Read Ndebele-IBhayibhili Elingcwele 2006 Ujobho 29 Bible Online

Ujobho 29 - Ndebele-IBhayibhili Elingcwele 2006 bible

Ujobho 29

¹UJobe wasebuya ephakamisa isaga sakhe wathi:

²Kungathi ngabe nginjengenyang eni zamandulo, njengensuk wini uNkulunkulu angigcine ngazo,

³lapho isibane sakhe sakhanya phezu kwekhanda lami; ngahamba e mnyam eni ngokukhanya kwakhe!

⁴Njengoba nganginjalo ensukwini zokuvuthwa kwami, lapho iseluleko sikaNkulunkulu sasiphezu kwethente lami,

⁵lapho uSomandla wayeseselami, l abantwana bami bengiphahlile,

⁶lapho ngagezisa izinyathelo zami ngolaza, ledwala langithululela imifula yamafutha!

⁷Lapho ngaphuma ngaya esangweni ngidabula umuzi, ngalungisa isihlalo sami emdangeni;

⁸amajaha angibona, acatsha; lamaxhegu asukuma ema;

⁹iziphathamandla zayekela ukukhuluma, zabeka isandla phezu komlomo wazo;

¹⁰ilizwi labakhulu lacatsha, lolimi lwabo lwanamathela elwangeni lwabo.

¹¹Lapho indlebe isizwa yangibusisa, lelihlo libona langifakazela,

¹²ngoba ngakhulula umyanga okhalayo, lentandane, longelamsizi.

¹³Isibusiso sobhubhayo sehlele phezu kwami, njalo ngenza inhliziyo yomfelokazi ihlabele ngentokozo.

¹⁴Ngembatha ukulunga, kwangembesa; isahlulelo sami saba njengesembatho lomqhele.

¹⁵Ngangingamehlo koyisiphofu, ngangizinyawo kusiqhuli.

¹⁶Nganginguyise wabayanga, lendaba e ngingayaziyo ngayihlolisisa.

¹⁷Ngasengisephula umhlathi womubi, nga menza a lahle impango emazinyweni akhe.

¹⁸Ngasengisithi: Ngizaphela lesidleke sami, ngandise insuku njengetshebetshebe.

¹⁹Impande zami zinabele emanzini, lamazolo alale ubusuku ogatsheni lwami.

²⁰Udumo lwami lutsha kimi, ledandili lami laguquka esandleni sami.

²¹Bangilalela, belindele, bathulela iseluleko sami.

²²Emva kwelizwi lami kabaphendulanga, lelizwi lami lathontela phezu kwabo.

²³Bangilindela njengezulu, lomlomo wabo bawukhamisela izulu lokucina.

²⁴Lapho ngibahlekela, kabakholwanga, lokukhanya kobuso bami kabakuwiselanga phansi.

²⁵Ngakhetha indlela yabo ngahlala ngiy inhloko, ngahlala njengenkosi phakathi kweviyo, njengoduduza abalilayo.