Read Navajo MICAH 5 Bible Online

MICAH 5 - Navajo bible

MICAH 5

¹Siláo dah yikahii bitsi' nílíinii, nidine'é ał'ąą dah naazhjaa'go ídadi'doolnííł, háálá nihináshzhiizhgo nihik'ijį' nídiildzil, áko Ízrel dine'é bá hoo'áałii hał yee biniitsį' nídeididoołhał.

²Nidi nihí, Béthlehem Éfratahdóó dine'é danohłíinii, azhą́ Júdah dine'é miil yilt'éego bitahgi ánółch'į́į́dí nidi, nihits'ą́ą́dóó Ízrel dine'é binanit'a'í éí t'áá ałk'idą́ą́' hool'áádę́ę́' naagháii shá ch'ídoogááł.

³Éí bąą awéé' bí'nahii ashchį́įjį' nahjį' nihodidoo'ááł, áádóó bik'isóó daadzíi'ii Ízrel dine'é yich'į' t'ą́ą́' kónéidoodlííł.

⁴Áádóó Bóhólníihii bibee adziilii índa biDiyin God bízhi' aláahdi át'éii yee sizį́įgo bidibé yi'iisą́ągo atah kéédahat'į́į doo, háálá k'ad éí nahasdzáán nidanees'ą́ąjį' ayóó át'éii nilį́į doo.

⁵Díí diné éí k'é nilį́į doo. Asíriya nihikéyahjį' adahakáahgo índa nihinanit'a'í dabighan yik'i nihidiikaigo dibé yaa ádahalyáanii tsosts'id yilt'éego índa naat'áanii tseebílt'éego bił hach'į' nídidiikah.

⁶Áko Asíriya kéyah áádóó Nímrad kéyah bich'į' yah ada'iiztiinígíí diltłish yee deidoołchxǫǫł, ákót'éego nihikéyah góne' íínáago áádóó nihináhásdzooígíí yii' tádadikáahgo Asíriya dine'é bits'ą́ąjį' háánihidoo'nił.

⁷Jéíkab dine'é yidziihígíí éí dadine'é t'óó ahayóí bitahgi Bóhólníihii bits'ą́ą́dę́ę́' dahtoo' nahalin doo, índa tł'oh bik'i ni'dizhołígíí éí diné índa náás da'ahílchíihii doo yiba' át'ée da nahalin doo.

⁸Náshdóítsoh bitsiijį' ditł'ooígíí tsintahdóó naaldlooshii yitaaghá nahalingo áádóó náshdóí yáázh éí dibé yitaagháhígi át'éego Jéíkab dine'é yidziihígíí doo Jew dine'é danilíinii lą'í bitahgi yitaadaakai doo. Éí yitahgóó yigáałgo yik'i nidoogaał índa niidiyoonishgo doo ła'da yisdábidoołtéeł da.

⁹Nihíla' bee nihi'ana'í nilíinii bik'eh dadohdlį́ índa nihits'ą́ą́jí nilíinii ałtso ádooldįįł.

¹⁰Éí bijį́įdi nihitahdóó danihilį́į́' bee nida'abaahii índa nihitsindaabąąs bijáád naakiígíí ádeeshdįįł, ní Bóhólníihii.

¹¹Áádóó nihikéyahdóó kin hadaas'áii nahjį' kódadeeshłííł índa niłdzilgo bine' na'adzi' bił nahaz'áanii ałtso naa'ahideeshtł'ił.

¹²Bee idanohdzinii nahjį' kódeeshłíiłgo doo t'áá bąąh dah shoojée' da doo, áko álílee k'ehgo nida'ídíłkidii ádin doo;

¹³eda'alyaii nihee hólóonii índa nihitahgi eda'alyaii naazíinii ádeeshdįįł, áko t'áá nihí ádaohłaii doo bich'į' nináádahohłáa da doo.

¹⁴Áádóó nihitahgi tsin naazkaadii bich'į' nidahohłáii hahideeshts'ǫł, ákót'éego nihikin hadaas'áii ádeeshdįįł.

¹⁵Áádóó ał'ąą dine'é doo ádahozdiilts'a'ii hach'į' sháhodoochįįłgo áádóó hashké dínéesdzįįłgo k'ééhodideeshdlííł.