Read Ndebele-IBhayibhili Elingcwele 2006 Ujobho 12 Bible Online

Ujobho 12 - Ndebele-IBhayibhili Elingcwele 2006 bible

Ujobho 12

¹Wasephendula uJobe wathi:

²Ngoba isibili lingabantu, lenhlakanipho izakufa lani.

³Lami ngilengqondo njengani, kangiphansi kulani. Njalo ngubani ongelazo izinto ezinje?

⁴Ngiyinhlekisa kumngane wami, obiza kuNkulunkulu amphendule; olungileyo oqondileyo uyinhlekisa.

⁵Uyisibane esidelelekayo emnakanweni wowonwabileyo; ulungele ukutshelela ngonyawo.

⁶Amathente abaphangi alokuthula, labamthukuthelisayo uNkulunkulu bavikelekile, kulowo oletha uNkulunkulu esandleni sakhe.

⁷Kodwa-ke buza khathesi inyamazana, zizakufundisa, lenyoni zamazulu, zizakutshela.

⁸Kumbe khuluma lomhlaba, uzakufundisa, lenhlanzi zolwandle zizakulandisela.

⁹Ngubani ongaziyo phakathi kwakho konke lokhu ukuthi isandla sikaJehova sikwenzile lokhu?

¹⁰Okusesandleni sakhe umphefumulo wakho konke okuphilayo, lomoya wayo yonke inyama yomuntu.

¹¹Indlebe kayihloli yini amazwi, njengolwanga luzinambithela ukudla?

¹²Kwabadala kakhulu kulenhlakanipho, l e bud eni bezinsuku kulokuqedisisa.

¹³Kuye kukhona inhlakanipho lamandla, uleseluleko lokuqedisisa.

¹⁴Khangela, udiliza, kungabe kusakhiwa; uvalela umuntu, kungabe kusavulwa.

¹⁵Khangela, uvimbela amanzi, atshe; abesewathuma, agenqule umhlaba.

¹⁶Kuye kukhona amandla lenhlakanipho; okhohlisiweyo lomkhohlisi bangabakhe.

¹⁷Ukhupha abeluleki bahambe behlutshulwe, enze abehluleli babe yizithutha.

¹⁸Uthukulula isibopho samakhosi, abophe umbhinco enkalweni zawo.

¹⁹Ukhupha abapristi bahambe behlutshulwe, awise abalamandla.

²⁰Uphambula inkulumo yabathembekileyo, asuse ukuqedisisa kwabasebekhulile.

²¹Uthela ukudelela phezu kweziphathamandla, axegise umbhinco wabalamandla.

²²Wembula izinto ezijulileyo ezisemnyameni, akhuphele ekukhanyeni ithunzi lokufa.

²³Enze izizwe zibe zinkulu, abesezichitha; andise izizwe, abesezisusa.

²⁴Ususa inhliziyo yenhloko zabantu bomhlaba, aziduhise enkangala e ngelandlela.

²⁵Ziphumputhe emnyameni kungelakukhanya, uzenza zidiyazele njengodakiweyo.