Read Ndebele-IBhayibhili Elingcwele 2006 1 Amakhosi 22 Bible Online

1 Amakhosi 22 - Ndebele-IBhayibhili Elingcwele 2006 bible

1 Amakhosi 22

¹Bahlala-ke iminyaka emithathu kungekho impi phakathi kweSiriya loIsrayeli.

²Kwasekusithi ngomnyaka wesithathu uJehoshafathi inkosi yakoJuda wehlela enkosini yakoIsrayeli.

³Inkosi yakoIsrayeli yasisithi encekwini zayo: Liyazi yini ukuthi iRamothi-Gileyadi ingeyethu? Kodwa sithule, singayithathi esandleni senkosi yeSiriya.

⁴Yasisithi kuJehoshafathi: Uzahamba lami empini eRamothi-Gileyadi yini? UJehoshafathi wasesithi enkosini yakoIsrayeli: Njengami unjalo, njengabantu bami banjalo abantu bakho, njengamabhiza ami anjalo amabhiza akho.

⁵UJehoshafathi wasesithi enkosini yakoIsrayeli: Akubuze lamuhla ilizwi le Nkosi.

⁶Inkosi yakoIsrayeli yasibuthanisa abaprofethi abangaba ngamadoda angamakhulu amane, yathi kubo: Ngihambe yini ukuyamelana leRamothi-Gileyadi empini kumbe ngiyekele? Basebesithi: Yenyuka, ngoba iNkosi izayinikela esandleni senkosi.

⁷UJehoshafathi wasesithi: Kakusekho yini lapha umprofethi we Nkosi esingambuza?

⁸Inkosi yakoIsrayeli yasisithi kuJehoshafathi: Kusekhona indoda eyodwa, uMikhaya indodana kaImla, e si ngabuza ngaye e Nkosi ni, kodwa mina ngiyamzonda, ngoba kaprofethi okuhle ngami, kodwa okubi. UJehoshafathi wasesithi: Inkosi ingatsho njalo.

⁹Inkosi yakoIsrayeli yasibiza inceku yathi: Landa masinyane uMikhaya indodana kaImla.

¹⁰Inkosi yakoIsrayeli loJehoshafathi inkosi yakoJuda babehlezi, ngulowo lalowo esihlalweni sakhe sobukhosi, begqoke izembatho zabo, besebaleni lokubhulela ekungeneni kwesango leSamariya, njalo bonke abaprofethi babeprofetha phambi kwabo.

¹¹UZedekhiya indodana kaKhenahana wasezenzela izimpondo zensimbi, wathi: Itsho njalo i Nkosi: Ngalezi uzahlaba amaSiriya uze uwaqede.

¹²Labo bonke abaprofethi baprofetha njalo, besithi: Yenyukela eRamothi-Gileyadi, uphumelele; ngoba uJehova uzayinikela esandleni senkosi.

¹³Isithunywa esasiyebiza uMikhaya sakhuluma laye sathi: Khangela-ke, amazwi abaprofethi ngamlomo munye mahle enkosini; ake ilizwi lakho lifanane lelizwi lomunye wabo, ukhulume okuhle.

¹⁴Kodwa uMikhaya wathi: Kuphila kukaJehova, lokho i Nkosi ekutshoyo kimi lokho ngizakukhuluma.

¹⁵Esefikile enkosini, inkosi yathi kuye: Mikhaya, siye eRamothi-Gileyadi empini kumbe siyekele? Wasesithi kuyo: Yenyuka, uphumelele; ngoba uJehova uzayinikela esandleni senkosi.

¹⁶Inkosi yasisithi kuye: Ngizakufungisa kuze kube kangaki ukuthi ungangitsheli lutho ngaphandle kweqiniso ebizweni le Nkosi?

¹⁷Wasesithi: Ngabona uIsrayeli wonke ehlakazekile phezu kwezintaba njengezimvu ezingelamelusi; uJehova wathi: Laba kabalankosi, kababuyele, ngulowo lalowo endlini yakhe ngokuthula.

¹⁸Inkosi yakoIsrayeli yasisithi kuJehoshafathi: Kangikutshelanga yini ukuthi kayikuprofetha okuhle ngami kodwa okubi?

¹⁹Wasesithi: Ngakho zwana ilizwi le Nkosi: Ngibone i Nkosi ihlezi esihlalweni sayo sobukhosi, lamabutho wonke amazulu emi phansi kwayo ngakwesokunene sayo langakwesokhohlo sayo.

²⁰I Nkosi yasisithi: Ngubani ozahuga uAhabi ukuthi enyuke ayewela eRamothi-Gileyadi? Omunye-ke watsho njalo, lomunye watsho njalo.

²¹Kwasekuphuma umoya, wema phambi kwe Nkosi wathi: Mina ngizamhuga.

²²I Nkosi yasisithi kuye: Ngani? Wasesithi: Ngizaphuma ngibe ngumoya wamanga emlonyeni wabo bonke abaprofethi bakhe. Yasisithi: Uza m huga, njalo uzaphumelela; phuma wenze njalo.

²³Ngakho-ke, khangela, i Nkosi ifake umoya wamanga emlonyeni walababaprofethi bakho bonke, njalo i Nkosi ikhulume okubi ngawe.

²⁴UZedekhiya indodana kaKhenahana wasesondela, watshaya uMikhaya esihlathini, wathi: UMoya we Nkosi wedlula ngani esuka kimi ukuyakhuluma lawe?

²⁵UMikhaya wasesithi: Khangela, uzakubona mhlalokho lapho uzangena ekamelweni elingaphakathi ukuyacatsha.

