Read Ndebele-IBhayibhili Elingcwele 2006 Ugenesisi 36 Bible Online

Ugenesisi 36 - Ndebele-IBhayibhili Elingcwele 2006 bible

Ugenesisi 36

¹Lezi-ke yizizukulwana zikaEsawu, onguEdoma.

²UEsawu wathatha abafazi bakhe kumadodakazi eKhanani, uAda indodakazi kaEloni umHethi, loAholibama indodakazi kaAna, indodakazi kaZibeyoni umHivi,

³loBasemathi indodakazi kaIshmayeli udadewabo kaNebayothi.

⁴UAda wasemzalela uEsawu uElifazi; uBasemathi wasezala uRehuweli;

⁵uAholibama wasezala uJewushi loJalama loKora; la ngamadodana kaEsawu awazalelwa elizweni leKhanani.

⁶UEsawu wasethatha omkakhe lamadodana akhe lamadodakazi akhe, layo yonke imiphefumulo yendlu yakhe, lenkomo zakhe lezifuyo zakhe zonke lempahla yakhe yonke ayeyizuzile elizweni leKhanani, wasesiya kwe linye ilizwe esuka ebusweni bukaJakobe umfowabo.

⁷Ngoba imfuyo yabo yayinkulu okungangokuthi bangehlale ndawonye, lelizwe abebehlala kulo njengabemzini, lalingebathwale ngenxa yezifuyo zabo.

⁸UEsawu wasehlala entabeni iSeyiri; uEsawu nguEdoma.

⁹Lezi-ke yizizukulwana zikaEsawu, uyise wabakoEdoma, entabeni iSeyiri;

¹⁰la ngamabizo amadodana kaEsawu, uElifazi indodana kaAda umkaEsawu, uRehuweli indodana kaBasemathi umkaEsawu.

¹¹Lamadodana kaElifazi ayengoThemani, uOmari, uZefo, loGatama, loKenazi.

¹²Njalo uTimina wayengumfazi omncane kaElifazi indodana kaEsawu, wamzalela uElifazi uAmaleki; la ngamadodana kaAda umkaEsawu.

¹³Lala ngamadodana kaRehuweli, oNahathi loZera, uShama loMiza; la ngamadodana kaBasemathi umkaEsawu.

¹⁴Njalo la ngamadodana kaAholibama indodakazi kaAna, indodakazi kaZibeyoni umkaEsawu; wasemzalela uEsawu uJewushi loJalama loKora.

¹⁵Lezi yizinduna zamadodana kaEsawu; amadodana kaElifazi izibulo likaEsawu: Induna uThemani, induna uOmari, induna uZefo, induna uKenazi,

¹⁶induna uKora, induna uGatama, induna uAmaleki; lezi zinduna zikaElifazi elizweni leEdoma; la ngamadodana kaAda.

¹⁷Futhi la ngamadodana kaRehuweli indodana kaEsawu: Induna uNahathi, induna uZera, induna uShama, induna uMiza; lezi zinduna zikaRehuweli elizweni leEdoma; la ngamadodana kaBasemathi umkaEsawu.

¹⁸Njalo la ngamadodana kaAholibama, umkaEsawu: Induna uJewushi, induna uJalama, induna uKora; lezi zinduna zikaAholibama, indodakazi kaAna, umkaEsawu.

¹⁹La ngamadodana kaEsawu, futhi lezi zinduna zawo; unguEdoma.

²⁰La ngamadodana kaSeyiri umHori, abahlali belizwe: ULotani loShobhali loZibeyoni loAna

²¹loDishoni loEzeri loDishani; laba bayizinduna zamaHori, amadodana kaSeyiri elizweni leEdoma.

²²Lamadodana kaLotani ayengoHori loHemama; lodadewabo kaLotani wayenguTimina.

²³Lawa-ke ngamadodana kaShobhali: UAlivani loManahathi loEbhali, uShefo loOnama.

²⁴Lawa-ke ngamadodana kaZibeyoni: Bobabili uAya loAna; nguAna owafica imithombo etshisayo enkangala eselusa obabhemi bakaZibeyoni uyise.

²⁵Lawa-ke ngamadodana kaAna: UDishoni; loAholibama wayeyindodakazi kaAna.

²⁶Lawa-ke ngamadodana kaDishoni: UHemidani loEshibhani loJitirani loKerani.

²⁷Lawa ngamadodana kaEzeri: UBilihani loZahavana loAkani.

²⁸Lawa ngamadodana kaDishani: U-Uzi loArani.

²⁹Lezi zinduna zamaHori: Induna uLotani, induna uShobhali, induna uZibeyoni, induna uAna,

³⁰induna uDishoni, induna uEzeri, induna uDishani; lezi zinduna zamaHori, ngezinduna zabo elizweni leSeyiri.

³¹Lala ngamakhosi abusa elizweni leEdoma, inkosi ingakabusi abantwana bakoIsrayeli.

³²UBhela indodana kaBeyori wasebusa eEdoma, lebizo lomuzi wakhe laliyiDinihaba.

³³UBhela wasesifa, uJobabi indodana kaZera weBozira wasebusa esikhundleni sakhe.

³⁴UJobabi wasesifa, uHushama owelizweni lamaThemani wasebusa esikhundleni sakhe.

³⁵UHushama wasesifa; uHadadi indodana kaBedadi, owatshaya uMidiyani egcekeni lakoMowabi, wasebusa esikhundleni sakhe; lebizo lomuzi wakhe laliyiAvithi.

³⁶UHadadi wasesifa; uSamila weMasireka wasebusa esikhundleni sakhe.

³⁷USamila wasesifa; uShawuli weRehobothi emfuleni wasebusa esikhundleni sakhe.

³⁸UShawuli wasesifa; uBhali-Hanani indodana kaAkhibhori wasebusa esikhundleni sakhe.

³⁹UBhali-Hanani indodana kaAkhibhori wasesifa; uHadari wasebusa esikhundleni sakhe; lebizo lomuzi wakhe laliyiPawu; lebizo lomkakhe lalinguMehethabheli, indodakazi kaMatiredi, indodakazi kaMezahabhi.

⁴⁰Njalo la ngamabizo ezinduna zakoEsawu ngezizukulwana zazo, ngendawo zazo, ngamabizo azo: Induna uTimina, induna uAliva, induna uJethethi,

⁴¹induna uAholibama, induna uEla, induna uPinoni,

⁴²induna uKenazi, induna uThemani, induna uMibhizari,

⁴³induna uMagidiyeli, induna uIrama; lezi zinduna zeEdoma, ngokwakha kwabo, elizweni lelifa yabo; lo nguEsawu, uyise kaEdoma.