Read Navajo MALACHI 3 Bible Online

MALACHI 3 - Navajo bible

MALACHI 3

¹Shá halne'ii deesh'aałgo shilą́ąjį' honít'i'go áhodoolííł, jó'akon, áádóó Bóhólníihii hadanohtáii t'áadoo hooyání bikin bii' sohodizingi hodoołeeł; bee aha'deet'áanii yaa halne'ii baa nihił dahózhóonii doogááł, jó'akon, ní t'áá ałtsoní bee Bóhólníihii.

²Nidi níyá bijį́įdi háishą' ha'ólníi doo áádóó níyáagoshą' háí yíníłdzil doo? Háálá kǫ' bee béésh dilyį́įhii nahalin índa táláwosh bee iilgáhígíí nahalin.

³Béésh łigaii yąąh nichǫ́'ígíí yidiłhį́įhii nahalingo dah sidáa doo áádóó Líívai biye'ké ahoolchíiłii bi'díídee'go éí óola áádóó béésh łigaii bąąh hadoolyį́į'ii nahalingo íidoolííł, áko t'áá ákogi át'éego Bóhólníihii bich'į' náádazhdi'yoołnih.

⁴Áko índa t'áá ałk'idą́ą́' áádóó t'áá nináháhááhdę́ę́' át'éhígi át'éego Júdah índa Jerúsalem binááhániihii bee Bóhólníihii bił nááhojíshǫ́ǫ dooleeł.

⁵Nihaa nídéesht'įįł biniyé t'áá áháníjį' nihaa hodeeshłeełgo binda'adlo'go álílee k'ehgo nidahałáii, da'diléii, t'áá ádzaagóó ádee hadahididziihii, bá nidaalnishí áádóó asdzání bąąh ádahasdįįdii índa áłchíní bizhé'é ádaadinii yide ádahósinii áádóó dé'éyóní danilíinii bee bá nahaz'áanii doo yee yá dahooł'aahii índa doo dashidósinii tsxį́įłgo bá nahodiyeesh'ááł, ní t'áá ałtsoní bee Bóhólníihii.

⁶Háálá Bóhólníihii nishłį́; doo łahgo ánáósh'nééh át'ée da; éí bąą doo ádasoohdįįd da, Jéíkab biye'ké danohłíinii.

⁷Danihizhé'é yę́ę bídayéełkaah yę́ędą́ą́'dóó wóshdę́ę́' shibik'eh hoogáałii bits'áhisoohkaigo doo bik'eh dahosooł'įįd da. Shaa nánóhkááh; shí ałdó' nihaa náhodeeshłeeł, ní t'áá ałtsoní bee Bóhólníihii. Áko ádadohní, Ha'át'éegoshą' t'ą́ą́' nináhidiikah?

⁸Da' dinéésh éí Diyin God yee adínóo'į́į́ł? Nidi nihíyee' shee da'noh'įįh. Áko ádadohní, Haash yit'éego nee da' neet'į́į́'? Neeznáá daníjaa'ígíí éí t'ááłá'ígo shijaa', éí Bóhólníihii baa nídahidoh'aahii índa náádahołniihii bee shee da'noo'į́į́'.

⁹Hóyée'go á ha'iidziihii éí bee hóyée'go nihá ha'oodzíí', háálá nihí t'áá kééhoht'į́į́ nít'éé' shee da'noo'į́į́'.

¹⁰Shikin biyi' góne' ch'iyáán hólǫ́ǫ doo biniyé neeznáá daníjaa'ígíí éí t'ááłá'ígo shijaa' Bóhólníihii baa náhidit'aahígíí t'áá át'é kin bii' nooh ná'áchíihii biyi' góne' yah adahohjááh. Áko yá'ąąshdi tsésǫ' ąą ádadeeshłíiłgo ayóó át'éego bee ak'ihojidlíii nihik'ijį' yeideeshniłgo shódeisoołt'e', nidi doo hwiidoo'aał da. Éí ákódeeshníłígíí bee shééhodoozįįłgi bee shá hooł'aah, ní t'áá ałtsoní bee Bóhólníihii.

¹¹Nihikéyahgóó aneest'ą' nídahoodleełii doo yidoołchǫǫł da biniyé índa ch'il na'atł'o'ii k'éédadohdléehgi doo ch'ééh nanise' da dooleeł biniyé t'áá bizááká aldeełii nihá dideeshteh, ní t'áá ałtsoní bee Bóhólníihii.

¹²Índa ał'ąą dine'é éí bik'idahojidlíii danihididooniił, háálá kéyah baa hózhóonii danohłį́į doo, ní t'áá ałtsoní bee Bóhólníihii.

¹³Danihizaadígíí bee shidadoołkaal nít'éé', ní Bóhólníihii. Áko ádadohní, Ha'át'íishą' bee nidadiilkaalgo yádeiilti' nít'éé'?

¹⁴Ádadooniid, T'áadoo biniyéhígóó Diyin God bá nideiil'a'. Bóhólníihii bibik'eh hoogáałii bik'eh dahoniil'į́įgo índa t'áá ałtsoní bee Bóhólníihii binááł yínííł bił deíníikáahgo ha'át'íísh nihaa dadoodił?

¹⁵Áádóó t'áá ádíláahgo deíkáahii bik'idahojidlíii dabidii'ní; t' áá íiyisí doo yá'áshǫ́ǫ́góó ádáát'įįdii náás deeskai; t'áá aaníí, Diyin God yídaneeztą́ą́', nidi t'áadoo ábiilaaí da.

¹⁶Ákohgo Bóhólníihii dabidósinii ałch'į' yádaałti', índa Bóhólníihii bidiizts'ą́ą'go baa ákoniizį́į́' áádóó dabidósinii índa bízhi' yaa nitsídaakeesii naaltsoos bee ééhániihii Bóhólníihii binááł ályaa.

¹⁷T'áá ałtsoní bee Bóhólníihii ání, Shíí' dadooleeł, índa diné biye' ayóó'ábó'níigo bik'eh hół'íinii yaa joozba'ígi át'éego áajį' ayííłką́ągo shiyódí íiyisí ílíinii hasht'eeshłéehgo baa jiideeshbaa ł.

¹⁸Áko t'áá ákogi ádaat'éii áádóó t'áá íiyisí doo yá'ádaashóonii ał'ąą ádaat'éego, doodaii' Diyin God yá nidaal'a'ígíí áádóó doo yá nidaal'a'ígíí ał'ąą ádaat'éego nihił béédahodoozįįł.