Read Ndebele-IBhayibhili Elingcwele 2006 Ugenesisi 29 Bible Online

Ugenesisi 29 - Ndebele-IBhayibhili Elingcwele 2006 bible

Ugenesisi 29

¹UJakobe wasephakamisa inyawo zakhe, waya elizweni labantwana bempumalanga.

²Wasebona, khangela-ke, umthombo emmangweni, khangela-ke lapho, imihlambi emithathu yezimvu yayilele kuwo, ngoba kulowomthombo banathisa imihlambi; kwakukhona ilitshe elikhulu emlonyeni womthombo.

³Njalo yonke imihlambi yabuthelwa khona, sebeligiqile ilitshe lisuka emlonyeni womthombo banathisa izimvu, basebebuyisela ilitshe emlonyeni womthombo endaweni yalo.

⁴UJakobe wasesithi kibo: Bazalwane bami, livela ngaphi? Basebesithi: Sivela eHarani.

⁵Wasesithi kibo: Liyamazi yini uLabani indodana kaNahori? Basebesithi: Siya m azi.

⁶Wasesithi kibo: Uyaphila yini? Basebesithi: U philile; khangela-ke, uRasheli indodakazi yakhe, uyeza lezimvu.

⁷Wasesithi: Khangelani, kusesemini enkulu, kayisiso isikhathi sokuthi izifuyo zibuthaniswe; nathisani izimvu, lihambe li zi dlise.

⁸Basebesithi: Singeke, kuze kubuthaniswe imihlambi yonke, bagiqe-ke ilitshe lisuke emlonyeni womthombo; khona sizanathisa izimvu.

⁹Esakhuluma labo, uRasheli wafika lezimvu, ezingezikayise, ngoba wayengumelusikazi.

¹⁰Kwasekusithi uJakobe ebona uRasheli indodakazi kaLabani umalumakhe lezimvu zikaLabani umalumakhe, uJakobe wasondela, waligiqa ilitshe lisuke emlonyeni womthombo, wazinathisa izimvu zikaLabani umalumakhe.

¹¹UJakobe wasemanga uRasheli, waphakamisa ilizwi lakhe wakhala izinyembezi.

¹²UJakobe wasemazisa uRasheli ukuthi ungumfowabo kayise lokuthi uyindodana kaRebeka. Wasegijima, wamazisa uyise.

¹³Kwasekusithi uLabani esezwile umbiko kaJakobe indodana kadadewabo, wagijima ukuyamhlangabeza, wamgona, wamanga, wamngenisa endlini yakhe. UJakobe waselandisela uLabani zonke lezizinto.

¹⁴ULabani wasesithi kuye: Isibili ulithambo lami lenyama yami. Wahlala laye inyanga yonke.

¹⁵ULabani wasesithi kuJakobe: Njengoba ungumfowethu, usuzangisebenzela mahala yini? Ngitshela ukuthi umholo wakho uzakuba yini?

¹⁶Njalo uLabani wayelamadodakazi amabili, ibizo lenkulu linguLeya lebizo lencinyane linguRasheli.

¹⁷Kodwa uLeya wayelamehlo abuthakathaka, kodwa uRasheli wayemuhle ngesimo, njalo wayemuhle ngokukhangeleka.

¹⁸UJakobe wasemthanda uRasheli. Wathi: Ngizakusebenzela iminyaka eyisikhombisa ngoRasheli indodakazi yakho encane.

¹⁹ULabani wasesithi: Kungcono ukuthi ngimnike wena kulokuthi ngimnike enye indoda; hlala lami.

²⁰UJakobe wasemsebenzela uRasheli iminyaka eyisikhombisa; yaba emehlweni akhe njengensuku ezinlutshwana, ngenxa yokumthanda kwakhe.

²¹UJakobe wasesithi kuLabani: Ngi pha umkami, ngoba insuku zami sezigcwalisekile, ukuthi ngingene kuye.

²²ULabani wasebuthanisa wonke amadoda aleyondawo, wenza idili.

²³Kwasekusithi kusihlwa wathatha uLeya indodakazi yakhe wamusa kuye, wasengena kuye.

²⁴ULabani wasemnika uZilipa incekukazi yakhe, kuLeya indodakazi yakhe, abe yincekukazi.

²⁵Kwasekusithi ekuseni, khangela-ke, nguLeya; ngakho wathi kuLabani: Kuyini lokhu okwenze kimi? Kangimsebenzelanga uRasheli kuwe yini? Pho, ungikhohliseleni?

²⁶ULabani wasesithi: Kakwenziwa njalo endaweni yakithi ukupha omncinyane ngaphambi kwengqabutho.

²⁷Gcwalisa iviki yalo, besesikunika lalowayana, ngomsebenzi ozawusebenza lami futhi eminye iminyaka eyisikhombisa.

²⁸UJakobe wasesenza njalo; wagcwalisa iviki yalo; wasemnika uRasheli indodakazi yakhe ukuba ngumkakhe.

²⁹ULabani wasenika uRasheli indodakazi yakhe uBiliha incekukazi yakhe, abe yincekukazi kuye.

³⁰UJakobe wasengena lakuRasheli; wamthanda njalo uRasheli kuloLeya, wasesebenza laye futhi eminye iminyaka eyisikhombisa.

³¹Lapho i Nkosi isibona ukuthi uLeya wayezondwa, yavula isizalo sakhe, kodwa uRasheli wayeyinyumba.

³²ULeya wasethatha isisu, wazala indodana, wayitha ibizo layo uRubeni, ngoba wathi: Ngoba i Nkosi ibonile inhlupheko yami; ngakho khathesi indoda yami izangithanda.

³³Wasebuya wathatha isisu, wazala indodana, wathi: Njengoba i Nkosi izwile ukuthi ngiyazondwa, inginike lale; wayitha ibizo layo uSimeyoni.

³⁴Wasebuya wathatha isisu, wazala indodana; wathi: Khathesi ngalesisikhathi indoda yami izazihlanganisa lami, ngoba ngiyizalele amadodana amathathu; ngalokhu wabiza ibizo layo uLevi.

³⁵Wasebuya wathatha isisu, wazala indodana; wathi: Ngalesisikhathi ngizadumisa i Nkosi; ngakho wayitha ibizo layo uJuda; wasesima ukuzala.