Read Ndebele-IBhayibhili Elingcwele 2006 U-Ezra 10 Bible Online

U-Ezra 10 - Ndebele-IBhayibhili Elingcwele 2006 bible

U-Ezra 10

¹Kwathi uEzra esakhuleka esavuma, ekhala inyembezi eziwisela phansi phambi kwendlu kaNkulunkulu, kwabuthana kuye ibandla elikhulu kakhulu lamadoda labesifazana labantwana, livela kuIsrayeli, ngoba abantu bakhala inyembezi ngokukhala okukhulu.

²UShekaniya indodana kaJehiyeli owamadodana kaElamu wasephendula wathi kuEzra: Thina siphambukile kuNkulunkulu wethu, sahlalisa na labafazi bezizweni abavela ezizweni zelizwe; kodwa khathesi kukhona ithemba koIsrayeli mayelana lalokhu.

³Ngakho-ke asenze isivumelwano loNkulunkulu wethu ukuze sikhuphe bonke abafazi lokuzelwe yibo ngokweseluleko seNkosi lesabathuthumela emlayweni kaNkulunkulu wethu; kakwenziwe-ke ngokomlayo.

⁴Sukuma, ngoba udaba luphezu kwakho, lathi silawe. Qina, wenze.

⁵Wasesukuma uEzra, wafungisa induna zabapristi, amaLevi, loIsrayeli wonke, ukuthi benze ngokwalelilizwi. Basebefunga.

⁶UEzra wasesukuma esuka phambi kwendlu kaNkulunkulu, waya endlini kaJehohanani indodana kaEliyashibi; wathi efika lapho kadlanga sinkwa kanathanga manzi, ngoba elilela ububi babathunjiweyo.

⁷Basebesenza isimemezelo sedlule koJuda leJerusalema kubo bonke abantwana bokuthunjwa ukuthi babuthane eJerusalema,

⁸lokuthi loba ngubani ongafikanga ngensuku ezintathu, ngokweseluleko seziphathamandla labadala, impahla yakhe yonke izatshabalaliswa, yena ehlukaniswe lebandla labathunjiweyo.

⁹Wonke amadoda akoJuda loBhenjamini asebuthana eJerusalema ngensuku ezintathu. Kwakuyinyanga yesificamunwemunye ngolwamatshumi amabili lwenyanga. Bonke abantu basebehlala egumeni lendlu kaNkulunkulu beqhaqhazela ngenxa yaloludaba langenxa yezulu elikhulu.

¹⁰UEzra umpristi wasukuma wathi kibo: Lina liphambukile lahlalisa na l abafazi bezizweni, ukwandisa isiphambeko sikaIsrayeli.

¹¹Ngakho-ke yenzani uvumo e Nkosi ni uNkulunkulu waboyihlo, lenze intando yayo, lizehlukanise lezizwe zelizwe, lakubafazi bezizweni.

¹²Ibandla lonke laseliphendula lathi ngelizwi elikhulu: Njengamazwi akho, ngokunjalo kuphezu kwethu ukuthi sikwenze.

¹³Kodwa abantu banengi, njalo kuyisikhathi sezulu elinengi, njalo singeme phandle. Futhi kakusimsebenzi wosuku olulodwa njalo hatshi owezimbili, ngoba sibanengi esiphambukileyo kuloludaba.

¹⁴Ake zime iziphathamandla zethu zebandla lonke, labo bonke abasemizini yethu abahlalis an e l abafazi bezizweni beze ngezikhathi ezimisiweyo, njalo kanye labo abadala bomuzi ngomuzi labahluleli bawo, size sidedise ukuvutha kolaka lukaNkulunkulu wethu mayelana laloludaba.

¹⁵NgoJonathani indodana kaAsaheli loJahazeya indodana kaTikiva kuphela abamelana lalokho; loMeshulamu loShabethayi umLevi babancedisa.

¹⁶Abantwana bokuthunjwa besebesenza njalo. UEzra umpristi, amadoda, inhloko zaboyise ngendlu yaboyise, labo bonke ngamabizo, basebesehlukaniswa; basebehlala ngosuku lokuqala lwenyanga yetshumi ukuhlola loludaba.

¹⁷Basebeqeda lawo wonke amadoda ayehlalis an e l abafazi bezizweni kwaze kwaba lusuku lokuqala lwenyanga yokuqala.

¹⁸Kwasekutholakala phakathi kwamadodana abapristi ayehlalis an e l abafazi bezizweni: Emadodaneni kaJeshuwa indodana kaJozadaki labafowabo: OMahaseya loEliyezeri loJaribi loGedaliya.

¹⁹Basebenika isandla sabo ukuthi bazakhupha abafazi babo; ngoba belecala banikela inqama yomhlambi ngecala labo.

²⁰Lemadodaneni kaImeri: OHanani loZebhadiya.

²¹Lemadodaneni kaHarimi: OMahaseya loEliya loShemaya loJehiyeli loUziya.

²²Lemadodaneni kaPashuri: OEliyowenayi, uMahaseya, uIshmayeli, uNethaneli, uJozabadi, loElasa.

²³LakumaLevi: OJozabadi, loShimeyi, loKelaya onguKelita, uPethahiya, uJuda, loEliyezeri.

²⁴Lakubahlabeleli: UEliyashibi. Lakubalindimasango: OShaluma loTelema loUri.

²⁵LakuIsrayeli: Emadodaneni kaParoshi: ORamiya loIziya loMalikiya loMijamini loEleyazare loMalikiya loBhenaya.

²⁶Lemadodaneni kaElamu: OMathaniya, uZekariya, loJehiyeli, loAbidi, loJeremothi, loEliya.

²⁷Lemadodaneni kaZathu: OEliyowenayi, uEliyashibi, uMathaniya, loJeremothi, loZabadi, loAziza.

²⁸Lemadodaneni kaBebayi: OJehohanani, uHananiya, uZabayi, uAthilayi.

²⁹Lemadodaneni kaBani: OMeshulamu, uMaluki, loAdaya, uJashubi, loSheyali, loRamothi.

³⁰Lemadodaneni kaPahathi-Mowabi: OAdina, loKelali, uBhenaya, uMahaseya, uMathaniya, uBhezaleli, loBinuwi, loManase.

³¹Lamadodana kaHarimi: OEliyezeri, uIshiya, uMalikiya, uShemaya, uShimeyoni,

³²uBhenjamini, uMaluki, uShemariya.

³³Emadodaneni kaHashuma: OMathenayi, uMathatha, uZabadi, uElifeleti, uJeremayi, uManase, uShimeyi.

³⁴Emadodaneni kaBani: OMahadayi, uAmramu, loUweli,

³⁵uBhenaya, uBedeya, uKeluhi,

³⁶uVaniya, uMeremothi, uEliyashibi,

³⁷uMathaniya, uMathenayi, loJahasa,

³⁸loBani, loBinuwi, uShimeyi,

³⁹loShelemiya, loNathani, loAdaya,

⁴⁰uMakinadebayi, uShashayi, uSharayi,

⁴¹uAzareli, uShelemiya, uShemariya,

⁴²uShaluma, uAmariya, uJosefa.

⁴³Lemadodaneni kaNebo: OJeyiyeli, uMathithiya, uZabadi, uZebina, uJadayi, loJoweli, uBhenaya.

⁴⁴Bonke laba babethethe abafazi bezizweni; njalo kwakukhona phakathi kwabo abafazi ababezele abantwana.