł, áko t'ah biláhígo íhwiidooł'ááł.

¹⁰Bóhólníihii jidósin jileehdóó ahozh'niiyąąh áádóó Diyin nilíinii bééhodzoosįįhgo ak'izh'diitį́į́h.

¹¹Jó, shí shinahjį' níyoołkáłígíí ná bíidoo'nił, áádóó nináháhígíí ná bíidoo'nił.

¹²Honíyą́ągo t'áá ádá honíyą́ą doo; ánáhółt'i'go t'áá ni bá nantłizh doo.

¹³Asdzání doo áhályáanii éí t'áadoo yaa yánízinígóó ayóo yádíłtih łeh; doo hóyą́ą́góó t'áadoo bił bééhóziní da łeh.

¹⁴Áko bighangi ch'é'étiindóó sidáa łeh; kin haal'áagi wódahgo nahaz'ą́ągi dah sidáa łeh.

¹⁵T'óó bíighah dahidikáhígíí, éí t'áá ákóne' deíkáahii yich'į' áníi łeh,

¹⁶Doo honíyáanii wóshdę́ę'go dah diinááh. Bee ak'i'diitįįh bee ádinii kwííłní,

¹⁷Tó neest'į́į'ii łikan łeh, áádóó t'áá nahont'inee bááh nídiit'áanii łikan łeh.

¹⁸Nidi ákwii daneeznáanii hólǫ́ǫgo áádóó asdzání yaa nídaakah nít'ée'ii hool'áágóó ti'hoo'níihdi naaldeehgo doo hoł bééhózin da.