Read Navajo HOSEA 3 Bible Online

HOSEA 3 - Navajo bible

HOSEA 3

¹Áko Bóhólníihii áshidííniid, Azhą́ Ízrel dine'é éí diyin dabidi'níinii yich'į' nidahałáa nidi, áádóó ch'il na'atł'o'ii ahídiiłjée'ii bił ayóó ádahoot'ée nidi, Bóhólníihii ayóó'ábó'nínígi át'éego ni ałdó' nílááh, asdzání bich'ooní ayóó'ábó'níinii, azhą́ adiléii nidi, ayóó'ííní'níi doo biniyé nídiiłteeh.

²Béésh łigaii shékel wolyéii ashdla'áadah bíighahgo áádóó tł'oh naadą́ą́' bidee'í hastą́ą́h azis bee hééł bíighahgo bee ádá náhoyéłnii'.

³Áádóó áhodííniid, T'áá shił síníkéego t'óó ahayóí yidoołkááł; t'áadoo ałjiłnii nílíní doo, doo nidi diné ła' nínáádidííłtéeł da. Áko shí ałdó' ákónísht'ée doo.

⁴Áko aláahgo naat'áanii t'áágééd, naat'áanii t'áágééd, nááhániihii t'áágééd, tsé bich'į' nahadláii t'áágééd, íífad wolyéii t'áágééd, eda'alyaii bich'į' nahadláii t'áágééd Ízrel dine'é kééhat'į́įgo t'óó ahayóí yidoołkááł.

⁵Áádóó bik'ijį' Ízrel dine'é éí nináhidookahgo Bóhólníihii Diyin God nilíinii áádóó David aláahgo naat'áanii nilíinii hadeintáa doo índa náás hoolzhishdi Bóhólníihii áádóó bijooba' yich'į' dah nidahididookahgo deidósin doo.