Read Navajo NUMBERS 5 Bible Online

NUMBERS 5 - Navajo bible

NUMBERS 5

¹Áádóó Bóhólníihii éí Mózes yich'į' haadzíi'go ání,

²Ízrel dine'é bich'į' handziihgo ábidiní, Łóód ats'íís yiyáanii bąąh naałniihii áádóó t'áá ha'át'íhída bąąh hááłts'ą'ii t'áá ałtso índa t'áá háiida éí daaztsáanii bits'íís bíhizhdéé'náa'go bee jííchxǫ'ii éí níbaal haal'á bits'áhwiiní'ą́ą́góó hoda'ayołnííh;

³diné, doodaii' asdzánída nahgóó hoda'ayołnííh; éí níbaal haal'á bits'áhwiiní'ą́ą́góó hoda'ayołnííh, áko níbaal haal'áagi honishłónígi doo dahozhdoołchxǫǫ ł da.

⁴Áádóó Ízrel dine'é ákódaadzaa, hąąh nidahałniihii éí níbaal haal'á bits'áhwiiní'ą́ą́góó hoda'asnii'. Bóhólníihii éí Mózes yich'į' yee haadzí'ígi át'éego Ízrel dine'é t'áá ákóda'iilaa.

⁵Áádóó Bóhólníihii éí Mózes yich' į' haadzíi'go ání,

⁶Ízrel dine'é bich'į' handziihgo ábidiní, Diné ła', doodaii' asdzání ła' nihokáá' dine'é ádił nida'iisíhígíí éí yee Bóhólníihii yich'į' doo ákǫ́ǫ́ áát'įįdgóó áádóó yee ádihodiilt'i'go yá ninánítłizhgo

⁷yee ádił asiihígíí yee ádaa hodoolnih, áádóó doo ákǫ́ǫ́ ayííł'įįdígíí yik'é yich'į' niná'doodlééł, índa ashdla' aháádzooígíí t'ááłá'í yínéidoozohgo yich'į' doo ákǫ́ǫ́ áát'įįdígíí yeidoonił.

⁸Nidi diné yich'į' doo ákǫ́ǫ́ áát'įįdígíí doo hináágóó áádóó bik'éí doo hólǫ́ǫ́góó t'áadoo yich'į' niná'ódlé łígóó éí doo ákǫ́ǫ́ áát'įįdígíí niná'doodléełgo Bóhólníihii bá náá'iiłniihii baa didoot'áałgo deenásts'aa' bee á k'ééhoodǫǫłii óóltą'go há k'ééhozhdoołdǫǫłii nááhizhdoołnih.

⁹Áádóó Ízrel dine'é éí diyingo náádayiiłniihii t'áá át'é náá'ii łniihii yaa dayiijáhígíí t'áá bíí' neheleeh.

¹⁰Diné t'áá ádzíłtso diyingo náádajiiłniihígíí éí náá'iiłniihii bí doo; t'áá ha'át'íhída náá'iiłniihii baazhníláhígíí t'áá bíí' dooleeł.

¹¹Áádóó Bóhólníihii éí Mózes yich'į' haadzíi'go ání,

¹²Ízrel dine'é bich'į' handziihgo ábidiní, Diné ła' hwe'asdzą́ą́ hats'ą́ą́' diné yił ahint'įįhgo bił ahízhdéét'i'ígíí yił asiihgo

¹³áádóó éí diné bił neezhtéezhgo áádóó ájíít'įįdígíí hahastiin bits'ąą nanil'ingo ázhdoolchxǫ'ígíí t'áadoo bééhoozingóó índa oo'íinii ádingo t'áadoo hahodeel'į́'ígóó

¹⁴áádóó hahastiin haa łe'niizį́į'go be'asdzą́ą́ jílį́įgo ázhdoolchxǫ'go, doodaii' doo ázhdoolchxǫ' da nidi haa łe'nízingo,

¹⁵áko be'asdzą́ą́ jílíinii éí náá'iiłniihii yich'į' hoł doo'ashgo néidiyoołnihígíí há yidookááł, éí ómer bee í'neel'ąąhí bee tł'oh naadą́ą́' nanool'ołí ak'áán ályaii t'ááłáhídi haaką́ągo éí ak'ah doo bik'i yeizdooził da áádóó tsin bijeeh dilidgo łikání halchinii fránkinsens wolyéii ałdó' doo bąąh ázhdoolíił da, háálá łe'hasinjí nááhániihii át'é; doo ákwii áhóót'įįd bééhwiinííhjí nááhániihii át'é.

