Read Navajo JOSHUA 12 Bible Online

JOSHUA 12 - Navajo bible

JOSHUA 12

¹Ízrel dine'é díí kéyahdóó aláahgo binanit'a'í danilíinii nideistseed áádóó éí bikédaayah Jórdan tooh biláahdi ha'a'aahjígo áádóó Árnan yíldzisdóó Dził Hérman si'áníjį' Áraba ha'a'aahjígo t'áá át'é nídahodii'ą́ągo bíí' daazlį́į́':

²Ámor dine'é aláahgo binanit'a'í Sáíhan éí Héshban kin haal'áagi kééhat'į́į́ nít'éé' áádóó Árnan yíldzisígíí bíighahgi Aró'er kin haal'áhídóó yinant'áá nít'éé', áádóó éí yíldzisígíí ałníí'dóó índa Gíliyad kéyah ałníí'dóó Áman dine'é bihoodzooígíí Jábak tooh nílíníjį' yee bóhólnííh nít' éé',

³áádóó ha'a'aahjigo Áraba dzígaidóó be'ek'id Kíniirathjį' áádóó Beth-jéshimath kin shijaa' bich'ijígo Áraba dzígaigi be'ek'idíjį', t'áá éí Tónteel Dók'ǫ́ǫzhii hoolyéejį' índa shádi'áahjigo Dził Pízgah bitsį́įjį' yee bóhólnííh nít'éé',

⁴áádóó Béíshan nahós'a'gi aláahgo naat'áanii Ag wolyéii, éí yé'iitsoh daadzí'ígíí ła' nilį́įgo, Áshtarath kin haal'áadi áádóó Édriyai kin shijaa'di kééhat'į́į́ nít'éé',

⁵áádóó Dził Hérman si'ánígíí áádóó Sálkah kin haal'áii áádóó Béíshan hoolyéii t'áá át'é, Gíísher dine'é áádóó Méíyakah dine'é bihoodzojį' índa Gíliyad kéyah ałníí'dóó Héshban kin haal'áádóó aláahgo naat'áanii Sáíhan bihoodzojį' yinant'áá nít'éé'.

⁶Éí aláahgo naat'áanii nidilt'éego Mózes éí Bóhólníihii yá naal'a'í nilíinii índa Ízrel dine'é yił hak'eh dadeesdlį́į́' áádóó Mózes éí Bóhólníihii yá naal'a'í nilį́įgo hakédaayah Rúben dine'é áádóó Géed dine'é índa Manáseh dine'é ałníí'dóóígíí bíí' dadooleełgo yeidiní'ą́.

⁷Áádóó díí kéyahdóó aláahgo naat'áanii danilíinii éí Jáshowa áádóó Ízrel dine'é danilíinii Jórdan tooh e'e'aahjígo Lébanan yíldzisgi Béíyal-géed hoolyéhídóó Dził Héílak éí Dził Síyer bich'į'go deez'áhíjį' nidadzistseed, áko éí bikédaayah Jáshowa éí Ízrel dine'é bíí' dadooleełii yá ahádeizooígíí bik'ehgo yitaideez'ą́.

⁸Díí dziłgo nahaz'ánígíí, dayíldzisígíí, dadzígaígíí, tó hadaazlínígíí, dahonoojíhígíí índa shádi'áahjigo nahós'a'ígíí éí Het dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é bikédaayah nít'éé'.

⁹Jériko dine'é aláahgo binanit'a'í t'ááłá'í, Béthel bíighahgiígíí Éí'ai dine'é aláahgo binanit'a'í t'ááłá'í,

¹⁰Jerúsalem dine'é aláahgo binanit'a'í t'ááłá'í, Hííbran dine'é aláahgo binanit'a'í t'ááłá'í,

¹¹Jármath dine'é aláahgo binanit'a'í t'ááłá'í, Léíkish dine'é aláahgo binanit'a'í t'ááłá'í,

¹²Églan dine'é aláahgo binanit'a'í t'ááłá'í, Gíízer dine'é aláahgo binanit'a'í t'ááłá'í,

¹³Dííber dine'é aláahgo binanit'a'í t'ááłá'í, Gííder dine'é aláahgo binanit'a'í t'ááłá'í,

¹⁴Hórmah dine'é aláahgo binanit'a'í t'ááłá'í, Éírad dine'é aláahgo binanit'a'í t'ááłá'í,

¹⁵Líbna dine'é aláahgo binanit'a'í t'ááłá'í, Adálam dine'é aláahgo binanit'a'í t'ááłá'í,

¹⁶Makíídah dine'é aláahgo binanit'a'í t'ááłá'í, Béthel dine'é aláahgo binanit'a'í t'ááłá'í,

¹⁷Tapúwah dine'é aláahgo binanit'a'í t'ááłá'í, Híífer dine'é aláahgo binanit'a'í t'ááłá'í,

¹⁸Éífek dine'é aláahgo binanit'a'í t'ááłá'í, Lasháran dine'é aláahgo binanit'a'í t'ááłá'í,

¹⁹Méídan dine'é aláahgo binanit'a'í t'ááłá'í, Héízor dine'é aláahgo binanit'a'í t'ááłá'í,

²⁰Shímran-mííran dine'é aláahgo binanit'a'í t'ááłá'í, Ákshaf dine'é aláahgo binanit'a'í t'ááłá'í,

²¹Téíyanak dine'é aláahgo binanit'a'í t'ááłá'í, Megído dine'é aláahgo binanit'a'í t'áá łá'í,

²²Kíídesh dine'é aláahgo binanit'a'í t'ááłá'í, Dził Kármelgi Jákniyam dine'é aláahgo binanit'a'í t'ááłá'í,

²³Dóor agháhóó'áadi kin haal'áhígóó kéédahat'íinii aláahgo binanit'a'í t'ááłá'í, Gílgal dine'é aláahgo binanit'a'í t'ááłá'í,

²⁴Térza dine'é aláahgo binanit'a'í t'ááłá'í; éí t'áá ałtsogo tádiindóó ba'aan t'ááłá'í aláahgo naat'áanii danilį́į́ nít'éé'.