Read Navajo I John 1 Bible Online

I John 1 - Navajo bible

I John 1

¹Iiná saad jílíinii éí t'áá hodeeyáádę́ę́' hojílǫ́, éí dahosidiits'ą́ą́' índa t'áá nihí nihináá' bee dahoníil'į́į́' áádóó hódadeelnii'.

²Éí iiná jílínígíí yit'íní ízh'diilyaago dahoníil'į́į́', áko éí bee haa nidahwiilne', índa iiná doo ninít'i'ii jílį́įgo aTaa' bił hojílónígíí nihich'į' ííshjání ízh'diilyaago hwee nihił nidahwiilne'.

³Ts'ídá t'áá aaníí Diyin God aTaa' áádóó biYe' Jesus Christ bił ahił daniidlį́. Nihí ałdó' ahidiníłnáago nihił ahił daniidlį́į doo biniyé dahoníil'į́'ígíí áádóó dahosidiits'ą́'ígíí bee nihił dahwiilne'.

⁴T'áá yíní át'éegi nihił dahózhǫ́ǫ doo biniyé nihich'į' naaltsoos ádeiilnééh.

⁵Áko Diyin God biYe' bits'ą́ą́dę́ę́' hane' dasidiits'ą́'ígíí áádóó bee nihił dahwiilne'ígíí éí kót'é: Diyin God adinídíín jílį́, áko chahałheeł ts'ídá doo bił ahízhdéét'i' da.

⁶Bił ahił daniidlį́, dadii'níi nidi, chahałheeł biyi' dayíníikáahgo danihiyooch'ííd, áádóó t'áá aaníinii doo bik'ehgo dahinii'náa da.

⁷Nidi t'áá adinídíín biyi' hojílónígi át'éego adinídíín biyi' dayíníikáahgo, ahidiníłnáago ahił daniidlį́, áko haYe' Jesus Christ t'áá bí bidił yee nihibąąhági át'éii t'áá át'é ałtso nihąąh tánéigis.

⁸Bąąhági át'éii nihii' ádin dadii'níigo ádinda'iidlo', áko t'áá aaníinii doo nihii' dahólǫ́ǫ da.

⁹Bąąhági ádeiit'ínígíí bee ádaa dahwiilne'go, hó ha'ahódlíii índa ts'ídá t'áá ákogi ááníiłii jílį́įgo nihibąąhági ádaat'éii ałtso nihá yóó'azhdidoo'ááł, áádóó doo t'áá ákogi ádeiit'įįdii ałtso nihąąh táázhdoogis.

¹⁰Doo bąąhági ásht'į́į da, dadii'níigo Diyin God biyooch'íidii nilį́įgo ádeíníilzin. Áádóó bizaadígíí nihii' ádin.