Read Navajo EZEKIEL 48 Bible Online

EZEKIEL 48 - Navajo bible

EZEKIEL 48

¹Ízrel dine'é ádóone'é danilínígíí kódaolyé: náhookǫsjigo hoodzoígíí éí Ayóó'át'é Tónteel bibąąhdóó dahodiidzogo ha'a'aahjigo hoodzo níléí Héthlan hoolyéejį', éí áádóó ha'a'aahjigo Héímath hoolyéejį' nááhoodzo, éí áádóó Héízar-íínan hoolyéejį' nááhoodzo, éí áádóó náhookǫsjigo Damáskasdóó Héímath bá hoodzoígíí áajį' bohodiidzo, áko ha'a'aahjí hoodzodóó e'e'aahjí hoodzojį' Dan dine'é éí ła' hahoodzoígíí baa didoot'ááł.

²Dan dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Ásher dine'é bíí' doo.

³Ásher dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Náftalai dine'é bíí' doo.

⁴Náftalai dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Manáseh dine'é bíí' doo.

⁵Manáseh dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Íífreiyim dine'é bíí' doo.

⁶Íífreiyim dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Rúben dine'é bíí' doo.

⁷Rúben dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Júdah dine'é bíí' doo.

⁸Júdah dine'é bikéyah shádi'áahjigo bíighahgóó ha'a'aahjí áádóó e'e'aahjí hoodzo doo; éí ákwii náá'iiniih biniyé haz'ą́ą doo, áádóó ákwii ałníi'gi kin bii' sohodizin si'ą́ą doo; éí kéyah nááseego tseebíídóó náá'áłníí' t'įįhí bi'ohgo tsin sitą́ą doo; naaniigo éí ha'a'aahdóó e'e'aahjį' éí Ízrel dóone'é bikédaayah áníłtso yę́ęgi át'ée doo.

⁹Kéyah éí Bóhólníihii t'áá sahdii bá ats'á deet'ánígíí nááseego tseebíídóó náá'áłníí' t'įįhí bi'ohgo tsin sitą́ą doo; naaniigo éí táá'dóó náá'áłníí' t'įįhí bi'ohgo tsin sitą́ą doo.

¹⁰Ákóhoníłtéelgo díí kéyah nááda'iiłniihii ła' baa didoot'ááł, náhookǫsjí hoodzoígíí índa shádi'ááhjí hoodzoígíí éí t'áá áłah tseebíídóó náá'áłníí' t'įįhí bi'ohgo tsin sitą́ą doo áádóó ha'a'aahjí hoodzoígíí índa e'e'aahjí hoodzoígíí éí t'áá áłah táá'dóó náá'áłníí' t'įįhí bi'ohgo tsin sitą́ą doo; Bóhólníihii bikin bii' sohodizin éí ałníi'gi si'ą́ą doo.

¹¹Zéídak dine'é bits'ą́ą́dóó oochíiłii náá'iiłniihii dajílínígíí t'éiyá díí hodiyingo haz'ánígíí éí hó doo; Ízrel dine'é yóó'eekai yę́ędą́ą́' hó ha'ahódlíigo yá'át'éehgo shá nidajis'a'go Líívai dine'é yóó'eekai yę́ęgi át'éego t'áadoo yóó'ajookai da.

¹²Líívai dine'é bikéyah bíighahgóó díí dah ooldahígíí kéyah t'áá sahdii át'éego bá ats'ádidoot'ááł, ákwii t'áá íiyisí hodiyin dooleeł.

¹³Líívai dine'é ałdó' bikéyah nááda'iiłniihii bikéyah bihiní'ą́ą doo; éí kéyah nááseego tseebíídóó náá'áłníí' t'įįhí bi'ohgo tsin sitą́ą doo; naaniigo éí táá'dóó náá'áłníí' t'įįhí bi'ohgo tsin sitą́ą doo; t'áá át'égo nááseego tseebíídóó náá'áłníí' t'įįhí bi'ohgo tsin sitą́ą doo; naaniigo táá'dóó náá'áłníí' t'įįhí bi'ohgo tsin sitą́ą doo.

¹⁴Éí kéyah ts'ídá doo nahidoonih da áádóó nááná ła' kéyah ts'ídá doo bił ałnáádoo'nił da índa náánáła' diné doo baa didoot'áał da; ákwii Bóhólníihii t'áá íiyisí bá hodiyin.

¹⁵Ła' kéyah yidziihígíí naaniigo t'ááłá'ídóó náá'áłníí' t'įįhí biláahgo tsin sitą́ągo áádóó nááseego tseebíídóó náá'áłníí' t'įįhí bi'ohgo tsin sitą́ągo éí ákwii Ízrel dine'é ákwii kéédahat'į́į doo índa doo siláhígóó doo diyingo choo'į́į da doo; éí kéyah ałníi'gi kin haal'áa doo.

¹⁶Kót'éego éí bí'néél'ąąd doo: t'áá dį́į́'dę́ę́' t'ááłá'ídóó náá'áłníí' tsin sitą́ ákódahonízah doo.

¹⁷Kin haal'á binaagóó dahootsogo ahééhool'áa doo; kin haal'áádóó náhookǫsjigo áádóó shádi'áahjigo áádóó ha'a'aahjigo índa e'e'aahjigo dį́įdi neeznádiindóó ba'aan tádiindóó ba'aan tsosts'idóó náá'áłníí' ké silá ákódanízah doo.

