Read Ndebele-IBhayibhili Elingcwele 2006 Ujobho 19 Bible Online

Ujobho 19 - Ndebele-IBhayibhili Elingcwele 2006 bible

Ujobho 19

¹Wasephendula uJobe wathi:

²Koze kube nini lihlupha umphefumulo wami, lingiphahlaza ngamazwi?

³Lezizikhathi ezilitshumi lingithela ngehlazo; kalilanhloni, lingiphatha kubi.

⁴Uba-ke kuliqiniso ukuthi ngiduhile, ukuduha kwami kuzahlala lami.

⁵Uba isibili lizikhukhumeza phezu kwami, liphikisane lami nge hlazo lami,

⁶yazini-ke ukuthi nguNkulunkulu ongihlanekeleyo, wangigombolozela ng embule lakhe.

⁷Khangela, ngiyamemeza ngithi: Okubi! Kodwa kangiphendulwa. Ngicela usizo, kodwa akulasahlulelo.

⁸Uyivalile indlela yami ngomduli ukuze ngingedluli, wamisa umnyama emikhondweni yami.

⁹Ungihlubule udumo lwami, wasusa umqhele wekhanda lami.

¹⁰Ungibhidlizile inhlangothi zonke, sengihambile, ulisiphule ithemba lami njengesihlahla.

¹¹Ulumathisile ulaka lwakhe kimi, ungibale njengezitha kuye.

¹²Amabutho akhe afika kanyekanye, abuthelela indlela yawo emelene lami, amisa inkamba agombolozela ithente lami.

¹³Ubeke abafowethu khatshana lami, labangaziyo isibili sebengabemzini kimi.

¹⁴Izihlobo zami zinyamalele, labazana lami bangikhohliwe.

¹⁵Abahlala endlini yami lencekukazi zami bangibala njengowezizwe; ngingumfokazi emehlweni abo.

¹⁶Ngabiza inceku yami, kodwa kayiphendulanga; ngayincenga ngomlomo wami.

¹⁷Umoya wami uyenyanyeka kumkami, sengiyisinengiso kumadodana esizalo sami.

¹⁸Labantwana abancinyane bayangidelela; ngasukuma, basebekhuluma bemelene lami.

¹⁹Bonke abantu besifuba sami banengwa yimi, labo ebengibathanda sebengiphendukele.

²⁰Ithambo lami linamathelana lesikhumba sami lenyama yami, njalo ngiphephe ngesikhumba samazinyo ami.

²¹Ngihawukelani, ngihawukelani, lina bangane bami; ngoba isandla sikaNkulunkulu singithintile.

²²Lingizingelelani njengoNkulunkulu, lingeneliswa yinyama yami?

²³Kungathi ngabe khathesi amazwi ami abhaliwe! Kungathi ngabe abhaliwe ngokugujwa egwalweni!

²⁴Ngabe abazwe ngepheni yensimbi langomnuso edwaleni kuze kube nininini!

²⁵Ngoba mina ngiyazi: Umhlengi wami uyaphila, lekupheleni uzakuma emhlabathini.

²⁶Lapho sekutshabalalise lokhu emva kwesikhumba sami, kanti enyameni yami ngizambona uNkulunkulu,

²⁷mina engizazibonela yena, lamehlo ami azabona, hatshi omunye. Izinso zami seziphelile enkalweni zami.

²⁸Kodwa lithi: Kungani simzingela? Ngoba impande yendaba itholakala kimi.

²⁹Lina yesabeni inkemba, ngoba ulaka luletha izijeziso zenkemba, ukuze lazi ukuthi sikhona isahlulelo.