Read Ndebele-IBhayibhili Elingcwele 2006 Ugenesisi 4 Bible Online

Ugenesisi 4 - Ndebele-IBhayibhili Elingcwele 2006 bible

Ugenesisi 4

¹UAdamu wasemazi uEva umkakhe; wasethatha isisu, wabeletha uKhayini, wasesithi: Ngizuze indoda e Nkosi ni.

²Wasebuya ebeletha umfowabo uAbela. UAbela wasesiba ngumelusi wezimvu, loKhayini waba ngumlimi womhlabathi.

³Kwasekusithi ekupheleni kwezinsuku uKhayini waletha e Nkosi ni umnikelo owesithelo somhlabathi.

⁴Laye uAbela waseletha okwamazibulo ezimvu zakhe lokwamahwahwa azo; i Nkosi yasinaka uAbela lomnikelo wakhe.

⁵Kodwa uKhayini lomnikelo wakhe kayiwunakanga. UKhayini wasethukuthela kakhulu, lobuso bakhe banyukubala.

⁶I Nkosi yasisithi kuKhayini: Uthukutheleleni, njalo kungani ubuso bakho bunyukubele?

⁷Angithi uba usenza kuhle, kuyemukeleka yini? Kodwa uba ungenzi kuhle, isono siyakucathamela emnyango, lokunxwanela kwakhe kukuwe, kodwa wena uzambusa.

⁸UKhayini wasekhuluma loAbela umfowabo; kwasekusithi besegangeni, uKhayini wasukela umfowabo uAbela wambulala.

⁹I Nkosi yasisithi kuKhayini: Ungaphi uAbela umfowenu? Wasesithi: Angazi; ngingumlondolozi womfowethu yini?

¹⁰Yasisithi: Wenzeni? Ilizwi legazi lomfowenu liyakhala kimi livela emhlabathini.

¹¹Khathesi-ke uqalekisiwe emhlabeni okhamise umlomo wawo ukwemukela igazi lomfowenu esandleni sakho.

¹²Nxa ulima umhlabathi, kawusayikukunika amandla awo; uzakuba luzulane lomhambuma emhlabeni.

¹³UKhayini wasesithi e Nkosi ni: Isijeziso sami sikhulu kule ngi ngakuthwala.

¹⁴Khangela, ungixotshile lamuhla ebusweni bomhlaba, njalo ngizacatshiswa ebusweni bakho; sengizakuba luzulane lomhambuma emhlabeni; njalo kuzakuthi wonke ongificayo uzangibulala.

¹⁵I Nkosi yasisithi kuye: Ngakho, loba ngubani obulala uKhayini uzaphindiselwa kasikhombisa. I Nkosi yasibeka uphawu kuKhayini, hlezi loba ngubani omficayo ambulale.

¹⁶UKhayini wasesuka ebusweni be Nkosi, wasehlala elizweni leNodi, empumalanga kweEdeni.

¹⁷UKhayini wasemazi umkakhe; wasethatha isisu, wabeletha uEnoki; njalo wayesakha umuzi, wabiza ibizo lomuzi ngebizo lendodana yakhe uEnoki.

¹⁸Kwasekuzalelwa uEnoki uIradi; uIradi wasezala uMehujayeli; uMehujayeli wasezala uMethushayeli; uMethushayeli wasezala uLameki.

¹⁹ULameki wasezithathela abafazi ababili, ibizo lowokuqala lalinguAda, lebizo lowesibili lalinguZila.

²⁰UAda wasezala uJabali; yena wayenguyise walabo abahlala emathenteni, be lezifuyo.

²¹Lebizo lomfowabo lalinguJubali, yena wayenguyise wakhe wonke olokwenza lechacho lomhlanga.

²²UZila laye wasezala uTubali-Khayini, umkhandi wakho konke okusikayo kwethusi lensimbi. Lodadewabo kaTubali-Khayini wayenguNahama.

²³ULameki wasesithi kubafazi bakhe: Ada loZila, zwanini ilizwi lami, bafazi bakaLameki, bekani indlebe ekukhulumeni kwami; ngoba ngabulala indoda ngenxa yokungilimaza, lomfana ngenxa yokungihluzula.

²⁴Nxa uKhayini ephindiselwa kasikhombisa, isibili uLameki kamatshumi ayisikhombisa ephindwe kasikhombisa.

²⁵UAdamu wasephinda wamazi umkakhe; wasezala indodana, wasebiza ibizo layo wathi nguSeti; ngoba wathi: UNkulunkulu ungibekele enye inzalo esikhundleni sikaAbela, ngoba uKhayini wambulala.

²⁶Laye uSeti wasezalelwa indodana, wabiza ibizo layo wathi nguEnosi. Ngalesosikhathi baqala ukubiza ibizo le Nkosi.