¹⁸Hodiyingo haz'ánígíí bíighahgóó kéyah náánást'ánígíí éí bikáa'gi kin haal'áii, éí áádóó kéyah yidziihígíí ha'a'aahjigo táadi tsin sitą́ągo áádóó e'e'aahjigo ałdó' táadi tsin sitą́ągo hodiyingo haz'ánígíí bíighahgóó nááhást'ą́ą doo; ákwe'é kin haal'áádóó diné k'ééda'didléeh doo.

¹⁹Kintahgóó nidajilnishígíí éí Ízrel dine'é ádóone'é dajílínígíí t'áá ádzíłtso ákwe'é k'éédazhdidléeh doo.

²⁰Kéyah t'áá sahdii biniyé át'éego ats'ádeet'ánígíí łahdę́ę́' tseebíídóó náá'áłníí' t'įįhí bi'ohgo tsin sitą́ą doo, áádóó náánáłahdę́ę́' tseebíídóó náá'áłníí' t'įįhí bi'ohgo tsin sitą́ą doo; t'áá ákódanízahgo bináhás'áa doo, áko kin haal'áago bíighahgóó ałts'ą́ą́hjí kéyahígíí ałdó' atah óoltą' doo.

²¹Kéyah éí Bóhólníihii bá ats'ádeet'ánígíí índa kéyah kin haal'áago ádoolníiłgo bá ats'ádeet'ánígíí éí kéyah bił ahóóltą'go tseebíídóó náá'áłníí' t'įįhí bi'ohgo tsin sitą́ ákónízah áádóó naaniigo ałdó' tseebíídóó náá'áłníí' t'įįhí bi'ohgo tsin sitą́; éí ałts'ą́ą́hjígo bíighahgi kéyah hoodzooígíí áádóó e'e'aahjigo tónteeljį' kéyah niní'áhígíí áádóó ha'a'aahjigo kéyah niní'áhígíí t' áá át'é éí t'áá áłah naat'áanii bikéyah doo. Kin bii' sohodizin índa kéyah t'áá bóóltą'go Bóhólníihii bá ats'ádeet'ánígíí éí t'áá ałtso kéyah ahééhoodzooígíí ałníi'gi sinil doo;

²²kéyah Júdah dine'é baa deet'ánígíí áádóó kéyah Bénjamin dine'é baa deet'ánígíí bita' gónaa, díí kéyahígíí éí t'áá át'é naat'áanii bá sinil doo, t'áá hazhó'ó Líívai dine'é kéyah baa deet'ánígíí índa kin haal'á bá haadzooígíí éí naat'áanii bikéyah ałníi'gi sinil doo.

²³Áádóó éí bíighahgóó shádi'áahjigo Ízrel dine'é daadziihígíí kéyah bá hadahwiisdzo doo; ha'a'aahjídóó e'e'aahjí hoodzo doo, éí Bénjamin dine'é bíí' doo.

²⁴Bénjamin dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Símiyan dine'é bíí' doo.

²⁵Símiyan dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Ísakar dine'é bíí' doo.

²⁶Ísakar dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Zébyulan dine'é bíí' doo.

²⁷Zébyulan dine'é bikéyahdóó shádi'áahjigo bíighahgóó ha' a'aahjí áádóó e'e'aahjí hoodzo doo, éí Géed dine'é bíí' doo.

²⁸Géed dine'é kéyah baa deet'ánígíí éí shádi'ááh bich'ijígo Téímar kin haal'áádóó shádi'ááhdóó e'e'aah bich'į'go tó hadaazlį́įgo Kéídesh kin haal'áajį' hoodzo, éí áádóó náhookǫsdóó e'e'aahjigo Ííjip dine'é bikéyah si'ánígíí bibąąhgóó Ayóó'át'é Tónteel áajį' hoodzo doo.

²⁹Ízrel bitahdóó ádóone'é dajílíinii kéyah daahó áádóó hats'ą́ą́dóó da'ahílchíihii baa dahizhdi'aah dooleełígíí biniyé díí kéyah hataadidoot'ááł áádóó ałts'ą́ą́' da'jíłk'iiz doo, ní Bóhólníihii Diyin God.

³⁰Kin haal'áago biná'ástł'inígíí naanída'astł'ingo bita' ádanízahígíí éí t'ááłá'ídóó náá'áłníí' tsin sitą́ ákódahonízah. Kót'éego yah ada'iiztiin:

³¹éí bita' gónaa táa'go dáń'da'ditį́įh doo, áádóó dáń'da'ditį́hígíí Ízrel bitahdóó dine'é bee dabi'dójíhígíí éí bee dawójí. Náhookǫs bich'ijígo táa'go dáń'da'ditį́hígíí éí Rúben áádóó Júdah índa Líívai bee dawójí.

³²Ha'a'aahjígo t'ááłá'ídóó náá'áłníí' tsin sitą́; áádę́ę'go táa'go dáń'da'ditį́hígíí éí Jóseph áádóó Bénjamin índa Dan bee dawójí.

³³Shádi'ááhjígo t'ááłá'ídóó náá'áłníí' tsin sitą́; áádę́ę'go táa'go dáń'da'ditį́hígíí éí Símiyan áádóó Ísakar índa Zébyulan bee dawójí.

³⁴Áádóó e'e'aahjígo t'ááłá'ídóó náá'áłníí' tsin sitą́; áádę́ę'go táa'go dáń'da'ditį́hígíí éí Géed áádóó Ásher índa Náftalai bee dawójí.

³⁵Áko kin haal'áago biná'ástł'inígíí éí hastą́ą́h tsin sitą́; éí bijį́į́dóó, Bóhólníihii Áadi Hólǫ́, wolyéego hahodoolzhish.