Read Ndebele-IBhayibhili Elingcwele 2006 Ujobho 14 Bible Online

Ujobho 14 - Ndebele-IBhayibhili Elingcwele 2006 bible

Ujobho 14

¹Umuntu, ozelwe ngowesifazana ulensuku ezimfitshane, ezigcwele inhlupheko.

²Uyavela njengeluba, abune, abaleke njengesithunzi, akemi.

³Kambe onjalo umvulela amehlo akho, ungingenise ekwahlulelweni kanye lawe.

⁴Ngubani ongaveza okuhlambulukileyo kokungcolileyo? Kakho loyedwa.

⁵Lokhu insuku zakhe zimisiwe, inani lenyanga zakhe likuwe, ummisele imingcele yakhe angeyedlule;

⁶ungamkhangeli, ukuze aphumule, aze athokoze ngosuku lwakhe njengesiqatshwa.

⁷Ngoba kukhona ithemba esihlahleni uba siganyulwa ukuthi sizabuya sihlume, lokuthi ihlumela laso kaliyikuphela.

⁸Lanxa impande yaso isiba ndala emhlabeni, lesiphunzi saso sifele emhlabathini,

⁹ngephunga lamanzi sizahluma, senze ingatsha njengosaba.

¹⁰Kodwa umuntu uyafa ebuthakathaka, yebo, umuntu uyaphela, ungaphi-ke?

¹¹Amanzi ayemuka elwandle, lomfula uyoma utshe,

¹²ngokunjalo umuntu uyalala phansi angavuki; kuze kuthi amazulu angabikho, bangavuki, kumbe bangaphatshanyiswa ebuthongweni babo.

¹³Kungathi ungangifihla engcwabeni, ungithukuze, ize iphenduke intukuthelo yakho, ungimisele isikhathi esimisiweyo, ungikhumbule!

¹⁴Uba umuntu esifa, uzabuya aphile yini? Zonke insuku zemfazo yami ngizalinda, kuze kufike ukukhululwa kwami.

¹⁵Uzabiza, mina-ke ngizasabela, uzalangatha umsebenzi wezandla zakho.

¹⁶Kanti khathesi uyazibala izinyathelo zami; kawuyikuqaphelisa ngesono sami.

¹⁷Isiphambeko sami sinanyekwe esikhwameni, wasusibekela isono sami.

¹⁸Isibili-ke intaba ewayo iyabhidlika, ledwala liyasuswa endaweni yalo.

¹⁹Amanzi ayaguguda amatshe, impophoma zawo ziyakhukhula ubhuqu lomhlaba. Uyachitha-ke ithemba lomuntu.

²⁰Uyamehlula phakade, adlule; uyaguqula ubuso bakhe, umxotshe.

²¹Amadodana akhe ayadunyiswa, kodwa engakwazi; kumbe ayehliselwa phansi, kodwa angakunanzeleli.

²²Kodwa inyama yakhe kuye isebuhlungwini, lomphefumulo wakhe kuye uyalila.