Read Navajo EZEKIEL 15 Bible Online

EZEKIEL 15 - Navajo bible

EZEKIEL 15

¹Áádóó Bóhólníihii kóníigo náádiséts'ą́ą́',

²Diné nílíinii, hodíłch'ilgi ch'il na'atł'o'iishą' haa yit'éego náánáła' tsin nanise'ii yiláahgo yá'át'ééh?

³Ch'il na'atł'o'ii nanise'iísh ha'át'íhída t'áá bee ádoolníiłgo át'é? Da' éísh ła' bąąh k'élniihgo łeets'aa' t'áá bąąh dah náhidiit'áahgo ádoolnííł?

⁴Shoo, éíyee' chizh át'éego tsédzaatį́į́h áádóó t'áá hadiiłnéezgo ałtso adik'ą́ąhgo ałníi'gi t'eesh t'éiyá ní'á yileehgo t'áadoo le'éésh biniyé t'áá chonáájooł'į́'ígi át'ée łeh?

⁵Shoo, éí ch'il na'atł'o'ii bits'áoz'a' t'ah hadaałt'é yę́ędą́ą́' t'áadoo le'é biniyé t'áadoo chooz'įįd da; ałtso adíík'ą́ą́'dóó t'eesh silį́į'go t'óó tsé'édinda doo choo'į́į́' át'įįh da.

⁶Éí bąą Bóhólníihii Diyin God kóní, Hodíłch'ilgi ch'il na'atł'o'ii didoolił biniyé tsídzáátánígi át'éego Jerúsalemgi kéédahojit'ínígíí nináhodideesh'ááł.

⁷Hak'ijį' doo ákónísht'éégóó nidínéesht'ááł; hodiiltłahígíí bits'ą́ąjį' dashdidoojah, nidi adazhdidook'ą́ą́ł, áko hak'ijį' nishłį́ í'diishyaago Bóhólníihii nishłį́įgo nihił béédahodoozįįł.

⁸Bóhólníihii Diyin God ání, Doo ákǫ́ǫ́ ádajíít'įįdígíí bąą kéyah t'áá níłtéél nít'éé' doo naagháhígóó áhodeeshłííł.