Read Navajo NUMBERS 33 Bible Online

NUMBERS 33 - Navajo bible

NUMBERS 33

¹Ííjip kéyahdę́ę́' Ízrel dine'é bisiláo yił daníjaa'go Mózes áádóó Éran boo'ishgo kót'éego ch'ídahaazná.

²Áko Mózes yee ak'e'ashchínígíí bik'ehgo Bóhólníihii yee nihoní'áanii bik'ehgo ch'ízhníná, áko díí bik'ehgo joonéełgo jíkai.

³Átsé nídízídígíí binih ashdla'áadah yoołkááł góne', atis'adeesdzá biiskání éí Rámsiiz kin haal'áádóó Ízrel dine'é ch'íná'ná; Ííjip dine'é t'áá ałtso t'áadoo náhoniyésí Ííjip dine'é binááł ch'ízhníná.

⁴Áko Ííjip dine'é bitahgóó alą́ąjį' nidabi'diizhchíinii Bóhólníihii nabistseedígíí yóó'ádeile'go ch'ízhníná; bidiyin dabidi'níinii ałdó' Bóhólníihii atíbiilaa.

⁵Áádóó Rámsiizdóó Ízrel dine'é dah náádii'náago Sákathgi niníná.

⁶Sákathdóó dah náádii'náago honoojí bibąąhgi Ííthandi ninááná'ná.

⁷Áádóó Béíyal-zíífan nahós'a'gi Páí-haháírath bíighahgóó ch'ínínáago Mígdal hoolyéhígíí bíighahgi ninááná'ná.

⁸Páí-haháírath bíighahdóó nínáádii'náago tó ałníí'góó honoojíijį' ch'íníná, áko Íítham nahós'a'dóó honoojíhígóó tágí jį́ joonéełgo Méírah hoolyéegi ninááná'ná.

⁹Méírahdóó dah náázhdii'náago Íílim hoolyéegi jiníná; ákwii naakits'áadahgo tó hadaazlį́ índa páam tsosts'idiingo naazkaadgo ákwe'é nizhníná.

¹⁰Íílim hoolyéédóó dah náádii'náago Tónteel Łichíí' bibąąhgi ninááná'ná.

¹¹Tónteel Łichíí' bibąąhdóó dah náádii'náago honoojí Sin hoolyéegi ninááná'ná.

¹²Áádóó honoojí Sin hoolyéédóó dah náádii'náago Dáfkah hoolyéegi ninááná'ná.

¹³Dáfkahdóó dah náádii'náago Éílash hoolyéegi ninááná'ná.

¹⁴Éílashdóó dah náádii'náago Réfidim hoolyéegi ninááná'ná; ákwii éí tó bídin hóyéé' lá.

¹⁵Réfidimdóó dah náádii'náago Sáínai honoojíigi ninááná'ná.

¹⁶Sáínai honoojíídóó dah náádii'náago Kíbrath-hatéí'avah hoolyéegi ninááná'ná.

¹⁷Kíbrath-hatéí'avahdóó dah náádii'náago Hazíírath hoolyéegi ninááná'ná.

¹⁸Hazíírathdóó dah náádii'náago Ríthmah hoolyéegi ninááná'ná.

¹⁹Áádóó Ríthmahdóó dah náádii'náago Ríman-píírez hoolyéegi ninááná'ná.

²⁰Ríman-píírezdóó dah náádii'náago Líbnah hoolyéegi ninááná'ná.

²¹Áádóó Líbnahdóó dah náádii'náago Rísah hoolyéegi ninááná'ná.

²²Rísahdóó dah náádii'náago Kííhiiléíthah hoolyéegi ninááná'ná.

²³Kííhiiléíthahdóó dah náádii'náago Dził Shéífer si'ánígi ninááná'ná.

²⁴Dził Shéíferdóó dah náádii'náago Haréídah hoolyéegi ninááná'ná.

²⁵Haréídahdóó dah náádii'náago Makhíílath hoolyéegi ninááná'ná.

²⁶Makhíílathdóó dah náádii'náago Téíhath hoolyéegi ninááná'ná.

²⁷Téíhathdóó dah náádii'náago Téírah hoolyéegi ninááná'ná.

²⁸Téírahdóó dah náádii'náago Míthkah hoolyéegi ninááná'ná.

²⁹Míthkahdóó dah náádii'náago Hashmónah hoolyéegi ninááná'ná.

³⁰Hashmónahdóó dah náádii'náago Mosíírath hoolyéegi ninááná'ná.

³¹Mosíírathdóó dah náádii'náago Béne-jéíyakan hoolyéegi ninááná'ná.

³²Béne-jéíyakandóó dah náádii'náago Hor-hagídgad hoolyéegi ninááná'ná.

³³Hor-hagídgadóó dah náádii'náago Játbathah hoolyéegi ninááná'ná.

³⁴Játbathahdóó dah náádii'náago Iibrónah hoolyéegi ninááná'ná.

