Read Ndebele-IBhayibhili Elingcwele 2006 2 Usamyela 22 Bible Online

2 Usamyela 22 - Ndebele-IBhayibhili Elingcwele 2006 bible

2 Usamyela 22

¹UDavida wasekhuluma e Nkosi ni amazwi alelihubo mhla i Nkosi imkhulula esandleni sezitha zakhe zonke lesandleni sikaSawuli.

²Wasesithi: I Nkosi ilidwala lami, lenqaba yami, lomkhululi wami;

³uNkulunkulu wedwala lami, ngizaphephela kuye, isihlangu sami, lophondo losindiso lwami, inqaba yami ephakemeyo, lesiphephelo sami, umsindisi wami; ungisindisile odlakeleni.

⁴Ngizabiza i Nkosi edumisekayo, ngakho ngizasindiswa ezitheni zami.

⁵Ngoba izinsizi zokufa zingizingelezele, lezikhukhula zobubi zangethusa.

⁶Izibopho zesihogo zangigombolozela, imijibila yokufa yayiphambi kwami.

⁷Ekuhluphekeni kwami ngayibiza i Nkosi, ngakhala kuNkulunkulu wami; waselizwa ilizwi lami esethempelini lakhe, lokukhala kwami kwafinyelela endlebeni zakhe.

⁸Khona umhlaba wazamazama, wanyikinyeka, izisekelo zamazulu zaqhaqhazela, zazamazama, ngoba wayethukuthele.

⁹Kwenyuka intuthu emakhaleni akhe, lomlilo ophuma emlonyeni wakhe waqothula; amalahle avuthiswa yiwo.

¹⁰Wasekhothamisa amazulu, wehlela phansi; lomnyama onzima wawungaphansi kwenyawo zakhe.

¹¹Wasegada ikherubhi*, waphapha, wabonakala phezu kwempiko zomoya.

¹²Wasemisa umnyama waba ngamadumba inhlangothi zonke zakhe, lokuqoqana kwamanzi, amayezi amnyama omkhathi.

¹³Ekukhazimuleni okuphambi kwakhe kwavuthiswa amalahle omlilo.

¹⁴I Nkosi yaduma isemazulwini, loPhezukonke walikhupha ilizwi lakhe.

¹⁵Yathuma imitshoko, yabachitha; imibane, yabaphaphathekisa.

¹⁶Khona kwabonakala amaphansi olwandle, kwembulwa izisekelo zomhlaba, ekusoleni kwe Nkosi, ekuvutheleni komoya wamakhala ayo.

¹⁷Iphezulu yathuma, yangibamba, yangenyula emanzini amanengi.

¹⁸Yangophula esitheni sami esilamandla, kwabangizondayo, ngoba babelamandla kulami.

¹⁹Babephambi kwami esukwini lwenhlupheko yami, kodwa i Nkosi yaba yisisekelo sami.

²⁰Yangikhuphela endaweni ebanzi, yangikhulula, ngoba yayithokoza ngami.

²¹I Nkosi yangivuza njengokulunga kwami, yangibuyisela njengokuhlanzeka kwezandla zami.

²²Ngoba ngizilondolozile indlela ze Nkosi, kangisukanga kuNkulunkulu wami ngenkohlakalo.

²³Ngoba zonke izahlulelo zayo zaziphambi kwami, lezimiso zayo, kangiphambukanga kuzo.

²⁴Njalo ngangiqondile phambi kwayo, ngizinqandile ebubini bami.

²⁵Ngakho i Nkosi ingibuyisele njengokulunga kwami, njengokuhlanzeka kwami phambi kwamehlo ayo.

²⁶Kolesihawu uzaziveza ulesihawu; koqotho uzaziveza uqotho;

²⁷kohlanzekileyo uzaziveza uhlanzekile; lakophambukileyo uzaziveza uphambukile.

²⁸Labantu abahlutshwayo uzabasindisa, kodwa amehlo akho aphezu kwabaziphakamisayo, uzabehlisela phansi.

²⁹Ngoba uyisibane sami, Nkosi, i Nkosi izakhanyisa-ke ubumnyama bami.

³⁰Ngoba ngawe ngigijimile ngadabula phakathi kwebutho, ngoNkulunkulu wami ngeqe umthangala.

³¹UNkulunkulu, indlela yakhe iphelele; ilizwi le Nkosi lihloliwe; uyisihlangu kubo bonke abaphephela kuye.

³²Ngoba ngubani onguNkulunkulu ngaphandle kwe Nkosi? Njalo ngubani olidwala ngaphandle kukaNkulunkulu wethu?

³³UNkulunkulu uyinqaba yami l amandla, owenza indlela yami iphelele.

³⁴Owenza inyawo zami zibe njenge ze zimpala, wangimisa ezingqongeni zami.

³⁵Ofundisela izandla zami impi, ukuze idandili lethusi ligotshiswe zingalo zami.

³⁶Unginikile lesihlangu sosindiso lwakho, lokuzithoba kwakho kungikhulisile.

³⁷Wenze laba banzi inyathelo lami ngaphansi kwami, ukuze inqagala zami zingatsheleli.

³⁸Ngixotshene lezitha zami ngazibhubhisa, kangibuyanga ngaze ngaziqeda.

³⁹Ngaziqeda, ngazigwaza, ukuze zingavuki; kodwa zawa ngaphansi kwenyawo zami.

⁴⁰Ngoba ungibhincise amandla kusenzelwa impi, wabakhothamisela phansi kwami abangivukelayo.

⁴¹Unginike intamo yezitha zami, labo abangizondayo ngababhubhisa.

⁴²Bakhangela, kodwa engekho umsindisi; e Nkosi ni, kodwa kayibaphendulanga.

⁴³Ngasengibacholisisa njengothuli lomhlaba, ngabagxoba njengodaka lwezitalada, ngabatsahaza.

⁴⁴Wasungikhulula ekuphikiseni kwabantu bami, wangigcina ngiyinhloko yezizwe; abantu enganginga b azi bangisebenzela.

⁴⁵Abezizweni bazazithoba kimi ngokuzenzisa; bangenela ukuzwa ngendlebe bazangilalela.

⁴⁶Abezizweni bazabuna, baphume ezinqabeni zabo bethuthumela.

⁴⁷I Nkosi iyaphila; njalo kalibusiswe idwala lami, kaphakanyiswe uNkulunkulu, idwala losindiso lwami;

⁴⁸uNkulunkulu onginika impindiselo, lowehlisela izizwe ngaphansi kwami;

⁴⁹longikhupha ezitheni zami; laphezu kwabangivukelayo wena wangiphakamisa; lemuntwini wodlakela wangikhulula.

⁵⁰Ngenxa yalokhu ngizakudumisa, Nkosi, phakathi kwezizwe, ngihubele ibizo lakho indumiso.

⁵¹Iyanika inkosi yayo usindiso olukhulu, isenzela ogcotshiweyo wayo umusa, kuDavida, lenzalweni yakhe kuze kube nininini.