Read Ndebele-IBhayibhili Elingcwele 2006 Ujobho 28 Bible Online

Ujobho 28 - Ndebele-IBhayibhili Elingcwele 2006 bible

Ujobho 28

¹Isibili kukhona umthapho wesiliva, lendawo yegolide abalicengayo.

²Insimbi ithathwa enhlabathini, lethusi lincibilikiswa e litsh eni.

³Umisela umnyama umngcele, udingisisa kuze kube sekupheleleni konke, ilitshe lobumnyama lethunzi lokufa.

⁴Isifula siyaqhekezeka sivela kubahlali; amanzi onyawo akhohlakele, acitshile asuka ebantwini.

⁵Umhlaba, kuphuma ukudla kuwo, langaphansi kwawo kuphenduka kwangathi ngumlilo.

⁶Amatshe awo ayindawo yesafire*, njalo ulothuli lwegolide.

⁷Inyoni edla inyama kayiyazi indlela, lelihlo lelinqe kaliyibonanga.

⁸Imidlwane yokuziqhenyayo kayiyinyathelanga, isilwane kasihambanga kuyo.

⁹Uyelula isandla sakhe elitsheni elilukhuni, uyagenqula izintaba ezimpandeni.

¹⁰Aqhekeze imisele emadwaleni, lelihlo lakhe libona konke okuligugu.

¹¹Uyabopha izifula zingathonti, lokufihlakeleyo ukukhuphela ekukhanyeni.

¹²Kodwa inhlakanipho ingatholakala ivela ngaphi? Lendawo yokuqedisisa ingaphi?

¹³Umuntu kalazi ixabiso lakho, njalo kakutholakali elizweni labaphilayo.

¹⁴Ukujula kuthi: Kakukho kimi. Lolwandle luthi: Kakulami.

¹⁵Igolide elihle lingenikwe endaweni yakho, lesiliva singelinganis el we intengo yakho.

¹⁶Kungelingane legolide leOfiri, le-onikse* eligugu, lesafire*.

¹⁷Igolide lekristali* kungelingane lakho, futhi ku nge naniswe ngesitsha segolide elicwengekileyo.

¹⁸Ikorali* lekristali kakuyikukhunjulwa, ngoba intengo yenhlakanipho ingaphezu kwamatshe aligugu.

¹⁹Itopazi* leEtiyopiya lingelinganiswe lakho, kungelingane legolide elicwengekileyo.

²⁰Pho, inhlakanipho ivela ngaphi? Lendawo yokuqedisisa ingaphi?

²¹Ngoba kusithekile emehlweni abo bonke abaphilayo, kwafihlwa ezinyonini zamazulu.

²²Ukubhujiswa lokufa kuthi: Sizwile ngendlebe zethu amahungahunga akho.

²³UNkulunkulu uyayiqedisisa indlela yakho, njalo yena uyayazi indawo yakho.

²⁴Ngoba yena uyakhangela kuze kube semikhawulweni yomhlaba, abone ngaphansi kwawo wonke amazulu.

²⁵Esenzela umoya isisindo, walinganisa amanzi ngesilinganiso.

²⁶Lapho esenzela izulu isimiso, lombane wokuduma indlela.

²⁷Ngalesosikhathi wakubona, walandisa ngakho; wakulungisa, yebo, wakuhlolisisa.

²⁸Wasesithi emuntwini: Khangela, ukwesaba iNkosi, lokhu kuyinhlakanipho, lokusuka ebubini kuyikuqedisisa.