Read Ndebele-IBhayibhili Elingcwele 2006 1 Amakhosi 17 Bible Online

1 Amakhosi 17 - Ndebele-IBhayibhili Elingcwele 2006 bible

1 Amakhosi 17

¹UElija umTishibi wabahlali beGileyadi wasesithi kuAhabi: Kuphila kukaJehova, uNkulunkulu kaIsrayeli, engimi phambi kwakhe, kakuyikuba khona lamazolo lezulu kuliminyaka, kuphela njengokwelizwi lami.

²Ilizwi le Nkosi laselifika kuye lisithi:

³Suka lapha, wena uphendukele empumalanga, uzicatshise esifuleni iKerithi, esiphambi kweJordani.

⁴Kuzakuthi-ke unathe esifuleni; sengilaye amawabayi ukuthi akondle khona.

⁵Wasehamba wenza njengokwelizwi le Nkosi, ngoba wayahlala esifuleni iKerithi esiphambi kweJordani.

⁶Amawabayi asemlethela isinkwa lenyama ekuseni, lesinkwa lenyama ntambama; wanatha esifuleni.

⁷Kwasekusithi emva kwesikhathi isifula satsha, ngoba kwakungelazulu elizweni.

⁸Ilizwi le Nkosi laselifika kuye lisithi:

⁹Sukuma uye eZarefathi engeyeSidoni, uhlale khona. Khangela, ngilayile owesifazana ongumfelokazi khona ukuthi akondle.

¹⁰Wasukuma-ke waya eZarefathi. Lapho efika esangweni lomuzi, khangela, owesifazana ongumfelokazi wayelapho etheza inkuni; wasembiza wathi: Ake ungikhele amanzi amalutshwana ngenkezo ukuze nginathe.

¹¹Kwathi esahamba ukuya wa thatha, wambiza wathi: Ake ungiphathele ucezu lwesinkwa esandleni sakho.

¹²Wasesithi: Kuphila kukaJehova uNkulunkulu wakho, kangilaqebelengwana, kuphela impuphu egcwala isandla embizeni lamafutha ayingcosana esiphisweni; khangela-ke ngitheza izinkuni ezimbili ukuze ngingene ngizilungisele khona mina lendodana yami, ukuze sidle sife.

¹³UElija wasesithi kuye: Ungesabi; hamba wenze njengokwelizwi lakho, kodwa ngenzela kuqala iqebelengwana elincinyane ngakho, u li lethe lapha kimi, ngemva kwalokho-ke wenzele wena lendodana yakho.

¹⁴Ngoba itsho njalo i Nkosi uNkulunkulu wakoIsrayeli: Imbiza yempuphu kayiyikuphela, lesiphiso samafutha kasiyikuswela, kuze kube lusuku i Nkosi ezanisa ngalo izulu ebusweni bomhlaba.

¹⁵Wasehamba wenza njengokwelizwi likaElija. Njalo yena laye lendodana yakhe badla okwensuku ezinengi.

¹⁶Imbiza yempuphu kayiphelanga lesiphiso samafutha kasiswelanga, njengokwelizwi le Nkosi eyalikhuluma ngesandla sikaElija.

¹⁷Kwasekusithi emva kwalezizinto, indodana yowesifazana, inkosikazi yendlu, yagula; lomkhuhlane wayo wawulamandla kangangokuthi akwaze kwasala umphefumulo kuyo.

¹⁸Wasesithi kuElija: Ngilani lawe, muntu kaNkulunkulu? Uze kimi ukuze kukhumbuleke isono sami lokubulala indodana yami na?

¹⁹Wasesithi kuye: Nginika indodana yakho. Waseyithatha esifubeni sakhe, wayenyusela endlini ephezulu lapho ayehlala khona, wayilalisa embhedeni wakhe.

²⁰Wasekhala e Nkosi ni wathi: Nkosi Nkulunkulu wami, umehlisele ububi lalo umfelokazi engingenise kwakhe ngokubulala indodana yakhe na?

²¹Wasezelulela phezu komntwana kathathu, wakhala e Nkosi ni wathi: Nkosi Nkulunkulu wami, ake ubuyele umphefumulo walumntwana phakathi kwakhe.

²²I Nkosi yasilizwa ilizwi likaElija, umphefumulo womntwana wasubuyela phakathi kwakhe, wasebuya ephila.

²³UElija wasemthatha umntwana, wamehlisa esuka endlini ephezulu waya endlini, wamnika unina; uElija wasesithi: Bona, indodana yakho iyaphila.

²⁴Owesifazana wasesithi kuElija: Khathesi sengisazi ukuthi ungumuntu kaNkulunkulu, ukuthi ilizwi le Nkosi elisemlonyeni wakho liliqiniso.