Read Ndebele-IBhayibhili Elingcwele 2006 2 Usamyela 23 Bible Online

2 Usamyela 23 - Ndebele-IBhayibhili Elingcwele 2006 bible

2 Usamyela 23

¹La-ke ngamazwi okucina kaDavida. UDavida indodana kaJese wathi, lomuntu ophakanyiselwe phezulu, ogcotshiweyo kaNkulunkulu kaJakobe, lomhlabeleli omnandi wakoIsrayeli, wathi:

²UMoya we Nkosi wakhuluma ngami, lelizwi lakhe lisolimini lwami.

³UNkulunkulu kaIsrayeli wathi, iDwala likaIsrayeli lakhuluma kimi lathi: Obusa abantu uzakuba ngolungileyo, ebusa ngo kumesaba uNkulunkulu.

⁴Njalo uzakuba njengokukhanya kwekuseni e kuphum eni kwelanga, ikuseni engelamayezi, njeng ohlaza emhlabathini ngokukhanya emva kwezulu.

⁵Lanxa indlu yami ingenjalo kuNkulunkulu, kube kanti wenzile lami isivumelwano esilaphakade, esimiswe kuhle ezintweni zonke, lesigcinekileyo, ngoba lonke usindiso lwami lesiloyiso sikuso, lanxa engasikhulisi.

⁶Kodwa aba kaBheliyali bonke banjengameva alahliweyo, ngoba engelakuthathwa ngesandla;

⁷kodwa umuntu owathintayo uzazihlomisa ngensimbi langoluthi lomkhonto, azatshiswa lokutshiswa ngomlilo kuleyondawo.

⁸La ngamabizo amaqhawe uDavida ayelawo: UJoshebi-Bashebeti umTahekemoni, inhloko yabathathu; nguye uAdino umEzini, ngenxa yabangamakhulu ayisificaminwembili ababulawa ngasikhathi sinye.

⁹Lemva kwakhe kwakuloEleyazare indodana kaDodo indodana kaAhohi, owamaqhawe amathathu aye loDavida, ekudeleleni kwabo amaFilisti ayebuthanele khona impi, lapho amadoda akoIsrayeli esenyukile,

¹⁰yena wasukuma watshaya amaFilisti saze sadinwa isandla sakhe, lesandla sakhe sanamathela enkembeni. I Nkosi yasisenza usindiso olukhulu ngalolosuku; abantu basebebuya emva kwakhe ukuzaphanga kuphela.

¹¹Lemva kwakhe kwakuloShama indodana kaAge umHarari. AmaFilisti ayebuthene aba lixuku, lapho okwakukhona isiqinti sensimu sigcwele amalentili*; njalo abantu babaleka ebusweni bamaFilisti,

¹²kodwa wajama phakathi kwesiqinti, wasivikela, wawatshaya amaFilisti. I Nkosi yenza-ke usindiso olukhulu.

¹³Abathathu ezinhlokweni ezingamatshumi amathathu basebesehla, bafika kuDavida ebhalwini lweAdulamu ngesikhathi sokuvuna; lexuku lamaFilisti lalimise inkamba esihotsheni seRefayimi.

¹⁴Langalesosikhathi uDavida wayesenqabeni, lebutho lenqaba lamaFilisti lali se Bhethelehema ngalesosikhathi.

¹⁵UDavida wasenxanela, wathi: Hawu, kungathi omunye ubenganginathisa amanzi omthombo weBhethelehema ongasesangweni!

¹⁶Lawomaqhawe amathathu asefohla adabula enkambeni yamaFilisti, akha amanzi emthonjeni weBhethelehema owawungasesangweni, awathatha awaletha kuDavida. Kube kanti kathandanga ukuwanatha, kodwa wawathululela i Nkosi.

¹⁷Wasesithi: Kakube khatshana lami, Nkosi, ukuthi ngenze lokho; kakusi gazi yini labantu abahambe lempilo yabo engozini? Ngalokho kathandanga ukuwanatha. Lezizinto azenza lamaqhawe amathathu.

¹⁸Njalo uAbishayi, umfowabo kaJowabi indodana kaZeruya, wayeyinhloko yabathathu. Yena wasegiyela abangamakhulu amathathu ngomkhonto wakhe, ababuleweyo, wasesiba lebizo phakathi kwabathathu.

¹⁹Kahlonitshwanga kakhulu yini kulabathathu? Ngakho waba yinduna yabo; kodwa kafikanga kwabathathu abokuqala.

²⁰UBhenaya-ke, indodana kaJehoyada, indodana yeqhawe, omkhulu ngezenzo, weKabhiseyeli. Yena watshaya ababili abanjengezilwane bakoMowabi; futhi wehla watshaya isilwane phakathi komgodi mhla weliqhwa elikhithikayo.

²¹Yena wasetshaya indoda engumGibhithe, umuntu obukekayo; njalo umGibhithe wayelomkhonto esandleni sakhe; kodwa wehlela kuye elenduku, wawuhluthuna umkhonto esandleni somGibhithe, wambulala ngomkhonto wakhe.

²²Lezizinto wazenza uBhenaya indodana kaJehoyada, waba lebizo phakathi kwamaqhawe amathathu.

²³Wayehlonipheka kulabangamatshumi amathathu, kodwa kafikanga kwabathathu. UDavida wasembeka phezu kwabalindi bakhe.

²⁴UAsaheli umfowabo kaJowabi wayephakathi kwabangamatshumi amathathu, uElihanani indodana kaDodo weBhethelehema,

²⁵uShama umHarodi, uElika umHarodi,

²⁶uHelezi umPaliti, uIra indodana kaIkheshi umThekhowa,

²⁷uAbiyezeri umAnethothi, uMebunayi umHusha,

²⁸uZalimoni umAhohi, uMaharayi umNetofa,

²⁹uHelebi indodana kaBahana umNetofa, uIthayi indodana kaRibayi weGibeya wabantwana bakoBhenjamini,

³⁰uBhenaya umPirathoni, uHidayi wezifuleni zeGahashi,

³¹uAbi-Aliboni umAraba, uAzimavethi umBahurimi,

³²uEliyabha umShahaliboni, wamadodana kaJasheni, uJonathani,

³³uShama umHarari, uAhiyamu indodana kaSharari umHarari,

³⁴uElifeleti indodana kaAhasibayi indodana yomMahaka, uEliyamu indodana kaAhithofeli umGilo,

³⁵uHezirayi umKharmeli, uPaharayi umArabi,

³⁶uIgali indodana kaNathani weZoba, uBani umGadi,

³⁷uZeleki umAmoni, uNaharayi umBherothi, umthwali wezikhali zikaJowabi indodana kaZeruya,

³⁸uIra umIthiri, uGarebi umIthiri,

³⁹uUriya umHethi; be bonke babe ngamatshumi amathathu lesikhombisa.