Read Ndebele-IBhayibhili Elingcwele 2006 Ugenesisi 18 Bible Online

Ugenesisi 18 - Ndebele-IBhayibhili Elingcwele 2006 bible

Ugenesisi 18

¹I Nkosi yasibonakala kuye emaokini* eMamre, wathi ehlezi emnyango wethente ekutshiseni kosuku,

²wasephakamisa amehlo akhe wabona, khangela-ke amadoda amathathu emi phambi kwakhe; esewabonile wagijima ukuwahlangabeza esuka emnyango wethente, wakhothamela emhlabathini,

³wasesithi: Nkosi, uba-ke ngithole umusa emehlweni akho, ngicela ungadluli usuke encekwini yakho.

⁴Ake kulethwe amanzi amalutshwana, beseligeza inyawo zenu, liphumule ngaphansi kwesihlahla.

⁵Ngizaletha-ke ucezu lwesinkwa, beseliqinisa inhliziyo yenu, beselisedlula, ngoba yikho ledlule encekwini yenu. Asesithi: Ngokunjalo yenza njengokutsho kwakho.

⁶UAbrahama wasephangisa esiya ethenteni kuSara, wasesithi: Phangisa! Amaseya* amathathu empuphu ecolekileyo! Xova, wenze amaqebelengwana.

⁷UAbrahama wasegijimela enkomeni, wathatha ithole elibuthakathaka njalo elihle, wa li nika ijaha; laphangisa ukulilungisa.

⁸Wasethatha amasi lochago, lethole abelilungisile, wakubeka phambi kwawo; wema eduze lawo ngaphansi kwesihlahla, asesidla.

⁹Asesithi kuye: Ungaphi uSara umkakho? Wasesithi: Khangela, ethenteni.

¹⁰Yasisithi: Isibili ngizabuya kuwe nga lesi sikhathi sempilo; khangela, uSara umkakho u zakuba lendodana. USara wa ku zwa esemnyango wethente elalingemva kwayo.

¹¹UAbrahama loSara basebebadala sebelensuku ezinengi; kwasekuphelile kuSara okwendlela yabafazi.

¹²USara wasehlekela ngaphakathi, esithi: Sengigugile, ngingaba lenjabulo, lenkosi yami isindala yini?

¹³I Nkosi yasisithi kuAbrahama: Kungani uSara ehleka, esithi: Isibili lami ngizazala mina sengimdala yini?

¹⁴Kukhona into enzima kakhulu e Nkosi ni yini? Ngesikhathi esimisiweyo ngizabuya kuwe, nga lesi sikhathi sempilo, njalo uSara u zakuba lendodana.

¹⁵USara wasephika esithi: Kangihlekanga, ngoba wayesesaba. Kodwa wathi: Hatshi, ngoba uhlekile.

¹⁶Amadoda asesukuma esuka lapho akhangela phansi eSodoma; uAbrahama wasehamba lawo ewaphelekezela.

¹⁷I Nkosi yasisithi: Mina ngingamfihlela uAbrahama yini engikwenzayo?

¹⁸Ngoba isibili uAbrahama uzakuba yisizwe esikhulu esilamandla; lazo zonke izizwe zomhlaba zizabusiswa kuye.

¹⁹Ngoba ngimazile, ukuze alaye abantwana bakhe lendlu yakhe emva kwakhe, besebegcina indlela ye Nkosi ukuze benze ukulunga lokwahlulela, ukuze i Nkosi imehlisele uAbrahama lokho ekutshoyo ngaye.

²⁰I Nkosi yasisithi: Ngoba isikhalo seSodoma leGomora sikhulu, langoba isono sabo sinzima kakhulu,

²¹ngizakwehla-ke besengibona ukuthi njengokwesikhalo sayo esesifike kimi, benzile ngokupheleleyo; kodwa uba kunge njalo ngizakwazi.

²²Amadoda esefulathele lapho, asesiya eSodoma; kodwa uAbrahama wayelokhu emile phambi kwe Nkosi.

²³UAbrahama wasesondela, wathi: Kambe uzambhubhisa lolungileyo kanye lomubi?

²⁴Mhlawumbe kukhona abalungileyo abangamatshumi amahlanu phakathi komuzi; kambe uzabhubhisa ungaxoleli indawo ngenxa yabalungileyo abangamatshumi amahlanu abakuwo?

²⁵Kakube khatshana lawe ukwenza into enjalo, ukubulala olungileyo kanye lomubi lokuthi olungileyo abe njengomubi; kakube khatshana lawe; umahluleli womhlaba wonke kayikwenza ukulunga yini?

²⁶I Nkosi yasisithi: Uba ngithola eSodoma abalungileyo abangamatshumi amahlanu phakathi komuzi, ngizaxolela yonke indawo ngenxa yabo.

²⁷UAbrahama wasephendula wathi: Khangela-ke, ngizimisele ukukhuluma eNkosini, lanxa ngiluthuli lomlotha.

²⁸Mhlawumbe kuzasweleka abahlanu kubo abalungileyo abangamatshumi amahlanu; uzabhubhisa umuzi wonke ngenxa yabahlanu yini? Yasisithi: Kangiyiku wu bhubhisa uba ngithola khona abangamatshumi amane lanhlanu.

²⁹Waseqhubeka elokhu ekhuluma kuyo wathi: Mhlawumbe kuzatholwa khona abangamatshumi amane. Yasisithi: Kangiyiku kw enza ngenxa yabangamatshumi amane.

³⁰Wasesithi: Ngicela iNkosi ingathukutheli lapho ngikhuluma. Mhlawumbe kuzatholwa khona abangamatshumi amathathu. Yasisithi: Kangiyiku kw enza uba ngithola khona abangamatshumi amathathu.

³¹Wasesithi: Khangela-ke, ngizimisele ukukhuluma eNkosini; mhlawumbe kuzatholwa khona abangamatshumi amabili. Yasisithi: Kangiyiku wu bhubhisa ngenxa yabangamatshumi amabili.

³²Wasesithi: Ngicela iNkosi ingathukutheli, ngizakhuluma khathesi kuphela; mhlawumbe kuzatholwa khona abalitshumi. Yasisithi: Kangiyiku wu bhubhisa ngenxa yabalitshumi.

³³I Nkosi yasihamba isiqedile ukukhuluma kuAbrahama; uAbrahama wasebuyela endaweni yakhe.