Read Ndebele-IBhayibhili Elingcwele 2006 Unerhemiya 12 Bible Online

Unerhemiya 12 - Ndebele-IBhayibhili Elingcwele 2006 bible

Unerhemiya 12

¹Lalaba ngabapristi lamaLevi abenyuka loZerubhabheli indodana kaSalatiyeli, loJeshuwa: OSeraya, uJeremiya, uEzra,

²uAmariya, uMaluki, uHathushi,

³uShekaniya, uRehuma, uMeremothi,

⁴uIdo, uGinethoyi, uAbhiya,

⁵uMijamini, uMahadiya, uBiliga,

⁶uShemaya, loJoyaribi, uJedaya,

⁷uSalu, uAmoki, uHilikhiya, uJedaya. Laba babezinhloko zabapristi labafowabo ensukwini zikaJeshuwa.

⁸LamaLevi: OJeshuwa, uBinuwi, uKadimiyeli, uSherebiya, uJuda, uMathaniya, babephezu kokubonga, yena labafowabo.

⁹LoBakibukiya loUni, abafowabo, babeqondene labo emilindweni.

¹⁰UJeshuwa wasezala uJoyakimi, uJoyakimi wasezala uEliyashibi, uEliyashibi wasezala uJoyada,

¹¹uJoyada wasezala uJonathani, uJonathani wasezala uJaduwa.

¹²Lensukwini zikaJoyakimi abapristi, inhloko zaboyise, babengo: OkaSeraya nguMeraya; okaJeremiya nguHananiya;

¹³okaEzra nguMeshulamu; okaAmariya nguJehohanani;

¹⁴okaMeliku nguJonathani; okaShebaniya nguJosefa;

¹⁵okaHarimi nguAdina; okaMerayothi nguHelikayi;

¹⁶okaIdo nguZekariya; okaGinethoni nguMeshulamu;

¹⁷okaAbhiya nguZikiri; okaMiniyamini, okaMowadiya nguPilitayi;

¹⁸okaBiliga nguShamuwa; okaShemaya nguJehonathani;

¹⁹lokaJoyaribi nguMathenayi; okaJedaya nguUzi;

²⁰okaSalayi nguKalayi; okaAmoki nguEberi;

²¹okaHilikhiya nguHashabiya; okaJedaya nguNethaneli.

²²AmaLevi ensukwini zikaEliyashibi, oJoyada loJohanani loJaduwa, babhalwa baba zinhloko zaboyise, labapristi kwaze kwaba ngumbuso kaDariyusi umPerisiya.

²³Amadodana kaLevi, inhloko zaboyise, abhalwa egwalweni lwemilando, kwaze kwaba sensukwini zikaJohanani indodana kaEliyashibi.

²⁴Lenhloko zamaLevi: OHashabiya, uSherebiya, loJeshuwa indodana kaKadimiyeli, labafowabo maqondana labo, ukudumisa l okubonga, njengomlayo kaDavida umuntu kaNkulunkulu, umlindo maqondana lomlindo.

²⁵OMathaniya, loBakibukiya, uObadiya, uMeshulamu, uTalimoni, uAkubi, babengabalindimasango belinda umlindo eziphaleni zamasango.

²⁶Labo babekhona ensukwini zikaJoyakimi indodana kaJeshuwa indodana kaJozadaki, lensukwini zikaNehemiya umbusi, loEzra umpristi, umbhali.

²⁷Lekwehlukaniselweni komduli weJerusalema badinga amaLevi evela ezindaweni zawo zonke ukuwaletha eJerusalema ukwenza ukwehlukaniswa, langentokozo, langokubonga, langokuhlabela, nge nsimbi ezincencethayo, izigubhu zezintambo, langamachacho.

²⁸Amadodana abahlabeleli asebuthana, njalo evela emagcekeni azingelezele iJerusalema, lemizini yamaNetofa,

²⁹leBeti-Giligali, lelizweni leGeba leAzimavethi, ngoba abahlabeleli babezakhele imizi ezingelezele iJerusalema.

