Read Navajo EZEKIEL 45 Bible Online

EZEKIEL 45 - Navajo bible

EZEKIEL 45

¹Yáá'iilt'e' bik'ehgo kéyah íí' dooleełii ałts'ádaohsogo łahdóó diyingo Bóhólníihii bá ats'ádadidooh'ááł; éí nááseego tseebíídóó náá'áłníí' t'įįhí bi'ohgo tsin sitą́ą doo áádóó naaniigo éí táá'dóó náá'áłníí' t'įįhí bi'ohgo tsin sitą́ą doo; kwe'é t'áá náhwiist'ą́ą́ nít'éé' hodiyingo haz'ą́ą doo.

²Díí nahós'a'gi kin bii' sohodizin nidoot'áłígíí biniyé łahgi dik'ą́ągo hahodoodzo, t'áá dį́į́'dę́ę́' t'ááłá'í t'įįhí bi'ohgo tsin sitą́ ákódahonízah doo; kin bii' sohodizin si'ą́ą dooleełígíí éí binaago ákóhoníłtéelgo ahééhool'áa doo.

³Kin bii' sohodizin bá kéyah haadzooígíí binaagóó kéyah náánást'ánígíí éí díí í'néél'ąądígíí bik'ehgo nááseego tseebíídóó náá'áłníí' t'įįhí bi'ohgo tsin sitą́ą doo áádóó naaniigo éí táá'dóó náá'áłníí' t'įįhí bi'ohgo tsin sitą́ą doo; kwe'é lą́ą kin bii' sohodizin ts'ídá agháago hodiyingo bił haz'ą́ą doo.

⁴Kéyah t'áá náhwiist'ą́ą́ nít'éé' kwe'é lą́ą náá'iiłniihii danilíinii kin bii' sohodizingi Bóhólníihii yá nidaal'a'go t'áá íiyisí hodiyingo haz'ą́ą doo; kin bii' dahaghan dooleełii kwe'é há sinil doo, áádóó kin bii' sohodizin binaagóó hodiyingo haz'ą́ą doo.

⁵Náá'ákóne' kin bii' sohodizingi nidaal'a'í Líívai dine'é bá kéyah daabíí' dooleeł biniyé ła' hadoodzoh; nááseego tseebíídóó náá'áłníí' t'įįhí bi'ohgo tsin sitą́ą doo; naaniigo éí táá'dóó náá'áłníí' t'įįhí bi'ohgo tsin sitą́ą doo; ákwii naadiingo dahooghan éí daabíí' dooleeł.

⁶Áádóó ałdó' hodiyingo haz'ánígíí bíighahgi kéyah naaniigo t'ááłá'ídóó náá'áłníí' t'įįhí biláahgo tsin sitą́ hanáádoodzogo bihiní'ą́ą doo, nááseego éí tseebíídóó náá'áłníí' t'įįhí bi'ohgo tsin sitą́ą doo; éí kin haal'áhígíí bíí' doo, áádóó éí kéyah Ízrel dine'é t'áá yíl'áá nít'éé' daabíí' doo.

⁷Naat'áanii éí kéyah ła' t'áá sahdii bá ats'ádidoot'ááł; hodiyingo haz'ą́ą́dóó índa kin haal'áádóó e'e'aahjigo tónteel bibąąhjį' kéyah si'ánígíí bá ats'ádidoot'ááł; ha'a'aahjigo kéyah nineel'ą́ąjį' kéyah si'ánígíí ałdó' bá ats'ádidoot'ááł; ha'a'aahdóó e'e'aahjį' kéyah si'ánígíí éí Ízrel dine'é bitaadadeest'áanii t'áá ákóníłtso doo.

⁸Díí kwe'é kéyah si'ánígíí Ízrel dine'é bitahgi naat'áanii danilíinii bíí' doo; ákót'éego diné doo bich'į' nidahojiiłnáa da doo, áádóó łahjį' kéyahígíí Ízrel dine'é dadóone'é bik'ehgo daabíí' doo.

⁹Bóhólníihii Diyin God kóní, Nihí Ízrel dine'é bitahgi naat'áanii nídaohdleehígíí ádił nida'iyohsíihgo hoolzhiizh éí k'adí; diné t'áadoo baa tįįh nídaahkahí; diné t'áadoo bich'į' nidahoyołnání; doo haa dayit'éégóó índa t'áá ákogi át'éego áda'oł'į́; kodóó shidine'é nida'iiléego doo łínáádadohcháash da, índa bikéyah doo yits'ánáádahidoo'néeł da, ní Bóhólníihii Diyin God.

¹⁰T' ááłá'í jinítínígo bee dah ní'diidlohí áádóó ásaa' bee í'neel'ąąhí índa yikáałii bee bééhózinii chodajooł'į́įgo doo bina'adlo'ígíí chodajooł'į́į doo.

¹¹Íífa índa bath wolyéii bee í'neel'ąąhí éí t'áá aheenéelt'e', áko bath neeznáá bíighahgo hómer wolyé, índa íífa neeznáá bíighahgo ałdó' hómer wolyé, áko hómer wolyéii éí íiyisí bik'ehgo ída'neeł'ąąhgo chodayooł'į́.

¹²Gíírah wolyéii naadiin bíighahgo éí t'ááłá'í shékel; shékel naadiingo áádóó shékel naadiin ashdla'go ba'aan shékel ashdla'áadahgo éí ahídeidzogo t'ááłá'í máína wolyé.

