Read Ndebele-IBhayibhili Elingcwele 2006 2 Usamyela 5 Bible Online

2 Usamyela 5 - Ndebele-IBhayibhili Elingcwele 2006 bible

2 Usamyela 5

¹Khona zonke izizwe zakoIsrayeli zeza kuDavida eHebroni, zakhuluma zisithi: Khangela, thina silithambo lakho lenyama yakho.

²Lesikhathini esidlulileyo, uSawuli eseyinkosi phezu kwethu, nguwe owakhupha lowangenisa uIsrayeli, le Nkosi yathi kuwe: Wena uzakwelusa abantu bami uIsrayeli, lawe uzakuba ngumbusi phezu kukaIsrayeli.

³Ngakho kwafika bonke abadala bakoIsrayeli enkosini uDavida eHebroni; inkosi uDavida yasisenza isivumelwano labo eHebroni phambi kwe Nkosi; basebemgcoba uDavida, waba yinkosi phezu kukaIsrayeli.

⁴UDavida wayeleminyaka engamatshumi amathathu ekubeni kwakhe yinkosi; wabusa iminyaka engamatshumi amane.

⁵EHebroni wabusa phezu kukaJuda iminyaka eyisikhombisa lenyanga eziyisithupha; leJerusalema wabusa iminyaka engamatshumi amathathu lantathu phezu kukaIsrayeli wonke loJuda.

⁶Inkosi labantu bayo basebesiya eJerusalema kumaJebusi, abahlali belizwe; akhuluma kuDavida athi: Kawuyikungena lapha, ngaphandle kokuthi ususe iziphofu labaqhulayo; besithi uDavida kayikungena lapho.

⁷Kodwa uDavida wayithumba inqaba yeZiyoni; le ngumuzi kaDavida.

⁸UDavida wasesithi ngalolosuku: Ngulowo lalowo otshaya umJebusi, lofinyelela emgelweni wamanzi, lakwabaqhulayo leziphofini, abazondwa ngumphefumulo kaDavida -. Ngakho bathi: Isiphofu loqhulayo kabayikungena endlini.

⁹Ngakho uDavida wahlala enqabeni, wayibiza ngokuthi ngumuzi kaDavida. UDavida wakha inhlangothi zonke, kusukela eMilo kusiya phakathi.

¹⁰UDavida waqhubeka njalo esiba lamandla, njalo i Nkosi, uNkulunkulu wamabandla, yayilaye.

¹¹UHiramu inkosi yeTire wasethuma izithunywa kuDavida, lezigodo zomsedari, lababazi bezigodo lababazi bamatshe; basebemakhela uDavida indlu.

¹²UDavida wasekwazi ukuthi i Nkosi yayimmisile ukuthi abe yinkosi phezu kukaIsrayeli, lokuthi iwuphakamisile umbuso wakhe ngenxa yabantu bayo uIsrayeli.

¹³UDavida wasethatha abanye abafazi abancane labafazi bevela eJerusalema, esevela eHebroni, njalo kwakulamanye amadodana lamadodakazi azalelwa uDavida.

¹⁴Njalo la ngamabizo alabo abazalelwa yena eJerusalema: OShamuwa, loShobabi, loNathani, loSolomoni,

¹⁵loIbihari, loElishuwa, loNefegi, loJafiya,

¹⁶loElishama, loEliyada, loElifeleti.

¹⁷Kwathi amaFilisti esezwile ukuthi bamgcobile uDavida ukuthi abe yinkosi phezu kukaIsrayeli, wonke amaFilisti enyuka ukuyamdinga uDavida; uDavida wakuzwa, wehlela enqabeni.

¹⁸AmaFilisti esefikile asabalala esihotsheni seRefayimi.

¹⁹UDavida wasebuza e Nkosi ni esithi: Ngingenyukela yini kumaFilisti? Uzawanikela esandleni sami yini? I Nkosi yasisithi kuDavida: Yenyuka, ngoba isibili ngizawanikela amaFilisti esandleni sakho.

²⁰UDavida wasefika eBhali-Perazimi, uDavida wawatshaya khona, wathi: I Nkosi izifohlele izitha zami phambi kwami njengokufohla kwamanzi. Ngakho wabiza ibizo laleyondawo ngokuthi yiBhali-Perazimi.

²¹Asetshiya izithombe zawo lapho, loDavida labantu bakhe bazithatha.

²²AmaFilisti asebuya enyuka futhi, asabalala esihotsheni seRefayimi.

²³Lapho uDavida ebuza i Nkosi, yathi: Ungenyuki; bhoda ngemuva kwawo, uwasukele maqondana lezihlahla zebhalisamu.

²⁴Kuzakuthi-ke lapho usizwa isisinde sokuhamba ezihlokweni zezihlahla zebhalisamu, lapho uphangise, ngoba ngalesosikhathi i Nkosi izaphuma phambi kwakho ukutshaya ibutho lamaFilisti.

²⁵UDavida wasesenza njalo, njengokumlaya kwayo i Nkosi, wawatshaya amaFilisti kusukela eGeba uze ufike eGezeri.