Read Ndebele-IBhayibhili Elingcwele 2006 1 Iinkronike 29 Bible Online

1 Iinkronike 29 - Ndebele-IBhayibhili Elingcwele 2006 bible

1 Iinkronike 29

¹UDavida inkosi wasesithi ebandleni lonke: USolomoni indodana yami, oyedwa uNkulunkulu amkhethileyo, u se ngumfana uthambile, lomsebenzi mkhulu; ngoba isigodlo kayisiso somuntu, kodwa ngese Nkosi uNkulunkulu.

²Ngakho ngiyilungisele indlu kaNkulunkulu wami ngamandla ami wonke, igolide lo kwe golide, lesiliva lo kwe siliva, lethusi lo kwe thusi, insimbi lo kwe nsimbi, lezigodo lo kwe zigodo, amatshe e-onikse* lawokubekwa, amatshe okucecisa lalemibala, lenhlobo zonke zamatshe aligugu, lamatshe e-alibasta* ngobunengi.

³Laphezu kwakho, ngenxa yokuthanda kwami indlu kaNkulunkulu wami, nganikela indlu kaNkulunkulu wami inotho yegolide leyesiliva engilayo, phezu kwakho konke engikulungisele indlu yendawo engcwele,

⁴amathalenta* egolide azinkulungwane ezintathu egolideni leOfiri, lamathalenta* esiliva elicwengekileyo azinkulungwane eziyisikhombisa, ukuhuqa imiduli yezindlu.

⁵Igolide kusenzelwa okwe golide, lesiliva kusenzelwa okwe siliva, langawo wonke umsebenzi ngesandla sezingcitshi. Ngubani-ke ovumayo ukuzehlukanisela i Nkosi lamuhla?

⁶Inhloko zaboyise zasezinikela ngesihle, lezinduna zezizwe zakoIsrayeli, labaphathi bezinkulungwane labamakhulu, labaphathi bomsebenzi wenkosi.

⁷Basebenikela emsebenzini wendlu kaNkulunkulu amathalenta* azinkulungwane ezinhlanu egolide, lenhlamvu ezizinkulungwane ezilitshumi, lamathalenta* esiliva azinkulungwane ezilitshumi, lamathalenta* ethusi azinkulungwane ezilitshumi lesificaminwembili, lamathalenta* ensimbi azinkulungwane ezilikhulu.

⁸Lalabo okwatholwa kibo amatshe aligugu bawanika indlu yokuligugu yendlu ye Nkosi ngaphansi kwesandla sikaJehiyeli umGerishoni.

⁹Basebethokoza abantu ngokunikela kwabo ngesihle, ngoba ngenhliziyo epheleleyo babenikele ngothando kuNkulunkulu; loDavida inkosi laye wathokoza ngentokozo enkulu.

¹⁰UDavida waseyibusisa i Nkosi phambi kwamehlo ebandla lonke; uDavida wathi: Kawubusiswe wena Nkosi Nkulunkulu kaIsrayeli ubaba, kusukela ephakadeni kuze kube sephakadeni.

¹¹Kungokwakho, Nkosi, ubukhulu lamandla lodumo lokunqoba lobukhosi; ngoba konke okusemazulwini lokusemhlabeni kungokwakho; umbuso ungowakho, Nkosi; wena uziphakamisile waba yinhloko phezu kwakho konke.

¹²Lenotho lodumo kuvela phambi kwakho, wena-ke ubusa phezu kwakho konke; lesandleni sakho kukhona ukuqina lamandla, lesandleni sakho kukhona ukukhulisa lokupha amandla kubo bonke.

¹³Ngakho-ke Nkulunkulu wethu, siyakubonga, silidumise ibizo lakho elilodumo.

¹⁴Ngoba mina-ke ngingubani, labantu bami bangobani, ukuthi sithole amandla okunika ngothando ngokunje? Ngoba konke kuvela kuwe, sinikele kuwe okuvela esandleni sakho.