¹⁶Áádóó náá'iiłniihii éí asdzání yił áháníjį' Bóhólníihii yich'į' yił nidoo'ash,

¹⁷áko náá'iiłniihii éí hashtł'ish łeets'aa' bee tó diyinígíí néididookááł índa níbaal bii' hodílzinii bii' ni'dóó łeezhígíí néididoojihgo tó yiih yidoojih,

¹⁸áádóó náá'iiłniihii éí Bóhólníihii binááł asdzání bił jidoo'ashgo bitsii' bik'i ná'iizhdoo'ał áádóó bee ééhániihgo nááhániihii éí łe'hasinjí nááhániihii át'éego bílák'ezhdookááł, áko náá'iiłniihii éí tó hodiiłch'ihii bee hóyée'jį' á ha'iidziihígíí dah yookáał doo.

¹⁹Áko náá'iiłniihii éí asdzání ádee hayiyííłdzíi'go íididooniił, Diné doo ła' nił neezhtéézhgóó, índa nahastiin doo bits'ą́ą́' dah diniyáágóó t'ah bóhwííníłníihgo áádóó t'áadoo ádíínílchxǫ'góogo, díí tó hodiiłch'ihii bee hóyée'jį' á ha'iidziihígíí doo nidídóołniił da.

²⁰Nidi nahastiin bits'ą́ą́' dah diniyáá ládą́ą́' áádóó ádíínílchxǫ' ládą́ą́' diné náánáła' nił neezhtéezhgo ákónít'į́įgo,

²¹áko náá'iiłniihii éí asdzání ádee hayididoołdzihgo íididooniił, Bóhólníihii éí ni'dódziihgo áádóó nidine'é bitahgi ni'dit'į́įgo ándoolííł, Bóhólníihii éí nitsoosk'id yididoołdził índa nibid yidínóołchał.

²²Díí tó bee hóyée' jį' ná ha'iidziihígíí niih hóóle'go nibid yidínóołchał índa nitsoosk'id yididoołdził. Áko asdzání ádidooniił, T'áá ákót'ée doo, t'áá ákót'ée doo.

²³Áádóó náá'iiłniihii éí díí hóyée'jį' á ha'iidziihígíí naaltsoos yisdisii yikáá' íidoolííł áádóó tó hodiiłch'ihii yee k'éé'iidoołchxǫǫł,

²⁴índa náá'iiłniihii éí tó hodiiłch'ihii bee hóyée'jį' á ha'iidziihígíí asdzání yidiyoołdlį́į́ł, áko tó bee hóyée'jį' á ha'iidziihígíí ayííłna'go éí tóhígíí dích'íí' dooleeł.

²⁵Áko náá'iiłniihii éí łe'hasinjí nááhániihii át'éego asdzání yílák'ee haidookáałgo Bóhólníihii binááł nááhániihii át'éego bikáá' náá'iiniihí yich'į' náásee yił didoolnih.

²⁶Áádóó náá'iiłniihii bílák'ee ak'áán nááhániihii hadeezbingo bee ééhániihígíí át'éego néididoojih; éí bikáá' náá'iiniihí yikáa'gi yididoołił áádóó bik'ijį' índa tó hodiiłch'ihii éí asdzání yidiyoołdlį́į́ł.

²⁷Áko asdzání éí tó bijiyííłdlą́ą́'dóó bik'ijį' asdzání ádoolchxǫ'go índa bahastiin yich'į' doo ákǫ́ǫ́ áát'įįdgóó, tó hodiiłch'ihii bee hóyée'jį' á ha'iidziihígíí ayííłna'go dích'íí' silį́į'go bibid yidínóołchał áádóó bitsoosk'id yididoołdził índa éí asdzání bidine'é bitahgi bi'dit'į́į doo.

²⁸Ákondi asdzání doo ádoolchxǫ'góogo, nidi t'óó bi'didéehgo éí doo bohodiit'i'góó ba'áłchíní hodooleeł.

²⁹Áko díí éí łe'hasin biniyé bee haz'áanii át'é; éí e'asdzą́ą́ jílíinii hahastiin t'ah bíhojółníihgo bits'ą́ą́' dashdiiyáago ázhdoolchxǫ'go,

³⁰doodaii' hastiin łe'dí'nóozįįłgo be'asdzą́ą́ jílį́įgo haa łe'nízingo Bóhólníihii binááł asdzání yił doo'ash; náá'iiłniihii éí díí bee haz'áanii t'áá át'é bik'ehgo asdzání yaa nídóot'įįł.

³¹Áko diné éí doo ákwii át'éii doo yee ádihodiilt'i' da doo, nidi asdzání éí doo ákwii át'éii yee ádihodiilt'i'go naagháa doo.