Read Ndebele-IBhayibhili Elingcwele 2006 Ujobho 11 Bible Online

Ujobho 11 - Ndebele-IBhayibhili Elingcwele 2006 bible

Ujobho 11

¹Wasephendula uZofari umNahama wathi:

²Kambe kabuphendulwa yini ubunengi bamazwi? Njalo isilawuli singalungisiswa yini?

³Ukulawula kwakho kuzathulisa abantu yini? Lapho ukloloda, kakho onga ku yangisa yini?

⁴Ngoba uthe: Imfundiso yami ihlanzekile, ngihlambulukile emehlweni akho.

⁵Kodwa-ke kungathi uNkulunkulu angakhuluma, avule indebe zakhe kuwe,

⁶ukuze akwazise imfihlakalo zenhlakanipho, ukuthi ziphindwe kabili kulokho okuyikho. Yazi-ke ukuthi uNkulunkulu ubiza kuwe okulutshwana kulecala lakho.

⁷Ngo kuhlola ungamfumana uNkulunkulu na? Ungamfumana yini uSomandla kuze kube sekupheleleni?

⁸Kuphakeme nje ngamazulu, ungenzani? Kutshonile kulesihogo, ungazini?

⁹Isilinganiso sakho side kulomhlaba, sibanzi kulolwandle.

¹⁰Uba esedlula avalele kumbe abuthanise, ngubani-ke ongamnqanda?

¹¹Ngoba yena uyabazi abantu abayize, uyabona ububi; ngakho kayiku ku qaphelisa yini?

¹²Ngoba umuntu oyisiphukuphuku angaba lokuqedisisa, lanxa umuntu engazalwa njeng ethole likababhemi weganga.

¹³Uba wena ulungisa inhliziyo yakho, welulele izandla zakho kuye,

¹⁴uba ububi busesandleni sakho, bubeke khatshana, lobubi kabungahlali emathenteni akho.

¹⁵Ngoba ng’khona uzaphakamisa ubuso bakho ungelasici, njalo uqine, ungesabi.

¹⁶Ngoba wena uzakhohlwa usizi lwakho, u lu khumbule njengamanzi asedlulile.

¹⁷Lobude bempilo yakho buzakhanya kulemini enkulu; loba kulomnyama kuzakuba njengekuseni.

¹⁸Njalo uzakuba lethemba ngoba kulethemba; uzagebha, uzalala ngokuvikeleka.

¹⁹Uzalala, njalo kakho oza kw ethusa, labanengi bazancenga phambi kwakho.

²⁰Kodwa amehlo ababi azafiphala, lesiphephelo sizachitheka kubo, lethemba labo lizakuba yikuphela komphefumulo.