Read Ndebele-IBhayibhili Elingcwele 2006 U-eksodusi 19 Bible Online

U-eksodusi 19 - Ndebele-IBhayibhili Elingcwele 2006 bible

U-eksodusi 19

¹Ngenyanga yesithathu emva kokuphuma kwabantwana bakoIsrayeli elizweni leGibhithe, ngalelolanga bafika enkangala yeSinayi.

²Sebesukile eRefidimi, bafika enkangala yeSinayi, bamisa inkamba enkangala; uIsrayeli wamisa-ke inkamba khona phambi kwentaba.

³UMozisi wasesenyukela kuNkulunkulu. I Nkosi yasimemeza kuye esentabeni isithi: Uzakutsho njalo kuyo indlu kaJakobe, ubatshele abantwana bakoIsrayeli uthi:

⁴Lina libonile lokho engikwenze kumaGibhithe, lokuthi ngalithwala phezu kwempiko zenkozi, ngaliletha kimi.

⁵Ngakho-ke uba lilalela lokulalela ilizwi lami, ligcine isivumelwano sami, khona lizakuba yimfuyo ekhethekileyo kimi kulazo zonke izizwe; ngoba umhlaba wonke ungowami;

⁶njalo lizakuba ngumbuso wabapristi lesizwe esingcwele kimi. Yiwo lamazwi ozawatsho kubantwana bakoIsrayeli.

⁷UMozisi wasesiza wabiza abadala babantu, wabeka phambi kwabo wonke lamazwi i Nkosi emlaye wona.

⁸Bonke abantu basebephendula kanyekanye bathi: Konke i Nkosi ekukhulumileyo sizakwenza. UMozisi wasebuyisela amazwi abantu e Nkosi ni.

⁹I Nkosi yasisithi kuMozisi: Khangela, ngizakuza kuwe eyezini elinzima ukuze abantu bezwe nxa ngikhuluma lawe, lokuthi bakholwe kuwe kuze kube nininini. UMozisi wasebikela i Nkosi amazwi abantu.

¹⁰I Nkosi yasisithi kuMozisi: Hamba uye ebantwini, ubangcwelise lamuhla lakusasa, bawatshe izembatho zabo,

¹¹babe sebelungele usuku lwesithathu; ngoba ngosuku lwesithathu i Nkosi izakwehla phambi kwamehlo abantu bonke phezu kwentaba yeSinayi.

¹²Uzabamisela abantu umngcele inhlangothi zonke uthi: Ziqapheleni ukukhwela entabeni, lokuthinta ewatheni layo. Wonke othinta intaba uzabulawa lokubulawa;

¹³Kakulasandla esizayithinta, kodwa sibili uzakhandwa ngamatshe loba sibili uzatshokwa; loba inyamazana loba umuntu, kakuyikuphila. Lapho uphondo lwenqama lukhala isikhathi eside bazakwenyukela entabeni.

¹⁴UMozisi wasesehla entabeni waya ebantwini, wangcwelisa abantu, njalo bawatsha izembatho zabo.

¹⁵Wathi ebantwini: Lungelani usuku lwesithathu; lingasondeli kowesifazana.

¹⁶Kwasekusithi ngosuku lwesithathu sekusile, kwakulemidumo lemibane leyezi elinzima phezu kwentaba, lelizwi lophondo olulamandla amakhulu; kwaze kwathi bonke abantu ababesenkambeni bathuthumela.

¹⁷UMozisi wasebakhupha abantu enkambeni ukuyamhlangabeza uNkulunkulu; basebesima ngaphansi kwentaba.

¹⁸Intaba yonke-ke yeSinayi yathunqa intuthu, ngoba i Nkosi yehlela phezu kwayo ngomlilo; njalo intuthu yayo yenyuka njengentuthu yesithando somlilo; intaba yonke yasizamazama kakhulu.

¹⁹Kwathi ilizwi lophondo liqhubeka lisiba lamandla amakhulu, uMozisi wakhuluma; njalo uNkulunkulu wamphendula ngelizwi.

²⁰I Nkosi yasisehlela entabeni yeSinayi, engqongeni yentaba; i Nkosi yambizela uMozisi engqongeni yentaba; uMozisi wenyuka-ke.

²¹I Nkosi yasisithi kuMozisi: Yehla, ubaxwayise abantu hlezi bafohlele e Nkosi ni ukubona, njalo abanengi babo bawe.

²²Labapristi labo abasondela e Nkosi ni kabazingcwelise hlezi i Nkosi ibadumele.

²³UMozisi wasesithi e Nkosi ni: Abantu bangenyukele entabeni yeSinayi, ngoba wena usixwayisile usithi: Misa umngcele wentaba, uyingcwelise.

²⁴I Nkosi yasisithi kuye: Hamba wehle, ubuye wenyuke, wena loAroni elawe; kodwa abapristi labantu kabangafohli benyukele e Nkosi ni, hlezi ibadumele.

²⁵UMozisi wasesehlela ebantwini, wabatshela.