Read Ndebele-IBhayibhili Elingcwele 2006 Ugenesisi 49 Bible Online

Ugenesisi 49 - Ndebele-IBhayibhili Elingcwele 2006 bible

Ugenesisi 49

¹UJakobe wasebiza amadodana akhe wathi: Buthanani ukuze ngilazise okuzalehlela ensukwini ezizayo.

²Buthanani, lizwe madodana kaJakobe, limlalele uIsrayeli uyihlo.

³Rubeni, ulizibulo lami, amandla ami, lokuqala kokuqina kwami, ukuphelela kwesithunzi, lokuphelela kwamandla.

⁴Uphuphuma njengamanzi, kawuyikuba ngopheleleyo, ngoba ukhwele embhedeni kayihlo, wasu w ona; wakhwela embhedeni wami.

⁵USimeyoni loLevi bayizelamani; inkemba zabo ziyizikhali zokuphanga.

⁶Umphefumulo wami ungangeni emphakathini wabo wangasese, udumo lwami lungahlangani emhlanganweni wabo; ngoba ngolaka lwabo babulala umuntu, langokuzithokozisa baquma izinkabi umsipha.

⁷Kaluqalekiswe ulaka lwabo ngoba lulamandla, lentukuthelo yabo ngoba ilesihluku. Ngizabehlukanisa koJakobe, ngibahlakaze koIsrayeli.

⁸Juda, wena, abafowenu bazakudumisa; isandla sakho sizakuba sentanyeni yezitha zakho; amadodana kayihlo azakukhothamela.

⁹UJuda ungumdlwane wesilwane; wenyukile empangweni, ndodana yami, uguqile, ulele njengesilwane, lanjengesilwane esisikazi; ngubani ozamsukumisa?

¹⁰Intonga yobukhosi kayiyikusuka kuJuda, lomnikumthetho phakathi kwenyawo zakhe, aze afike uShilo, njalo izizwe zizamlalela.

¹¹Ubophela ithole lakhe likababhemi evinini, lethole likababhemikazi wakhe evinini elihle. Uwatsha isigqoko sakhe ewayinini, lesembatho sakhe egazini lezithelo zevini.

¹²Amehlo akhe azakuba nsundu ngewayini, lamazinyo akhe mhlophe ngochago.

¹³UZebuluni uzahlala ethekwini lolwandle, abe litheku lemikhumbi, lomngcele wakhe uzakuba ngaseSidoni.

¹⁴UIsakari ungubabhemi olamathambo alamandla, oqutha phakathi kwemithwalo emibili.

¹⁵Wathi ebona indawo yokuphumula ukuthi inhle, lelizwe ukuthi liyabukeka, wagobisa amahlombe akhe ukuze athwale, waba yinceku esibhalweni.

¹⁶UDani uzakwahlulela abantu bakhe, njengesinye sezizwe zakoIsrayeli.

¹⁷UDani uzakuba yinyoka endleleni, inhlangwana emkhondweni, eluma izithende zebhiza, ukuze umgadi walo awe nyovane.

¹⁸Ngilindele usindiso lwakho, Nkosi.

¹⁹UGadi, iviyo lizamhlasela, kodwa yena uzahlasela ezithendeni.

²⁰Kuvela kuAsheri, ukudla kwakhe kuzanona, uzaveza izibiliboco zenkosi.

²¹UNafithali uyimpala ethukululiweyo, eveza amazwi amahle.

²²UJosefa ulugatsha oluthelayo, ugatsha oluthelayo emthonjeni, ingatsha zikhwela phezu komduli.

²³Abatshoki basebemphatha kabuhlungu, ba m tshoka, bamzonda.

²⁴Kodwa idandili lakhe lahlala liqinile, lengalo zezandla zakhe zaqiniswa ngezandla zikaSomandla kaJakobe, okuvela khona umelusi, ilitshe likaIsrayeli,

²⁵ngoNkulunkulu kayihlo ozakusiza, langoSomandla ozakubusisa ngezibusiso zamazulu ezivela phezulu, izibusiso zokujula okulele phansi, izibusiso zamabele lesizalo,

²⁶izibusiso zikayihlo ziyedlula izibusiso zabokhokho bami, kuze kube sengqongeni zamaqaqa aphakade; zizakuba phezu kwekhanda likaJosefa, laphezu kwenkanda yalowo owehlukaniswe kubafowabo.

²⁷UBhenjamini uyimpisi edabulayo; ekuseni izakudla ekujimbileyo, lakusihlwa izakwehlukanisa impango.

²⁸Bonke labo bayizizwe ezilitshumi lambili zakoIsrayeli; futhi lokho yikho uyise akukhuluma kubo ebabusisa; ngulowo lalowo ngesibusiso sakhe wababusisa.

²⁹Wasebalaya wathi kubo: Sengibuthelwa ebantwini bakithi; lingingcwabe labobaba obhalwini olusensimini kaEfroni umHethi,

³⁰obhalwini olusensimini yeMakaphela eqondane leMamre, elizweni leKhanani, uAbrahama owaluthenga lensimu kuEfroni umHethi ibe yindawo yethu yokungcwabela.

³¹Lapho bangcwaba oAbrahama loSara umkakhe; lapho bangcwaba oIsaka loRebeka umkakhe; lalapho ngangcwaba uLeya,

³²insimu, lobhalu olukiyo, kwathengwa emadodaneni kaHethi.

³³Kwathi uJakobe eseqedile ukulaya amadodana akhe, waqoqela inyawo zakhe embhedeni, waphela, wabuthelwa ebantwini bakibo.