Read Ndebele-IBhayibhili Elingcwele 2006 Ugenesisi 14 Bible Online

Ugenesisi 14 - Ndebele-IBhayibhili Elingcwele 2006 bible

Ugenesisi 14

¹Kwasekusithi ensukwini zikaAmrafeli inkosi yeShinari, uAriyoki inkosi yeElasari, uKedolawoma inkosi yeElamu, loTidali inkosi yezizwe,

²balwa impi loBera inkosi yeSodoma, loBirisha inkosi yeGomora, uShinabi inkosi yeAdima, loShemebere inkosi yeZeboyimi, lenkosi yeBhela, eliyiZowari.

³Bonke labo bahlangana esigodini iSidima esiluLwandle lweTswayi.

⁴Babemkhonzile uKedolawoma okweminyaka elitshumi lambili, kodwa ngomnyaka wetshumi lantathu bavukela.

⁵Langomnyaka wetshumi lane kweza uKedolawoma, lamakhosi ayelaye, batshaya amaRefa eAshiterothi-Karnayimi, lamaZuzi eHamu, lamaEmi egcekeni leKiriyathayimi,

⁶lamaHori entabeni yeSeyiri, kuze kube eEliparani eliseduze lenkangala.

⁷Basebebuyela bafika eEnimishipati eliyiKadeshi, batshaya ilizwe lonke lamaAmaleki, njalo lamaAmori ayehlala eHazazoni-Tamari.

⁸Kwasekuphuma inkosi yeSodoma lenkosi yeGomora, lenkosi yeAdima lenkosi yeZeboyimi, lenkosi yeBhela eliyiZowari, bahlomisa impi bemelene labo esigodini iSidima,

⁹emelane loKedolawoma inkosi yeElamu, loTidali inkosi yezizwe, loAmrafeli inkosi yeShinari, loAriyoki inkosi yeElasari; amakhosi amane emelane lamakhosi amahlanu.

¹⁰Lesigodi seSidima sasilemigodigodi yengcino, lenkosi yeSodoma leyeGomora abaleka, awela khona; lasalayo abalekela entabeni,

¹¹asethatha yonke impahla yeSodoma leyeGomora, lokudla kwabo bonke, ahamba.

¹²Amthatha loLothi lempahla yakhe, indodana yomfowabo kaAbrama, asehamba, ngoba wayehlala eSodoma.

¹³Kwasekusiza owayephunyukile, wamlandisela uAbrama umHebheru, owayehlala ezihlahleni zamaokhi* zeMamre umAmori, umfowabo kaEshikoli lomfowabo kaAneri ababelesivumelwano loAbrama.

¹⁴Kwathi uAbrama esezwile ukuthi umfowabo uthunjiwe, wahlomisa ayebafundisile, bezelwe endlini yakhe, abangamakhulu amathathu letshumi lesificaminwembili, waxotshana lawo waze wafika koDani.

¹⁵Wasezehlukanisa emelane lawo ebusuku, yena lenceku zakhe, wawatshaya, waxotshana lawo waze wafika eHoba, ekwesokhohlo seDamaseko.

¹⁶Wasebuyisa yonke impahla, njalo loLothi umfowabo lempahla yakhe, labesifazana labo labantu.

¹⁷Inkosi yeSodoma yasiphuma ukumhlangabeza, esebuyile ekutshayeni uKedolawoma lamakhosi ayelaye, esigodini iShave, esiyisigodi senkosi.

¹⁸UMelkizedeki inkosi yeSalema waseletha isinkwa lewayini; njalo yena ngumpristi kaNkulunkulu oPhezukonke.

¹⁹Wasembusisa wathi: Kabusiswe uAbrama nguNkulunkulu oPhezukonke, uMnini wamazulu lomhlaba.

²⁰Kabusiswe-ke uNkulunkulu oPhezukonke onikele izitha zakho esandleni sakho. Wasemnika ingxenye yetshumi yakho konke.

²¹Inkosi yeSodoma yasisithi kuAbrama: Nginika abantu, kodwa uzithathele impahla.

²²UAbrama wasesithi e Nkosi ni yeSodoma: Ngiphakamise isandla sami e Nkosi ni uNkulunkulu oPhezukonke, uMnini wamazulu lomhlaba,

²³ngithi kangiyikuthatha kusukela kumucu kusiya emchilweni wenyathela, kukho konke olakho! Hlezi uthi: Mina ngimnothisile uAbrama.

²⁴Ngaphandle kwalokho kuphela akudlileyo amajaha, lesabelo samadoda ahambe lami, uAneri, uEshikoli loMamre, bona kabathathe isabelo sabo.