Read Ndebele-IBhayibhili Elingcwele 2006 Ujobho 34 Bible Online

Ujobho 34 - Ndebele-IBhayibhili Elingcwele 2006 bible

Ujobho 34

¹Wasephendula uElihu wathi:

²Zwanini amazwi ami, zihlakaniphi, lani zazi, libeke indlebe kimi.

³Ngoba indlebe ihlola amazwi, njengolwanga lunambitha ukudla.

⁴Asizikhetheleni isahlulelo; sazi phakathi kwethu okuhle.

⁵Ngoba uJobe uthe: Ngilungile, kodwa uNkulunkulu ususe isahlulelo sami;

⁶ngiqamba amanga ngimelene lelungelo lami; umtshoko wami kawelapheki, ngaphandle kwesiphambeko.

⁷Nguwuphi umuntu onjengoJobe? Unatha ukuklolodelwa njengamanzi,

⁸ahambahambe exukwini labenzi bobubi, ahambe labantu benkohlakalo.

⁹Ngoba uthe: Kakumsizi umuntu nxa ethokoza ngoNkulunkulu.

¹⁰Ngakho, bantu bengqondo, ngilalelani: Kakube khatshana loNkulunkulu ukwenza inkohlakalo, loSomandla ukwenza isiphambeko.

¹¹Ngoba umsebenzi womuntu uzawubuyisela kuye, amenze athole njengendlela yalowo lalowo.

¹²Yebo, isibili uNkulunkulu kenzi okubi, njalo uSomandla kagobisi isehlulelo.

¹³Ngubani owambeka phezu komhlaba? Kumbe ngubani owamisa umhlaba wonke?

¹⁴Uba ebeka inhliziyo yakhe phezu kwakhe, uzabuthela umoya wakhe lomphefumulo wakhe kuye.

¹⁵Inyama yonke ibizaphela kanyekanye, lomuntu abuyele ethulini.

¹⁶Uba kulokuqedisisa-ke, zwana lokhu, ubeke indlebe elizwini lamazwi ami.

¹⁷Kambe, ozonda isehlulelo ubengabusa yini? Kambe uzamlahla yini olungileyo kakhulu?

¹⁸Angatsho yini enkosini: Mkhohlisi; kuziphathamandla: Ba ngelaNkulunkulu?

¹⁹Kuye ongemukeli ubuso beziphathamandla, engananzi isinothi phambi komyanga? Ngoba bonke bangumsebenzi wezandla zakhe.

²⁰Bayafa ngesikhatshana; laphakathi kobusuku abantu bayaqhuqhiswa, bedlule; kuzasuswa olamandla kungelasandla.

²¹Ngoba amehlo akhe aphezu kwendlela zomuntu, uyabona zonke izinyathelo zakhe.

²²Kakulamnyama njalo kakulathunzi lokufa lapho abenzi bobubi abangacatsha khona.

²³Ngoba kabeki futhi phezu komuntu, ukuthi aye kuNkulunkulu esahlulelweni.

²⁴Uyaphahlaza abalamandla kungahlolwanga, amise abanye endaweni zabo.

²⁵Ngakho uyayazi imisebenzi yabo, uya ba genqula ebusuku, bachotshozwe.

²⁶Uyabatshaya njengababi endaweni yababukelayo.

²⁷Ngenxa yokuthi bephambukile ekumlandeleni, bengananzanga leyodwa yezindlela zakhe,

²⁸baze benza ukukhala komyanga kufike kuye, njalo wakuzwa ukukhala kwabahluphekayo.

²⁹Lapho yena ethulisa, ngubani-ke ongaziphatha ngenkohliso? Lapho efihla ubuso, ngubani-ke ongambona? Loba esizweni loba emuntwini eyedwa.

³⁰Ukuze umuntu ongumzenzisi angabusi, ukuze kungabi lemijibila ebantwini.

³¹Isibili uthe kuNkulunkulu: Ngithwele isijeziso, kangiyikona.

³²Ngaphandle kw e ngikubonayo ungifundise wena; uba ngenze okubi kangisayikukwenza futhi.

³³Uzaphindisela yini ngokukuwe, loba uyala, loba wena ukhetha, njalo kungesimi? Wazini-ke? Khuluma.

³⁴Abantu abalokuqedisisa bazakhuluma kimi, lomuntu ohlakaniphileyo uzangizwa.

³⁵UJobe ukhulume engelalwazi, lamazwi akhe kawalanhlakanipho.

³⁶Kungathi ngabe uJobe uyahlolwa kuze kube sekupheleni, ngenxa yempendulo zakhe phakathi kwabantu ababi.

³⁷Ngoba esonweni sakhe wengezelela ububi, eqakeza izandla phakathi kwethu, esandisa amazwi akhe emelene loNkulunkulu.