Read Ndebele-IBhayibhili Elingcwele 2006 Ujobho 27 Bible Online

Ujobho 27 - Ndebele-IBhayibhili Elingcwele 2006 bible

Ujobho 27

¹UJobe wasebuya ephakamisa isaga sakhe wathi:

²Kuphila kukaNkulunkulu osuse ilungelo lami, loSomandla owenze umphefumulo wami wababa.

³Isibili ngaso sonke isikhathi umphefumulo u se kimi, lomoya kaNkulunkulu usemakhaleni ami,

⁴oqotho indebe zami kaziyikukhuluma okubi, lolimi lwami sibili lungakhulumi inkohliso.

⁵Kakube khatshana lami ukuthi ngithi lilungile; ngize ngiphele kangiyikususa ubuqotho bami kimi.

⁶Ngizabambelela ekulungeni kwami ngingakuyekeli; inhliziyo yami kayiyikusola ensukwini zami.

⁷Isitha sami kasibe njengomubi, longivukelayo njengongalunganga.

⁸Ngoba liyini ithemba longamesabiyo uNkulunkulu, esequnyiwe, uNkulunkulu esekhuphile umphefumulo wakhe?

⁹UNkulunkulu uzakuzwa yini ukukhala kwakhe, ukuhlupheka sekwehlele phezu kwakhe?

¹⁰Uzazithokozisa yini ngoSomandla? Uzabiza uNkulunkulu yini sonke isikhathi?

¹¹Ngizalifundisa ngesandla sikaNkulunkulu; okukuSomandla kangiyikukufihla.

¹²Khangela, lina lonke likubonile. Pho, kungani selibe yize lokuba yize ngokunjalo?

¹³Lesi yisabelo somuntu omubi kuNkulunkulu, lelifa labalesihluku a ba l emukela kuSomandla.

¹⁴Uba abantwana bakhe besanda, kungokwenkemba, lenzalo yakhe kayiyikusutha isinkwa.

¹⁵Insali zakhe zizangcwatshwa ekufeni, labafelokazi bakhe kabayikukhala inyembezi.

¹⁶Lanxa ebuthelela isiliva njengothuli, elungisa isigqoko njengodaka;

¹⁷angalungisa, kodwa olungileyo uzasigqoka, longelacala uzakwaba isiliva.

¹⁸Wakha indlu yakhe njengenundu, lanjengedumba umlindi alenzayo.

¹⁹Ulala enothile, kodwa kabuthwa; uvula amehlo akhe, kasekho.

²⁰Izesabiso zizambamba njengamanzi; ebusuku isiphepho sizameba.

²¹Umoya wempumalanga uzamthatha, ahambe, umphephule asuke endaweni yakhe.

²²Abesephosela phezu kwakhe angayekeli; uzabaleka lokubalekela isandla sakhe.

²³Uzamqakezela izandla zakhe, amhwabhele endaweni yakhe.