Read Ndebele-IBhayibhili Elingcwele 2006 Ujobho 30 Bible Online

Ujobho 30 - Ndebele-IBhayibhili Elingcwele 2006 bible

Ujobho 30

¹Kodwa khathesi abatsha kulami ngensuku bayangihleka, oyise babo engangingabadelela ukubafaka lezinja zomhlambi wami.

²Yebo, amandla ezandla zabo ayengaba yini kimi, ukuvuthwa kwabo sekuphelile?

³Ngenswelo langendlala bajujukile, babalekele elizweni elomileyo, elali kade li y inkangala legwadule.

⁴Abakha imibhida yetswayi enkotheni, lempande yesihlahla serotemu* iyikudla kwabo.

⁵Baxotshwa phakathi kwabantu; bamemeza ngabo kungathi lisela;

⁶ukuthi bahlale eliweni lezihotsha, imigodi yenhlabathi, lamadwala.

⁷Bayakhonya phakathi kwenkotha, babuthane phansi kokhula.

⁸Bangabantwana beziphukuphuku, yebo abantwana abangelabizo; baxotshwa emhlabeni.

⁹Khathesi sengiyingoma yabo, sengiyisiga sabo.

¹⁰Banengwa yimi, bakhatshana lami; kabayekeli ukungikhafulela ebusweni ngamathe.

¹¹Ngoba ukhulule intambo yami, wangicindezela, ngakho balahle itomu phambi kwami.

¹²Ngakwesokunene abatsha bayasukuma, bafuqa inyawo zami, bangivusela indlela zabo zokubhubhisa.

¹³Badiliza indlela yami, baphumelele ekungichitheni, kabalamncedisi.

¹⁴Beza kungathi bafohlela esikhaleni esibanzi; phakathi kwencithakalo batheleka.

¹⁵Izesabiso ziphendukele phezu kwami; baxotshana lodumo lwami njengomoya, losindiso lwami luyedlula njengeyezi.

¹⁶Khathesi-ke umphefumulo wami uyazithulula phezu kwami; insuku zosizi zingibambile.

¹⁷Ubusuku bugwaza amathambo ami phakathi kwami, lokungigedlayo kakuphumuli.

¹⁸Ngobunengi bamandla isembatho sami siyaguqulwa; uyangibhinca njengesiphika sebhatshi lami.

¹⁹Ungiphosele odakeni, senginjengothuli lomlotha.

²⁰Ngiyakhala kuwe, kodwa kawungiphenduli; ngiyasukuma, unginanzelele nje.

²¹Usuphenduke waba lesihluku kimi; ngamandla esandla sakho umelana lami.

²²Ungiphakamisela emoyeni, ungigadise kuwo, ungincibilikisele isiphepho.

²³Ngoba ngiyazi ukuthi uzangibuyisela e kufeni, lendlini emiselwe bonke abaphilayo.

²⁴Kodwa kayikwelulela isandla enqumbini, lanxa encithakalweni yakhe bekhalela usizo.

²⁵Kangimkhalelanga inyembezi yini owayelensuku ezilukhuni, umphefumulo wami wadabuka ngongumyanga?

²⁶Lapho ngilindele okuhle, kweza okubi; lapho ngilindele ukukhanya, kweza umnyama.

²⁷Imibilini yami yabila, kayithulanga, lensuku zosizi zingandulele.

²⁸Ngahamba ngimnyama, kungengelanga; ngasukuma ebandleni ngakhalela usizo.

²⁹Ngingumfowabo wamakhanka, lomngane wamadodakazi ezintshe.

³⁰Isikhumba sami simnyama phezu kwami, lamathambo ami atshile ngokutshisa.

³¹Ichacho lami selibe yisililo, lomhlanga wami uyilizwi labakhala inyembezi.