Read Ndebele-IBhayibhili Elingcwele 2006 Ujobho 3 Bible Online

Ujobho 3 - Ndebele-IBhayibhili Elingcwele 2006 bible

Ujobho 3

¹Emva kwalokho uJobe wavula umlomo wakhe, waqalekisa usuku lwakhe.

²UJobe wasephendula wathi:

³Kalubhubhe usuku engazalwa ngalo, lobusuku okwathiwa ngalo: Kukhulelwe umntwana wesilisa.

⁴Lolosuku kalube ngumnyama, uNkulunkulu angalunanzi ephezulu, lokukhanya kungalukhanyisi.

⁵Umnyama lethunzi lokufa kakulubange, iyezi lihlale phezu kwalo, umnyama welanga ulesabise.

⁶Lobobusuku, umnyama ububambe, lungathokozi ensukwini zomnyaka, lungezi kunani lezinyanga.

⁷Khangela, lobobusuku kabube yinyumba, umsindo wentokozo ungangeni kubo.

⁸Kababuqalekise abaqalekisi bosuku, abalungele ukuvusa uLeviyathani*.

⁹Zibe mnyama inkanyezi zokusa kwabo, bulindele ukukhanya, kodwa kungabi khona, bungaboni inkophe zokusa.

¹⁰Ngoba bungavalanga iminyango yesisu sika mama wami, bungafihlanga usizi emehlweni ami.

¹¹Kungani ngingafanga kusukela esizalweni, ngiphele ekuphumeni kwami esiswini?

¹²Kungani amadolo angandulela? Kungani lamabele ukuthi ngimunye?

¹³Ngoba khathesi ngabe ngacambalala ngathula, ngalala, khona ngaba lokuphumula,

¹⁴kanye lamakhosi labeluleki bomhlaba abazakhela amanxiwa,

¹⁵kumbe kanye leziphathamandla ezazilegolide ezagcwalisa izindlu zazo ngesiliva.

¹⁶Kumbe njengomphunzo ofihliweyo ngingabi khona, njengensane e zingabonanga ukukhanya.

¹⁷Lapho ababi bayekela ukuhlupha, lapho abakhathele ngamandla bephumula.

¹⁸Izibotshwa ziyaphumula ndawonye, kazizwa ilizwi lomcindezeli.

¹⁹Omncinyane lomkhulu balapho, lesigqili sikhululekile enkosini yaso.

²⁰Kungani enika ukukhanya kohluphekayo, lempilo kwabalokubaba komphefumulo;

²¹abalindele ukufa, kodwa kungekho, bekugebha kulenotho efihliweyo,

²²abathabayo kakhulu ngentokozo, bajabule lapho bethola ingcwaba?

²³Emuntwini yini, ondlela yakhe ifihliwe, uNkulunkulu ambiyeleyo?

²⁴Ngoba ukububula kwami kuza phambi kokudla kwami, lokubhonga kwami kuthululeka njengamanzi.

²⁵Ngoba engikwesabayo ngokwesaba sekungehlele, lengilovalo ngakho kufikile kimi.

²⁶Ngangingahlalisekanga, ngingaphumuli, ngingelakuthula, lohlupho lweza.