Read Ndebele-IBhayibhili Elingcwele 2006 Unerhemiya 11 Bible Online

Unerhemiya 11 - Ndebele-IBhayibhili Elingcwele 2006 bible

Unerhemiya 11

¹Ngakho ababusi babantu bahlala eJerusalema; abantu abaseleyo basebesenza inkatho yokuphosa ukuze balethe oyedwa kwabalitshumi ukuhlala eJerusalema umuzi ongcwele, lengxenye eziyisificamunwemunye kweminye imizi.

²Abantu basebebusisa wonke amadoda azinikela ngesihle uku ya hlala eJerusalema.

³Lezi-ke zinhloko zesigaba ezahlala eJerusalema. Kodwa emizini yakoJuda bahlala, ngulowo kumfuyo yakhe, emizini yabo: UIsrayeli, abapristi, lamaLevi, lamaNethini, labantwana benceku zikaSolomoni.

⁴EJerusalema kwahlala-ke abanye babantwana bakoJuda lababantwana bakoBhenjamini. Ebantwaneni bakoJuda: OAthaya indodana kaUziya indodana kaZekariya indodana kaAmariya indodana kaShefathiya indodana kaMahalaleli, owabantwana bakoPerezi,

⁵loMahaseya indodana kaBaruki indodana kaKolihoze indodana kaHazaya indodana kaAdaya indodana kaJoyaribi indodana kaZekariya indodana kaShiloni.

⁶Wonke amadodana kaPerezi ayehlala eJerusalema ayengamakhulu amane lamatshumi ayisithupha lesificaminwembili, amadoda alamandla.

⁷Lala ngamadodana kaBhenjamini: USalu indodana kaMeshulamu indodana kaJowedi indodana kaPedaya indodana kaKolaya indodana kaMahaseya indodana kaIthiyeli indodana kaJeshaya,

⁸langemva kwakhe oGabayi, uSalayi, amakhulu ayisificamunwemunye lamatshumi amabili lesificaminwembili.

⁹LoJoweli indodana kaZikiri wayengumboni phezu kwabo, loJuda indodana kaHasenuwa engowesibili phezu komuzi.

¹⁰Kubapristi: OJedaya indodana kaJoyaribi, uJakini,

¹¹uSeraya indodana kaHilikhiya indodana kaMeshulamu indodana kaZadoki indodana kaMerayothi indodana kaAhitubi, umphathi wendlu kaNkulunkulu,

¹²labafowabo ababesenza umsebenzi wendlu babengamakhulu ayisificaminwembili lamatshumi amabili lambili; loAdaya indodana kaJerohamu indodana kaPelaliya indodana kaAmzi indodana kaZekariya indodana kaPashuri indodana kaMalikiya,

¹³labafowabo, inhloko zaboyise, babengamakhulu amabili lamatshumi amane lambili; loAmashayi indodana kaAzareli indodana kaAhizayi indodana kaMeshilemothi indodana kaImeri,

¹⁴labafowabo, amaqhawe alamandla, ikhulu lamatshumi amabili lesificaminwembili; lomboni phezu kwabo wayenguZabidiyeli indodana kaHagedolimi.

¹⁵LakumaLevi: OShemaya indodana kaHashubi indodana kaAzirikamu indodana kaHashabiya indodana kaBuni;

¹⁶loShabethayi loJozabadi bezinhloko zamaLevi babephezu komsebenzi wangaphandle kwendlu kaNkulunkulu;

¹⁷loMathaniya indodana kaMika indodana kaZabidi indodana kaAsafi owayeyinhloko yokuqalisa ukubonga emkhulekweni; loBakibukiya owesibili kubafowabo; loAbida indodana kaShamuwa indodana kaGalali indodana kaJeduthuni.

¹⁸Wonke amaLevi emzini ongcwele ayengamakhulu amabili lamatshumi ayisificaminwembili lane.

¹⁹Labalindimasango, oAkubi, uTalimoni, labafowabo ababelinda amasango babelikhulu lamatshumi ayisikhombisa lambili.

²⁰Labaseleyo bakoIsrayeli, ababapristi, amaLevi, babesemizini yonke yakoJuda, ngulowo elifeni lakhe.

²¹LamaNethini ayehlala eOfeli; loZiha loGishipa babephezu kwamaNethini.

²²Njalo umboni wamaLevi eJerusalema wayenguUzi indodana kaBani indodana kaHashabiya indodana kaMathaniya indodana kaMika. Owamadodana kaAsafi, abahlabeleli babeqondene lomsebenzi wendlu kaNkulunkulu.

²³Ngoba kwakungumlayo wenkosi ngabo, njengokufunekayo kubahlabeleli, udaba losuku ngosuku lwalo.

²⁴Njalo uPethahiya indodana kaMeshezabeli, owabantwana bakoZera indodana kaJuda, wayesesandleni senkosi kulo lonke udaba lwabantu.

²⁵Lemizaneni lamasimu ayo, kwahlala abanye babantwana bakoJuda eKiriyathi-Arba lemizana yayo, laseDiboni lemizana yayo, laseJekabiseyeli lemizana yayo,

²⁶laseJeshuwa, laseMolada, laseBeti-Peleti,

²⁷laseHazari-Shuwali, laseBherishebha lemizana yayo,

²⁸laseZikilagi, laseMekona lemizaneni yayo,

²⁹laseEni-Rimoni, laseZora, laseJarimuthi,

³⁰iZanowa, iAdulamu lemizana yayo, iLakishi lamasimu ayo, iAzeka lemizana yayo. Basebemisa inkamba kusukela eBherishebha kusiya esihotsheni seHinomu.

³¹Labantwana bakoBhenjamini kusukela eGeba babeseMikimashi, leAyija, leBhetheli lemizana yayo,

³²iAnathothi, iNobi, iAnaniya,

³³iHazori, iRama, iGithayimi,

³⁴iHadidi, iZeboyimi, iNebalati,

³⁵iLodi, leOno, isigodi sezingcitshi.

³⁶LakumaLevi kwakulezigaba zakoJuda lo Bhenjamini.