Read Ndebele-IBhayibhili Elingcwele 2006 Ujobho 33 Bible Online

Ujobho 33 - Ndebele-IBhayibhili Elingcwele 2006 bible

Ujobho 33

¹Kube kanti-ke, Jobe, ake uzwe inkulumo zami, ubeke indlebe kuwo wonke amazwi ami.

²Khangelani, sengivule umlomo wami, ulimi lwami lukhuluma emlonyeni wami.

³Amazwi ami angawokuqonda kwenhliziyo yami, azakhuluma ulwazi lwendebe zami ngokuhlanzeka.

⁴UMoya kaNkulunkulu wangenza, lokuphefumula kukaSomandla kwanginika impilo.

⁵Uba ulakho ngiphendula; zihlele phambi kwami, uzimise.

⁶Khangela, nginjengawe kuNkulunkulu, lami ngathatshwa ebumbeni.

⁷Khangela, ukwethusa kwami kungakwethusi, lesandla sami singabi nzima phezu kwakho.

⁸Isibili ukhulume endlebeni zami, ngezwa ilizwi lamazwi, uthi:

⁹Ngimsulwa, ka ngi lasiphambeko, ngihlanzekile, njalo kakulabubi kimi.

¹⁰Khangela, uthola amathuba okumelana lami, ungibala njengesitha sakhe.

¹¹Ufaka inyawo zami esigodweni, aqaphele zonke indlela zami.

¹²Khangela, ku lokhu kawulunganga; ngizakuphendula, ngoba uNkulunkulu mkhulu kulomuntu.

¹³Umphikiselani? Ngoba engaphenduli leyodwa yezindaba zakhe.

¹⁴Ngoba uNkulunkulu ukhuluma kanye, yebo, kabili, engekho onanzayo.

¹⁵Ephutsheni, k umbono webusuku, lapho ubuthongo obunzima busehlela abantu, ekuwozeleni embhedeni;

¹⁶abesesembula indlebe yabantu, aphawule ukuqondiswa kwabo;

¹⁷ukuze aphambule umuntu e kwenz eni kwakhe, afihle ukuzigqaja emuntwini,

¹⁸anqande umphefumulo wakhe egodini, lempilo yakhe ekwedluleni ngenkemba.

¹⁹Njalo ujeziswa ngobuhlungu embhedeni wakhe, langokuqaqamba kwamathambo akhe okungapheliyo,

²⁰ize impilo yakhe inengwe yisinkwa, lomphefumulo wakhe yikudla okuloyisekayo.

²¹Inyama yakhe iyaphela, ingabonakali, lamathambo akhe abe kade engabonakali avele.

²²Lomphefumulo wakhe useduze legodi, lempilo yakhe kubabulali.

²³Uba kulesithunywa kanye laye, umhumutshi, oyedwa phakathi kwenkulungwane, ukutshela umuntu ukuqonda kwakhe,

²⁴uzakuba lomusa kuye athi: Mkhulule ekwehleleni egodini, se ngithole inhlawulo.

²⁵Inyama yakhe izakuba ntsha okwedlula ubutsha; abuyele ensukwini zobutsha bakhe.

²⁶Akhuleke kuNkulunkulu, ozakuba lesisa kuye, abone ubuso bakhe ngentokozo; ngoba uzabuyisela emuntwini ukulunga kwakhe.

²⁷Ukhangela ebantwini athi: Ngonile, ngahlanekela okulungileyo, kodwa kakungisizanga.

²⁸Uhlengile umphefumulo wami ekwedluleni egodini, lempilo yami izabona ukukhanya.

²⁹Khangelani, lezizinto uNkulunkulu uyazenza ngomuntu kabili kumbe kathathu,

³⁰ukuze abuyise umphefumulo wakhe egodini, ukuze akhanyiswe ngokukhanya kwabaphilayo.

³¹Zwana, Jobe, ungilalele, uthule, njalo mina ngikhulume.

³²Uba kulamazwi, ungiphendule; khuluma, ngoba ngifisa ukutshengisa ukuthi ulungile.

³³Uba kunge njalo, wena ngilalela; thula, njalo ngizakufundisa inhlakanipho.