¹³Díí bik'ehgo nááda'iyołniih doo, hómer wolyéii tł'oh naadą́ą́' t'ááłá'í bits'áką́ągo áádóó éí hastą́ąjį' ahádaashjaa'go t'ááłá'í bidoojaa'ígíí Bóhólníihii bich'į' náádahołniih doo; tł'oh naadą́ą́' bidee'í ałdó' t'ááłá'í bidoojaa'go Bóhólníihii bich'į' náádahołniih doo;

¹⁴ak'ah bik'ehgo ál'ínígíí éí cor wolyéii t'ááłá'ígo éí bits'ą́ą́dóó ak'ah náhást'éidi haadziidgo, áko éí haadziidígíí neeznáajį' ahádaasdziidgo t'ááłá'í bidoodziidígíí Bóhólníihii bich'į' náádahołniih doo; cor éí ak'ah náhást'édiindi yikáałgo óolyé índa hómer ałdó' ak'ah náhást'édiindi yikáałgo óolyé.

¹⁵Ízrel dine'é bikéyahdóó tó bee áda'azįįdgo nidahós'a'dóó naakidi neeznádiin dibé deíl'áágóó dibé yázhí t'ááłá'í bits'ádahaastį́įgo, Diyin God bił k'éédahodoołdǫǫł biniyé ak'áán nááhániihii áádóó didlidgo nááhániihii índa hózhǫ́ǫ́jí nááhániihii náádahołniih doo, ní Bóhólníihii Diyin God.

¹⁶Diné t'áá jíl'áá nít'éé' Ízrel dine'é bitahdóó díí nááhidoonihii naat'áanii baa dahizhdi'aah doo.

¹⁷Ízrel dine'é bitahgi hodiyingo áłah nída'adleeh yaa nidaakai dooleeł biniyé bee bá nidahodeest'ą́ą́ góne' éí yaa nidaakaigo áádóó dah néitį́į́h góne' índa háá'áyį́į́h jį́ ná'oodleeł góne' naat'áanii nilíinii éí didlidgo nááhániihii índa ak'áán nááhániihii, áádóó yanáadzi'go nááhániihii diné bitaaníjí'nih dooleeł, Ízrel dine'é bá Diyin God yił k'ééhodoołdǫǫł biniyé ádił ni'iidzííhjí nááhániihii, ak'áán nááhániihii, didlidgo nááhániihii áádóó hózhǫ́ǫ́jí nááhániihii hasht'ééjiil'įįh doo.

¹⁸Bóhólníihii Diyin God kóní, Áłtsé nídízídígíí binih, ła'a jį́į́ góne' dóola yáázh hadaałt'éii t'ááłá'í nínááhíłnihgo éí bee kin bii' sohodizin bi'didéehgo ánéíl'įįh doo;

¹⁹náá'iiłniihii éí ádił ni'iidzííhjí nááhániihii bidił ła' bits'ázdooziłgo kin bii' sohodizin bich'é'étiin siláii bee dazh'doodlish áádóó bikáá' náá'iiniihí naanídaaz'áágóó bee dazh'doodlish índa ałníi'gi ahééhool'áhí góne' éí yah a'atiingi bich'é'étiin siláii ałdó' bee dazh'doodlish.

²⁰Ła'da ádił asiihgo índa doo hóyą́ą́góó naagháii biniinaa ádił asiihgo nídízííd binih, tsosts'idgóó yoołkáałgo t'áá ákónáádíídlííł, áko kwíínidzaaígíí bee kin bii' sohodizin bá k'ééhoodǫǫł ánáádlíił doo.

²¹Áłtsé háázidígíí binih, dį́į́'ts'áadahgóó yoołkáa łgo atis'adeesdzá bee bééhániihii bee nahodííłaał, áko éí hodílzingo áłah ná'ádleeh góne' tsosts'id yiską́ą doo; díík'ǫsh t'áágééd bááh ályaii yidą́ą doo.

²²Áádóó éí bijį́į́ góne' naat'áanii jílíinii áádóó diné t'áá kééhat'į́į́ nít'éé' ádił ni'iidzííhjí nááhániihii dóola yáázh t'ááłá'í ádá shódeizhdoołt'eełgo há nááhidoonih.

²³Áádóó naat'áanii ałdó' dóola yáázh tsosts'idgo índa deenásts'aa' tsosts'idgo shóizhdoołt'eeł, éí diné bá índa hó ałdó' há, dóola yáázh t'ááłá'ígo índa deenásts'aa' t'ááłá'ígo didlidgo há nínáhánihgo tsosts'id jį́ adooleeł índa tł'ízíchǫǫh ałdó' tsosts'idgo shóizhdoołt'eeł; éí ádił ni'iidzííhjí nááhániihii t'áá ákwíí jį́ t'ááłá'í há nínáhánihgo tsosts'id jį́ adooleeł.

²⁴Dóola yáázh índa deenásts'aa' éí ak'áán hastą́diin dahidiidlo'go bik'eh níką́ą dooleeł áádóó ak'áán éiyá áliv ak'ahígíí t'ááłáhídi yikááł bíighahgo bik'eh níką́ą doo.

²⁵Áádóó tsosts'id yiziłígíí binih, ashdla'áadahgóó yoołkáałgo áádóó yówehjį' tsosts'id yiską́ąjį' t'áá ákót'éego ałdó' ádił ni'iidzííhjí nááhániihii áádóó didlidgo nááhániihii áádóó ak'áán nááhániihii índa áliv bik'ah hasht'ezhdoolííł.