³⁰Labapristi lamaLevi bazihlambulula, bahlambulula labantu lamasango lomduli.

³¹Ngasengisenza iziphathamandla zakoJuda zenyukele emdulini, ngamisa amaxuku amakhulu amabili okubonga lezindwendwe, elinye kwesokunene phezu komduli kusiya esangweni lomquba.

³²Lemva kwawo kwahamba oHoshaya, lengxenye eyodwa kwezimbili yeziphathamandla zakoJuda,

³³loAzariya, uEzra, loMeshulamu,

³⁴uJuda, loBhenjamini, loShemaya, loJeremiya.

³⁵Lakumadodana abapristi elezimpondo: OZekariya indodana kaJonathani indodana kaShemaya indodana kaMathaniya indodana kaMikhaya indodana kaZakuri indodana kaAsafi,

³⁶labafowabo, oShemaya, loAzareli, uMilalayi, uGilalayi, uMahayi, uNethaneli, loJuda, uHanani, belezinto zokuhlabelela zikaDavida umuntu kaNkulunkulu, loEzra umbhali ephambi kwabo.

³⁷Langasesangweni lomthombo, njalo maqondana labo, benyuka ngezinyathelo zomuzi kaDavida, emqansweni womduli, ngaphezu kwendlu kaDavida, kusiya esangweni lamanzi ngempumalanga.

³⁸Lexuku lesibili lokubonga lahamba maqondana lalo, lami ngililandela, lengxenye eyodwa kwezimbili yabantu phezu komduli, kusukela ngaphezu komphotshongo wesithando somlilo kusiya emdulini obanzi,

³⁹njalo kusukela ngaphezu kwesango lakoEfrayimi, langaphezu kwesango elidala, langaphezu kwesango lenhlanzi, lomphotshongo kaHananeli, lomphotshongo kaHameha, kusiya esangweni lezimvu; bema-ke esangweni labalindi.

⁴⁰Womabili amaxuku okubonga asesima endlini kaNkulunkulu, lami, lengxenye eyodwa kwezimbili yababusi ilami.

⁴¹Labapristi: OEliyakhimi, uMahaseya, uMiniyamini, uMikhaya, uEliyowenayi, uZekariya, uHananiya, belezimpondo,

⁴²loMahaseya, loShemaya, loEleyazare, loUzi, loJehohanani, loMalikiya, loElamu, loEzeri. Abahlabeleli basebezizwakalisa, loJezerahiya umboni.

⁴³Basebehlaba mhlalokho imihlatshelo emikhulu, bathokoza, ngoba uNkulunkulu wabenza bathokoza ngentokozo enkulu; labesifazana labantwana labo bathokoza; kwaze kwathi intokozo yeJerusalema yezwakala khatshana.

⁴⁴Ngalolosuku kwamiswa-ke amadoda phezu kwamakamelo wokuligugu, aweminikelo, awezithelo zokuqala, lawokwetshumi, ukuqoqela kuwo okuvela emasimini emizi izabelo zomlayo zabapristi lezamaLevi. Ngoba uJuda wathokoza ngabapristi lamaLevi ayemile.

⁴⁵Abahlabeleli labalindimasango basebegcina imfanelo kaNkulunkulu wabo, lemfanelo yokuhlambulula, njengomlayo kaDavida l oSolomoni indodana yakhe.

⁴⁶Ngoba ensukwini zamandulo zikaDavida loAsafi kwakulezinhloko zabahlabeleli lezingoma zokudumisa lokubonga kuNkulunkulu.

⁴⁷LoIsrayeli wonke ensukwini zikaZerubhabheli lensukwini zikaNehemiya banika izabelo zabahlabeleli labalindimasango, udaba losuku ngosuku lwalo; basebe ku ngcwelisela amaLevi, lamaLevi a ku ngcwelisela abantwana bakoAroni.