Read Ndebele-IBhayibhili Elingcwele 2006 U-eksodusi 6 Bible Online

U-eksodusi 6 - Ndebele-IBhayibhili Elingcwele 2006 bible

U-eksodusi 6

¹I Nkosi yasisithi kuMozisi: Khathesi uzabona engizakwenza kuFaro; ngoba ngesandla esilamandla uzabayekela bahambe, langesandla esilamandla uzabaxotsha elizweni lakhe.

²UNkulunkulu wasekhuluma kuMozisi wathi kuye: Ngiyi Nkosi;

³njalo ngabonakala kuAbrahama, kuIsaka, lakuJakobe njengoNkulunkulu uSomandla; kodwa ngebizo lami lokuthi uJehova ngangingaziwa kubo.

⁴Njalo lami ngamisa isivumelwano sami labo ukubapha ilizwe leKhanani, ilizwe lobuhambuma babo, ababehlala kulo njengabezizwe.

⁵Futhi lami ngizwile ukububula kwabantwana bakoIsrayeli, amaGibhithe abagcine ebugqilini; njalo ngikhumbule isivumelwano sami.

⁶Ngakho-ke tshono kubantwana bakoIsrayeli ukuthi: Ngiyi Nkosi; njalo ngizalikhupha lisuke ngaphansi kwemithwalo yamaGibhithe; ngilikhulule ebugqilini bawo, ngilihlenge ngengalo eyeluliweyo langezigwebo ezinkulu.

⁷Njalo ngizazithathela lina libe yisizwe, ngizakuba kini nguNkulunkulu; njalo lizakwazi ukuthi ngiyi Nkosi uNkulunkulu wenu, olikhupha lisuke ngaphansi kwemithwalo yamaGibhithe;

⁸njalo ngizalingenisa elizweni engaphakamisa isandla sami ngalo ukulinika uAbrahama, uIsaka loJakobe, ngilinike lona libe yilifa; mina, i Nkosi.

⁹UMozisi wasekhuluma ngokunjalo kubantwana bakoIsrayeli; kodwa kabamlalelanga uMozisi ngenxa yokukhathazeka komoya langenxa yobugqili obunzima.

¹⁰I Nkosi yasikhuluma kuMozisi isithi,

¹¹Ngena ukhulume kuFaro, inkosi yeGibhithe, ukuthi ayekele abantwana bakoIsrayeli basuke elizweni lakhe.

¹²Kodwa uMozisi wakhuluma phambi kwe Nkosi esithi: Khangela, abantwana bakoIsrayeli kabangilalelanga; pho-ke uFaro angangizwa njani, engingowendebe ezingasokanga?

¹³I Nkosi yasikhuluma kuMozisi lakuAroni yabapha umlayo ngabantwana bakoIsrayeli langoFaro inkosi yeGibhithe ukukhupha abantwana bakoIsrayeli elizweni leGibhithe.

¹⁴Laba bazinhloko zezindlu zaboyise; amadodana kaRubeni, izibulo likaIsrayeli: OHanoki loPalu, oHezironi loKarimi; laba bazinsapho zikaRubeni.

¹⁵Lamadodana kaSimeyoni: OJemuweli loJamini loOhadi loJakini loZohari loShawuli indodana yomKhananikazi; laba bazinsapho zikaSimeyoni.

¹⁶Njalo la ngamabizo amadodana kaLevi ngezizukulwana zawo: OGerishoni loKohathi loMerari; leminyaka yempilo kaLevi yayiyiminyaka elikhulu lamatshumi amathathu lesikhombisa.

¹⁷Amadodana kaGerishoni: OLibini loShimeyi ngezinsapho zawo.

¹⁸Njalo amadodana kaKohathi: OAmramu loIzihari loHebroni loUziyeli; leminyaka yempilo kaKohathi yayiyiminyaka elikhulu lamatshumi amathathu lantathu.

¹⁹Njalo amadodana kaMerari: OMahli loMushi. Laba bazinsapho zamaLevi ngezizukulwana zabo.

²⁰UAmramu wasethatha uJokebedi udadewaboyise, waba ngumka khe. Wasemzalela uAroni loMozisi. Leminyaka yempilo kaAmramu yayiyiminyaka elikhulu lamatshumi amathathu lesikhombisa.

²¹Njalo amadodana kaIzihari: OKora loNefegi loZikiri.

²²Lamadodana kaUziyeli: OMishayeli loElizafani loSithiri.

²³UAroni wasezithathela uElisheba indodakazi kaAminadaba, udadewabo kaNashoni, waba ngumka khe. Wasemzalela uNadabi loAbihu, uEleyazare loIthamari.

²⁴Njalo amadodana kaKora: OAsiri loElkana loAbhiyasafa; laba bazinsapho zabakoKora.

²⁵UEleyazare indodana kaAroni wasezithathela enye yamadodakazi kaPutiyeli, yaba ngumka khe. Yasimzalela uPhinehasi. Yizo lezi inhloko zaboyise bamaLevi ngezinsapho zazo.

²⁶Lo nguAroni loMozisi i Nkosi eyathi kubo: Khuphani abantwana bakoIsrayeli elizweni leGibhithe ngamabutho abo.

²⁷Yibo labo ababekhuluma kuFaro inkosi yeGibhithe ukukhupha abantwana bakoIsrayeli eGibhithe; lo nguMozisi loAroni.

²⁸Kwasekusithi mhla i Nkosi ikhuluma kuMozisi elizweni leGibhithe,

²⁹I Nkosi yakhuluma kuMozisi isithi: Mina ngiyi Nkosi; khuluma kuFaro inkosi yeGibhithe konke engikukhuluma kuwe.

³⁰UMozisi wasesithi phambi kwe Nkosi: Khangela, ngingowendebe ezingasokanga; ngakho uFaro angangizwa njani?