Read Navajo ISAIAH 20 Bible Online

ISAIAH 20 - Navajo bible

ISAIAH 20

¹T'áá éí yihahígíí biyi' Asíriya dine'é aláahgo binanit'a'í Sárgan éí Tártan wolyéii Áshdad kin haal'áágóó ayííł'a'go ááníyáago yik'ijį' anaa' hasłį́į'go yisná;

²t'áá éí hoolzhish yę́ędą́ą́' Bóhólníihii éí Éímaz biye' Aizéíyah yich'į' haadzíi'go ání, Nílááh, tł'oh azis bił áká sínílzaazígíí hadiiltsóós áádóó nikee' hadiidlé. Áko ákódziidzaago t'áá jilchí'ígo áádóó hakee' t'áágééd nijighá.

³Áádóó Bóhólníihii ádííniid, Shinaal'a'í nilíinii Aizéíyah táá' nááhaijį' t'áá łichí'ígo áádóó bikee' t'áágééd naagháago éí Ííjip dine'é áádóó Iithiyópiya dine'é bich'į' bee ééhózinii áádóó bee i'ílnii'ii át'é;

⁴t'áá ákót'éego Asíriya dine'é aláahgo binanit'a'í éí Ííjip dine'é áádóó Iithiyópiya dine'é yidoołnééł; ániid nidaakaii áádóó hadaastihii t'áá daalchí'ígo áádóó bikee' t'áádaagéedgo bitł'aa' nidi t'áá daalchí'ígo iidiyoo'ish, áko Ííjip dine'é bich'į' t'óó baa yáhásin dooleeł.

⁵Áádóó bik'ee nisi'dooldah índa Iithiyópiya dine'é bee hoł chodahoo'íinii áádóó Ííjip dine'é bee ádaa dahoji'niihii t'óó hoł baa yádahodoosįįł.

⁶Áko tábąąhgóó kéédahojit'íinii éí yoołkáałdi ádazhdidooniił, Shoo, Asíriya dine'é aláahgo binanit'a'í bits'ą́ąjį' yisdánihidooniłii bich'į' ahidiijahgo nihíká adoojah daniidzingo bee nihił chodahoo'į́į́ nít'éé', ákoshą' haa yit'éego yisdáhidiikah?