Read Navajo ISAIAH 35 Bible Online

ISAIAH 35 - Navajo bible

ISAIAH 35

¹Honoojí áádóó kéyah hóółtseii yę́ę bił hodoozhǫǫł, índa halgaii éí bił hózhǫ́ǫgo bikáá'góó ch'ilátah hózhóón hadínóot'į́į́ł.

²Áko lą'ígo bílátah da'iidoogahgo t'áá bił hózhónígíí yee hataałgo bił nihoozhǫǫh doo; Lébanan kéyah yee ayóó ánóolninii áádóó Dził Kármel índa Shéran honíteel yee aláahdi hózhónígo bił haz'ánígíí éí baa didoot'ááł; Bóhólníihii yee ayóó ánóolninii áádóó nihiDiyin God yee aláahdi át'éii yidooltsééł.

³Bíla' doo dabidziilígíí bidziilgo ádaahłééh áádóó bigodta' doo dahółdzilígíí bidziilgo ádaahłééh.

⁴Yéé' bik'ee bijéí nitséédaaltłi'ígíí ádabidohní, Danihidziil le', t'áadoo nihił daayé'í; jó, nihiDiyin God nihá k'éédidoo'níiłgo nihaa hodooleeł; Diyin God t'áá bí k'éédidoo'nííł; yisdánihidoonił biniyé nihaa hodooleeł.

⁵Áko doo da'oo'íinii éí da'oo'į́į dooleeł áádóó bijédaahkałii da'didoots'į́į́ł.

⁶Áádóó diné naaljį́į́d nilíinii bįįh nahalingo dah náníljį́įh doo, índa doo yádaałti'ii dahataał doo, háálá honoojíidi tó hadaazlį́į doo, áádóó tó ádingo haz'ánígi tó danílį́į doo.

⁷Áádóó ni' ahidooltálígi tó siką́ą doo índa kéyah hóółtseiigi tó hadaazlį́į doo; mą'ii danjahgóó tł'oh áádóó lók'aa' índa tł'ohtsoh hadínóot'į́į́ł.

⁸Áádóó ákwii azdoolkǫ'go atiin doo, áko ákǫ́ǫ́ atiin dooleeł; éí Diyingo Honít'i'ii hoolyée doo; t'óó baa'ihii bee jiinánígíí doo ákǫ́ǫ́ ch'ízhdoogáał da; Diyin God yee nihoní'áanii yik'ehgo deíkáhígíí bá át'ée doo; doo ádahalyánígíí doo ákǫ́ǫ́ tádadikáah da doo.

⁹Áadi náshdóítsoh bitsiijį' ditł'ooígíí, doodaii' naaldlooshii dahashkéii doo áadi hadoogáałgo yidooltséeł da, nidi bik'é niná'ílyáii áadi naaldeeh doo,

¹⁰áádóó Bóhólníihii yik'é niná'ídláii nináhidookah, índa hool'áágóó ił hózhǫ́ bitsiit'áagi dahólǫ́ǫgo dahataałgo Záíyanjį' nidookah; ił hózhǫ́ áádóó baa ił hózhóonii bíí' daazlį́į' doo índa yínííł áádóó cha hasin bits'ádooldoh.