Read Navajo I THESSALONIANS 3 Bible Online

I THESSALONIANS 3 - Navajo bible

I THESSALONIANS 3

¹Áko t'áá íiyisí nihídin daniidlį́įgo doo asoh dadeel'įįdgóó, t'áá Áthenzgi t'áá sáhí neiit'aash doogo bee lą́ da'siidlį́į́',

²áádóó nihitsilí Timothy, éí Christ baa hane' yá'át'éehii bee na'nitin bee bił nideiilnishgo Diyin God yá naal'a'í nilíinii, chánah ánihidoolíiłgo, índa nihe'oodlą' bidziilgo ádanihidoolííł biniyé nihich'į' anáhwiil'a',

³áko ach'į' nahwii'náanii doo ła' bik'ee t'ą́ą́' anáhidoohkah da. Ach'į' nahwii'ná bich'į' ninihi'dee'nilgo nihił béédahózin.

⁴Háálá t'ah nihitaiikai yę́ędą́ą́' da'oodlání atídabi'dil'į́į doogo t'áá bítséedi bee nihił dahwiilne', áko éí bohoolyaago nihił béédahoozin.

⁵Áko níłch'i bida'iiníziinii binanit'a'í nanihíneeztą́ą'go nihindashiilnishii t'áá ádzaaí silį́į́' dó'óshłí nisingo biniinaa t'áá íiyisí shi'diił'áago nihe'oodlą' shił bééhodoozįįł biniyé Timothy nihich'į' ííł'a'.

⁶K'ad nihits'ą́ą́dę́ę́' Timothy nihaa nádzáago, nihe'oodlą' áádóó ayóó'áda'íínóh'nínígíí yá'át'éehgo yee nihił náhoolne', índa t'áá áłahjį' yá'át'éehgo nihéédaałniihgo, nihídin daniidlį́įgo t'áá k'adę́ę nídanihiiltséhígi át'éego nihí ałdó' nihídin danohłį́įgo k'adę́ę nídanihoołtséehgo yee nihił náhoolne'.

⁷Éí bąą nihik'isóó, kodi nihí lą'ígóó nihich'į' nidahwii'ná índa atídanihi'dil'į́į nidi, nihe'oodlą' bee chánah ánídanihoohdlaa,

⁸háálá t'ahdii Bóhólníihii bee danihidziilgo nisoozínígíí bee t'áá íiyisí chánah ánídanihoohdlaago t'áá aaníí dahinii'ná.

⁹Dooládó' Diyin God bich'į' nihaa ahééh daniidzin da! T'áá íiyisí ił hózhóonii bee nihiDiyin God binááł nihaa nihił dahózhǫ́.

¹⁰Danihiidiiltsééł áádóó nihida'oodlą' łahgo bi'oh áhádin ládą́ą́' nihida'oodlą' bidziilgo nihá ánídadiilnííł biniyé t'áá yoołkááł bik'eh haleebee bíká sodadiilzin.

¹¹NihiDiyin God nihiTaa' nilíinii t'áá bí, áádóó nihiBóhólníihii Jesus Christ éí nihaa náádiikahígíí nihá bohónéedzą́ągo áyóle'!

¹²T'áá ayóó'ádanihííníi'nínígi át'éego Bóhólníihii éí ayóó'áda'ahíínóh'níi dooígíí áádóó diné t'áá ałtso ayóó'ádeínóh'níi dooígíí t'ah yówehígo nooséełgo áyóle'.

¹³Áko nihiBóhólníihii Jesus éí bidiyį́į́' danilíinii yił nákaigo nihiDiyin God nihiTaa' bidááhdóó daozį'go nihijéí dabidziilgo áádóó dadinohyingo t'áadoo bee nihik'ídahót'ahígóó ánihidoolííł.