Read Ndebele-IBhayibhili Elingcwele 2006 Ujobho 24 Bible Online

Ujobho 24 - Ndebele-IBhayibhili Elingcwele 2006 bible

Ujobho 24

¹Kungani izikhathi zingafihlelwanga uSomandla, labamaziyo bengaboni insuku zakhe?

²Bathuthukisa imingcele, baphange imihlambi bayeluse.

³Baxotsha ubabhemi wezintandane, bathathe inkabi yomfelokazi ibe yisibambiso.

⁴Baphambula abaswelayo emigwaqweni; abayanga bomhlaba bacatsha ndawonye.

⁵Khangelani, bangobabhemi beganga enkangala, baphumela emsebenzini wabo, badinge impango ngovivi; inkangala ibe yikudla kwakhe lo kwabantwana.

⁶Emasimini bavuna ukudla kwakhe, bakhothoze e sivini ni somubi.

⁷Balala beze ebusuku bengelasembatho, bengelasigubuzelo emqandweni.

⁸Bamanzi ngezihlambo zezintaba, babambelela edwaleni ngoba bengelasiphephelo.

⁹Bahluthuna intandane ebeleni, bathathe lesibambiso kumyanga.

¹⁰Bahamba beze bengelasigqoko, labalambileyo bathwala isithungo.

¹¹Phakathi kwemiduli yabo bahluza amafutha, banyathela izikhamelo zewayini, kodwa bomile.

¹²Abantu bayabubula besemzini, lomphefumulo wabalimeleyo uyakhala; kodwa uNkulunkulu ka ba baleli ukungalungi.

¹³Bona baphakathi kwabavukela ukukhanya; kabazazi indlela zakhe, kabahlali emikhondweni yakhe.

¹⁴Umbulali uyavuka ngovivi, abulale umyanga loswelayo; lebusuku unjengesela.

¹⁵Lelihlo lesiphingi lilindela ukuhlwa, sisithi: Kakulalihlo elizangibona; sifake isimbombozo ebusweni baso.

¹⁶Emnyameni ugebha aphutshele ezindlini a ba zi phawulele emini; kabakwazi ukukhanya.

¹⁷Ngoba ikuseni kanyekanye ilithunzi lokufa kubo; uba besaziwa bakuzesabiso zethunzi lokufa.

¹⁸Ulula phezu kobuso bamanzi; isabelo sabo siqalekisiwe emhlabeni; kaphendukeli endleleni yezivini.

¹⁹Imbalela lokutshisa kuqeda amanzi eliqhwa elikhithikayo, ngokunjalo ingcwaba abonileyo.

²⁰Isizalo sizamkhohlwa, impethu izammunya, engabe esakhunjulwa, lenkohlakalo izakwephulwa njengesihlahla.

²¹Uzondla ngenyumba engazaliyo, kamenzeli okuhle umfelokazi.

²²Njalo udonsa abalamandla ngamandla akhe, uyavuka, njalo kungabi lolethemba lempilo.

²³Uyamnika ukuze alondolozeke, eseyama kukho, kodwa amehlo akhe aphezu kwendlela zabo.

²⁴Bayaphakanyiswa okwesikhatshana, babesebengasekho, behliselwa phansi, bavalelwe njengaye wonke, bayaqunywa njengesihloko sesikhwebu.

²⁵Uba-ke kungenjalo, ngubani ongangenza umqambimanga, enze inkulumo yami ibe yize?