¹⁵Ngoba singabemzini phambi kwakho labahlala njengabezizwe njengabo bonke obaba; insuku zethu emhlabeni zinjengesithunzi, kalikho ithemba.

¹⁶Nkosi Nkulunkulu wethu, konke lokhu okunengi, esikulungisele ukwakhela wena indlu, kusenzelwa ibizo lakho elingcwele, kuvela esandleni sakho, njalo konke kungokwakho.

¹⁷Ngiyazi-ke, Nkulunkulu wami, ukuthi wena uhlola inhliziyo, uyabuthanda ubuqotho. Mina, ebuqothweni benhliziyo yami nginikele ngesihle zonke lezizinto; khathesi sengibonile ngentokozo abantu bakho abatholakala lapha ukuthi banikela kuwe ngesihle.

¹⁸Nkosi, Nkulunkulu kaAbrahama, uIsaka, loIsrayeli, obaba, gcina lokho laphakade ekuzindleni kweminakano yenhliziyo yabantu bakho, ulungise inhliziyo yabo kuwe.

¹⁹Njalo unike uSolomoni indodana yami inhliziyo epheleleyo ukugcina imilayo yakho, ubufakazi bakho, lezimiso zakho, lokwenza konke, lokwakha isigodlo engisilungise le leyo.

²⁰UDavida wasesithi kulo lonke ibandla: Khathesi busisani i Nkosi uNkulunkulu wenu. Ibandla lonke laselibusisa i Nkosi, uNkulunkulu waboyise; bakhothama bamkhonza uJehova, lenkosi.

²¹Basebehlabela imihlatshelo e Nkosi ni, banikela iminikelo yokutshiswa e Nkosi ni, ngokusa kwalolosuku, amajongosi azinkulungwane, izinqama eziyinkulungwane, amawundlu ayinkulungwane, kanye leminikelo yabo yokunathwayo, lemihlatshelo ngobunengi ngoIsrayeli wonke.

²²Basebesidla banatha phambi kwe Nkosi ngalolosuku ngentokozo enkulu. Basebembeka okwesibili uSolomoni indodana kaDavida ukuthi abe yinkosi, ba m gcobela i Nkosi waba ngumkhokheli, loZadoki waba ngumpristi.

²³USolomoni wasehlala esihlalweni sobukhosi sikaJehova njengenkosi esikhundleni sikaDavida uyise, waphumelela; loIsrayeli wonke wamlalela.

²⁴Lazo zonke izinduna lamaqhawe kanye lawo wonke amadodana enkosi uDavida bazehlisela ngaphansi kukaSolomoni inkosi.

²⁵I Nkosi yasimphakamisa uSolomoni kakhulu phambi kwamehlo kaIsrayeli wonke, yamnika ubukhosi bombuso obungazanga bube khona lakuyiphi inkosi ngaphambi kwakhe koIsrayeli.

²⁶Ngokunjalo uDavida indodana kaJese wayebuse phezu kukaIsrayeli wonke.

²⁷Lensuku abusa ngazo phezu kukaIsrayeli zaziyiminyaka engamatshumi amane; eHebroni wabusa iminyaka eyisikhombisa, leJerusalema wabusa iminyaka engamatshumi amathathu lantathu.

²⁸Wasesifa eseluphele kuhle, enele ngezinsuku, inotho lodumo; uSolomoni indodana yakhe wasebusa esikhundleni sakhe.

²⁹Lezindaba zikaDavida inkosi, ezokuqala lezokucina, khangela, zibhaliwe egwalweni lwezindaba zikaSamuweli umboni legwalweni lwezindaba zikaNathani umprofethi legwalweni lwezindaba zikaGadi umboni,

³⁰kanye lakho konke ukubusa kwakhe lamandla akhe, lezikhathi ezedlula phezu kwakhe laphezu kukaIsrayeli laphezu kwayo yonke imibuso yamazwe.