Read Ndebele-IBhayibhili Elingcwele 2006 2 Amakhosi 21 Bible Online

2 Amakhosi 21 - Ndebele-IBhayibhili Elingcwele 2006 bible

2 Amakhosi 21

¹UManase wayeleminyaka elitshumi lambili lapho esiba yinkosi; wabusa iminyaka engamatshumi amahlanu lanhlanu eJerusalema. Lebizo likanina lalinguHefiziba.

²Wasesenza okubi emehlweni e Nkosi njengokwamanyala ezizwe i Nkosi eyazixotsha elifeni phambi kwabantwana bakoIsrayeli.

³Ngoba wabuya wakha indawo eziphakemeyo uyise uHezekhiya ayezichithile, wamisela uBhali amalathi, wenza isixuku, njengokwenza kukaAhabi inkosi yakoIsrayeli, wakhothamela ibutho lonke lamazulu, walikhonza.

⁴Wasesakha amalathi endlini ye Nkosi, i Nkosi eyathi ngayo: EJerusalema ngizabeka ibizo lami.

⁵Wasesakhela ibutho lonke lamazulu amalathi emagumeni womabili endlini ye Nkosi.

⁶Wasedabulisa indodana yakhe emlilweni, wachasisa ngemibono, wenza imilingo, wasebenza labalamadlozi labalumbayo. Wenza okubi kakhulu emehlweni e Nkosi uku yi thukuthelisa.

⁷Wasemisa isithombe esibaziweyo sesixuku ayesenzile endlini, i Nkosi eyakhuluma ngayo kuDavida lakuSolomoni indodana yakhe yathi: Kulindlu, leJerusalema engiyikhethe kuzo zonke izizwe zakoIsrayeli, ngizabeka ibizo lami kuze kube nininini.

⁸Kangisayikuzulisa unyawo lukaIsrayeli luphume futhi elizweni engalinika oyise, kuphela uba bezananzelela ukwenza njengakho konke engabalaya khona langokomlayo wonke inceku yami uMozisi eyabalaya wona.

⁹Kodwa kabalalelanga; uManase wasebaphambukisa ukuthi benze okubi okwedlula izizwe i Nkosi eyazichitha phambi kwabantwana bakoIsrayeli.

¹⁰I Nkosi yasikhuluma ngesandla sezinceku zayo abaprofethi isithi:

¹¹Ngenxa yokuthi uManase inkosi yakoJuda wenzile lamanyala, wenze okubi okwedlula konke amaAmori akwenzayo, ayephambi kwakhe, wonisa loJuda ngezithombe zakhe.

¹²Ngakho itsho njalo i Nkosi, uNkulunkulu kaIsrayeli: Khangela, ngiletha okubi phezu kweJerusalema loJuda kuthi laye wonke ozwayo indlebe zakhe zombili zizakhenceza ngakho.

¹³Ngizakwelula phezu kweJerusalema intambo yeSamariya, lentambo yokulinganisa yendlu kaAhabi, ngiyesule iJerusalema njengowesula umganu, awesule awumbokothe.

¹⁴Njalo ngizatshiya insali yelifa lami, ngibanikele esandleni sezitha zabo, babe ngokubanjiweyo lempango kwezitha zabo zonke,

¹⁵ngenxa yokuthi benzile okubi emehlweni ami, bayangithukuthelisa, kusukela osukwini oyise abaphuma ngalo eGibhithe ngitsho kuze kube lamuhla.

¹⁶Futhi-ke uManase uchithile igazi elinengi kakhulu elingelacala waze wayigcwalisa iJerusalema kusukela ekuqaleni kuze kube sekucineni, ngaphandle kwesono sakhe enza ngaso uJuda ukuthi one, ukwenza okubi emehlweni e Nkosi.

¹⁷Ezinye-ke zezindaba zikaManase, lakho konke akwenzayo, lesono sakhe asonayo, kakubhalwanga yini egwalweni lwemilando yamakhosi akoJuda?

¹⁸UManase waselala laboyise, wangcwatshelwa esivandeni sendlu yakhe, esivandeni sikaUza. UAmoni indodana yakhe wasesiba yinkosi esikhundleni sakhe.

¹⁹UAmoni wayeleminyaka engamatshumi amabili lambili lapho esiba yinkosi; wabusa iminyaka emibili eJerusalema. Lebizo likanina lalinguMeshulemethi indodakazi kaHaruzi weJotiba.

²⁰Wasesenza okubi emehlweni e Nkosi njengokwenza kukaManase uyise.

²¹Wahamba ngendlela yonke uyise ahamba ngayo, wakhonza izithombe uyise azikhonzayo, wakhothama kuzo.

²²Wayidela i Nkosi, uNkulunkulu waboyise, kahambanga ngendlela ye Nkosi.

²³Izinceku zikaAmoni zasezimenzela ugobe, zabulala inkosi endlini yayo.

²⁴Kodwa abantu belizwe babatshaya bonke labo ababenzele inkosi uAmoni ugobe; abantu belizwe basebebeka uJosiya indodana yakhe ukuba yinkosi esikhundleni sakhe.

²⁵Ezinye-ke zezindaba zikaAmoni azenzayo kazibhalwanga yini egwalweni lwemilando yamakhosi akoJuda?

²⁶Wasengcwatshelwa engcwabeni lakhe esivandeni sikaUza. UJosiya indodana yakhe wasesiba yinkosi esikhundleni sakhe.