²⁶Inkosi yakoIsrayeli yasisithi: Thatha uMikhaya, mbuyisele kuAmoni umbusi womuzi lakuJowashi indodana yenkosi,

²⁷uthi: Itsho njalo inkosi: Fakani lo entolongweni, limdlise isinkwa sohlupho lamanzi ohlupho ngize ngibuye ngokuthula.

²⁸UMikhaya wasesithi: Uba uphenduka isibili ngokuthula, i Nkosi kayikhulumanga ngami. Wasesithi: Zwanini, bantu, lina lonke.

²⁹Inkosi yakoIsrayeli loJehoshafathi inkosi yakoJuda basebesenyukela eRamothi-Gileyadi.

³⁰Inkosi yakoIsrayeli yasisithi kuJehoshafathi: Ngi zazifihla isimo, ngi ngene empini, kodwa wena gqoka izembatho zakho. Inkosi yakoIsrayeli yasizifihla isimo, yangena empini.

³¹Inkosi yeSiriya yayilaye induna zezinqola ezingamatshumi amathathu lambili ayelazo, esithi: Lingalwi lomncinyane loba lomkhulu, kodwa lenkosi yakoIsrayeli kuphela.

³²Kwasekusithi induna zezinqola zibona uJehoshafathi zona zathi: Isibili yiyo inkosi yakoIsrayeli. Zaseziphambuka ukulwa zimelene layo; uJehoshafathi waseklabalala.

³³Kwasekusithi induna zezinqola zibona ukuthi kwakungeyisiyo inkosi yakoIsrayeli, zaphenduka ekuyilandeleni.

³⁴Umuntu othile wasedonsa idandili lakhe engananzeleli, wahlaba inkosi yakoIsrayeli phakathi kwenhlangano lebhatshi lensimbi; yasisithi kumtshayeli wenqola yayo: Phendula isandla sakho, ungikhuphe phakathi kwebutho, ngoba ngilimele kakhulu.

³⁵Impi yasikhula mhlalokho; njalo inkosi yayisekelwe enqoleni yayo iqondene lamaSiriya, yafa ntambama; igazi lenxeba lagelezela ngaphansi kwenqola.

³⁶Ekutshoneni kwelanga kwadabula isimemezelo ebuthweni sisithi: Wonke ka ye emzini wakibo, laye wonke elizweni lakibo.

³⁷Ngakho inkosi yafa, yalethwa eSamariya; basebeyingcwaba inkosi eSamariya.

³⁸Omunye wasegezisa inqola echibini leSamariya, lezinja zakhotha igazi layo (lapho amawule ayegeza khona), njengokwelizwi le Nkosi eyalikhulumayo.

³⁹Ezinye-ke zezindaba zikaAhabi, lakho konke akwenzayo, lendlu yempondo zendlovu ayakhayo, lemizi yonke ayakhayo, kakubhalwanga yini egwalweni lwemilando yamakhosi akoIsrayeli?

⁴⁰UAhabi waselala laboyise. UAhaziya indodana yakhe wasesiba yinkosi esikhundleni sakhe.

⁴¹UJehoshafathi indodana kaAsa waba-ke yinkosi phezu kukaJuda ngomnyaka wesine kaAhabi inkosi yakoIsrayeli.

⁴²Njalo uJehoshafathi wayeleminyaka engamatshumi amathathu lanhlanu lapho esiba yinkosi; wabusa eJerusalema iminyaka engamatshumi amabili lanhlanu. Lebizo likanina lalinguAzuba indodakazi kaShilehi.

⁴³Njalo wahamba ngayo yonke indlela kaAsa uyise, kaphambukanga kuyo, ukwenza okulungileyo emehlweni e Nkosi. Loba kunjalo indawo eziphakemeyo kazisuswanga; abantu babelokhu benikela imihlatshelo, betshisa impepha endaweni eziphakemeyo.

⁴⁴UJehoshafathi wasesenza ukuthula lenkosi yakoIsrayeli.

⁴⁵Ezinye-ke zezindaba zikaJehoshafathi, lobuqhawe abenzayo, lokuthi walwa njani, kakubhalwanga yini egwalweni lwemilando yamakhosi akoJuda?

⁴⁶Lensali yezinkotshana ezazisele ensukwini zikaAsa uyise wayikhupha elizweni.

⁴⁷Njalo eEdoma kwakungelankosi, umbambeli wayeyinkosi.

⁴⁸UJehoshafathi wenza imikhumbi yeTharshishi ukuya eOfiri uku landa igolide; kodwa kayiyanga, ngoba imikhumbi yephukela eEziyoni-Geberi.

⁴⁹Ngalesosikhathi uAhaziya indodana kaAhabi wathi kuJehoshafathi: Inceku zami kazihambe lenceku zakho emikhunjini. Kodwa uJehoshafathi kafunanga.

⁵⁰UJehoshafathi waselala laboyise, wangcwatshelwa kuboyise emzini kaDavida uyise. UJoramu indodana yakhe wasesiba yinkosi esikhundleni sakhe.

⁵¹UAhaziya indodana kaAhabi waba yinkosi phezu kukaIsrayeli eSamariya ngomnyaka wetshumi lesikhombisa kaJehoshafathi inkosi yakoJuda; wabusa phezu kukaIsrayeli iminyaka emibili.

⁵²Wasesenza okubi emehlweni e Nkosi, wahamba ngendlela kayise, langendlela kanina, langendlela kaJerobowamu indodana kaNebati owenza uIsrayeli one.

⁵³Wasekhonza uBhali, wakhothamela kuye, wayithukuthelisa i Nkosi, uNkulunkulu kaIsrayeli, njengakho konke ayekwenzile uyise.