Read Ndebele-IBhayibhili Elingcwele 2006 U-eksodusi 11 Bible Online

U-eksodusi 11 - Ndebele-IBhayibhili Elingcwele 2006 bible

U-eksodusi 11

¹I Nkosi yasisithi kuMozisi: Ngisezakwehlisela kuFaro lakulo iGibhithe inhlupheko eyodwa; emva kwalokho uzaliyekela lihambe lisuke lapha; ekuliyekeleni kwakhe lihambe uzalixotsha lokulixotsha lisuka lapha ngokupheleleyo.

²Ake ukhulume endlebeni zabantu, ukuthi bacele, ngulowo kumakhelwane wakhe, lalowo owesifazana kumakhelwane wakhe, izinto zesiliva lezinto zegolide.

³I Nkosi yasinika abantu umusa emehlweni amaGibhithe. Futhi indoda uMozisi waba mkhulu kakhulu elizweni leGibhithe emehlweni enceku zikaFaro lemehlweni esizwe.

⁴UMozisi wasesithi: Itsho njalo i Nkosi ithi: Phose phakathi kobusuku ngizaphuma ngiye phakathi kweGibhithe;

⁵Lawo wonke amazibulo elizweni leGibhithe azakufa, kusukela kuzibulo likaFaro elizahlala esihlalweni sakhe sobukhosi, kuze kube kuzibulo lencekukazi engemva kwelitshe lokuchola, lamazibulo wonke ezifuyo.

⁶Njalo kuzakuba khona isililo esikhulu elizweni lonke leGibhithe, esingazanga sibe khona esinjengaso, lesingayikuba khona futhi esinjengaso.

⁷Kodwa ebantwaneni bakoIsrayeli inja kayiyikunyikinya ulimi lwayo, kusukela emuntwini kusiya ezifuyweni, ukuze lazi ukuthi i Nkosi iyehlukanisa phakathi kweGibhithe loIsrayeli.

⁸Lazo zonke izinceku zakho lezi zizakwehlela kimi, zingikhothamele zisithi: Phuma wena lesizwe sonke esikulandelayo. Langemva kwalokho ngizaphuma. Wasephuma kuFaro ekuvutheni kolaka.

⁹I Nkosi yasisithi kuMozisi: UFaro kayikulizwa, ukuze zande izimangaliso zami elizweni leGibhithe.

¹⁰OMozisi loAroni basebesenza zonke lezizimangaliso phambi kukaFaro, kodwa i Nkosi yenza inhliziyo kaFaro yaba lukhuni, kazabayekela abantwana bakoIsrayeli baphume elizweni lakhe.