Read Ndebele-IBhayibhili Elingcwele 2006 Ujobho 18 Bible Online

Ujobho 18 - Ndebele-IBhayibhili Elingcwele 2006 bible

Ujobho 18

¹Wasephendula uBilidadi umShuhi wathi:

²Koze kube nini libekela amazwi umgibe? Nanzelelani, lemva kwalokho sikhulume.

³Kungani sithiwa sizinyamazana, singcolile emehlweni enu?

⁴Udwengula umphefumulo wakhe ngokuthukuthela kwakhe. Umhlaba uzatshiywa ngenxa yakho yini, loba idwala lisuswe endaweni yalo?

⁵Yebo, ukukhanya kwabakhohlakeleyo kuzacitshwa, lenhlansi yomlilo wakhe kayiyikukhanya.

⁶Ukukhanya kuzafiphala ethenteni lakhe, lesibane sakhe ngaphezu kwakhe sizacitshwa.

⁷Izinyathelo zamandla akhe zizafinyezwa, lecebo lakhe lizamwisela phansi.

⁸Ngoba uzaphoselwa embuleni zinyawo zakhe, ahambe phezu kwembule.

⁹Umjibila uza m bamba isithende, isihitshela sizamkhulela.

¹⁰Igoda lakhe lifihlwe emhlabathini, lomjibila wakhe endleleni.

¹¹Izesabiso zizamethusa inhlangothi zonke, zixotshane laye enyaweni zakhe.

¹²Amandla akhe alambile, lengozi ilindile eceleni kwakhe.

¹³Kuzakudla ingxenye zesikhumba sakhe; izibulo lokufa lidle ingxenye zakhe.

¹⁴Ithemba lakhe izahluthunwa ethenteni lakhe, njalo kumenze aye enkosini yezesabiso.

¹⁵Kuzahlala ethenteni lakhe elingeyisilo lakhe; isolufa izavuvuzelwa phezu kwendawo yakhe yokuhlala.

¹⁶Impande zakhe zizakoma ngaphansi, logatsha lwakhe lubune ngaphezulu.

¹⁷Ukukhunjulwa kwakhe kuzabhubha emhlabeni, angabi labizo ezitaladeni.

¹⁸Bazamfuqa bamsuse ekukhanyeni bamuse emnyameni, bamxotshe emhlabeni.

¹⁹Kayikuba lenzalo lazizukulu ebantwini bakibo; kakuyikuba lansali endaweni zakhe zokuhlala.

²⁰Abalandelayo bazakwethuswa lusuku lwakhe, labokuqala bazabanjwa yisesabiso.

²¹Isibili zinjalo indawo zokuhlala zomubi, njalo yiyo le indawo yo ngamaziyo uNkulunkulu.