Read Ndebele-IBhayibhili Elingcwele 2006 2 Iinkronike 19 Bible Online

2 Iinkronike 19 - Ndebele-IBhayibhili Elingcwele 2006 bible

2 Iinkronike 19

¹UJehoshafathi inkosi yakoJuda wasebuyela endlini yakhe ngokuthula eJerusalema.

²UJehu indodana kaHanani umboni wasephuma ukumhlangabeza, wathi enkosini uJehoshafathi: Unganceda yini omubi, uthande labo abazonda i Nkosi? Ngenxa yalokhu-ke kulolaka phezu kwakho luvela ebusweni be Nkosi.

³Loba kunjalo izinto ezinhle zitholwe kuwe, ngoba ususile izixuku elizweni, walungisa inhliziyo yakho ukumdinga uNkulunkulu.

⁴UJehoshafathi wasehlala eJerusalema; wabuya waphuma wahamba phakathi kwabantu, kusukela eBherishebha kusiya entabeni yakoEfrayimi, wababuyisela e Nkosi ni, uNkulunkulu waboyise.

⁵Wasemisa abahluleli elizweni kuyo yonke imizi ebiyelweyo yakoJuda, kumuzi ngomuzi.

⁶Wasesithi kubahluleli: Bonani elikwenzayo, ngoba kalehluleleli umuntu kodwa i Nkosi, elani endabeni yokwahlulela.

⁷Ngakho-ke uvalo nge Nkosi kalube phezu kwenu, linanzelele likwenze, ngoba e Nkosi ni uNkulunkulu wethu kakulabubi lokukhangela ubuso lokwemukela izivalamlomo.

⁸Futhi leJerusalema uJehoshafathi wasemisa abanye kumaLevi labapristi lakunhloko zaboyise zakoIsrayeli kusahlulelo se Nkosi lakumibango, sebebuyele eJerusalema.

⁹Wasebalaya esithi: Lizakwenza njalo ekuyesabeni i Nkosi, ngobuqotho langenhliziyo epheleleyo.

¹⁰Lawuphi umbango oza kini ovela kubafowenu abahlala emizini yabo, phakathi kwegazi legazi, phakathi komthetho lomlayo, izimiso lezahlulelo, lizabaxwayisa ukuthi bangabi lecala e Nkosi ni, lolaka lwehlele phezu kwenu laphezu kwabafowenu. Lizakwenza njalo, futhi lingabi lacala.

¹¹Khangelani-ke, uAmariya umpristi oyinhloko uphezu kwenu kulo lonke udaba lukaJehova, loZebhadiya indodana kaIshmayeli, umbusi wendlu yakoJuda, kulo lonke udaba lwenkosi; labaphathi amaLevi baphambi kwenu. Qinani likwenze; le Nkosi izakuba lolungileyo.