³⁵Iibrónahdóó dah náádii'náago Ííziyan-gííber hoolyéegi ninááná'ná.

³⁶Ííziyan-gííberdóó dah náádii'náago Zin honoojí nahós'a'gi t'áá ákwii Kéídesh hoolyéego ákwii ninááná'ná.

³⁷Kéídeshdóó dah náádii'náago Íídam kéyah nihoodzogi Dził Hor si'ánígi ninááná'ná.

³⁸Náá'iiłniihii Éran éí Bóhólníihii bizaadk'ehgo Dził Hor góde haayá, índa áadi daaztsą́; Ízrel dine'é Ííjip kéyahdę́ę́' ch' ínínáádóó bik'ijį' dízdiin nááhaigo ashdla' nídízííd binih ła'a jį́į́ góne' áhóót'įįd.

³⁹Áko Éran t'ááłáhídi neeznádiindóó ba'aan naadiin táá' binááhaigo Dził Hor bighą́ą'di daaztsą́.

⁴⁰Ákohgo Éírad kin haal'áádóó aláahgo naat'áanii Kéínan dine'é nilíinii éí Kéínan kéyah bii' shádi'ááh hoolyéegi kééhat'į́įgo Ízrel dine'é yinéłígíí yaa hodiizts'ą́ą́'.

⁴¹Áko Dził Hor si'ánídóó dah náádii'náago Zalmónah hoolyéegi ninááná'ná.

⁴²Zalmónahdóó dah náádii'náago Púnan hoolyéegi ninááná'ná.

⁴³Púnandóó dah náádii'náago Óbath hoolyéegi ninááná'ná.

⁴⁴Óbathdóó dah náádii'náago Mó'ab kéyah bibąąhgi Áíjii-ábarim hoolyéegi ninááná'ná.

⁴⁵Áíyimdóó dah náádii'náago Dáíban-géed kin haal'áagi ninááná'ná.

⁴⁶Dáíban-géedóó dah náádii'náago Álman-diblathéíyim kin haal'áagi ninááná'ná.

⁴⁷Álman-diblathéíyimdóó dah náádii'náago Dził Ábarim daní'áagi Dził Nííbo bitsį́įdi ninááná'ná.

⁴⁸Dził Ábarim daní'áádóó dah náádii'náago Mó'ab kéyah nidzisgaigi Jériko binaashiijí Jórdan tooh nílíní bibąąhgi ninááná'ná.

⁴⁹Áko Jórdan tooh nílíní bibąąhgi Beth-jéshimath kin haal'áádóó Éíbel-shíttim hoolyéejį' Mó'ab kéyah nidzisgaigi nidahaazná.

⁵⁰Áádóó Jériko binaashiijí Jórdan tooh nílíní bibąąhgóó Mó'ab kéyah nidzisgaigi Bóhólníihii éí Mózes yich'į' haadzíi'go ání,

⁵¹Ízrel dine'é bich'į' handziihgo ábidiní, Jórdan tooh ha'naa Kéínan kéyah góne' oonáago

⁵²kéyahgi kéédahat'ínígíí t'áá ałtso áts'ą́ąjį' ch'ídahidínóołkał áádóó tsé bee eda'alyaii áádóó béésh doolyį́į'go bee eda'alyaii índa ninádahałaah doo biniyé wódah nahaz'ą́ągo ádayiilaaígíí ałtso bits'ą́ą́' nidahidoołchxǫǫł,

⁵³áko dabikéyah bigha dahodidooht'áałgo bii' kéédahoht'į́į doo, háálá kéyah danihíí' dooleeł biniyé nihaa diní'ą́.

⁵⁴Índa dine'é danohłíinii kéyah danihíí' dadooleełígíí yáá'iilt'e' bik'ehgo nihikéyah ałtaa doohdzoh; lą'í danołt'éhígíí bik'ehgo kéyah dahótsaago hadahidoohsoh áádóó ádanołch'į́dígíí bik'ehgo kéyah t'áá nihidahoníłtsóhígo hadahidoohsoh; yáá'iilt'e' bik'ehgo diné hakéyah hóó' nidahaleeh; dine'é danohłíinii bik'ehgo kéyah danihíí' nidahaleeh doo.

⁵⁵Nidi díí baa hodoolzhish: kéyahgi kéédahat'ínígíí t'áadoo ádíts'ą́ąjį' nihaa ch'ídahaazhjéé'góogo kéyahgi nidaakaigo ádaałaaígíí nihinák'ee nída'ajiłígi át'éego, doodaii' nihooshk'iizh góne' nihaa inída'ajiłígi át'éego hóyée'go nihich'į' nidahwiiłnáago kéyah bii' kéédahoht'į́į doo.

⁵⁶Náá'áłdó' díí baa hodoolzhish: atídeeshłííł nisinígíí, jó, nihída atínihideeshłííł.