Read Ndebele-IBhayibhili Elingcwele 2006 Ujobho 36 Bible Online

Ujobho 36 - Ndebele-IBhayibhili Elingcwele 2006 bible

Ujobho 36

¹UElihu waseqhubeka wathi:

²Ngibekezelela kancinyane, ngizakubonisa ukuthi kuseselamazwi ngoNkulunkulu.

³Ngizathatha ulwazi lwami luvela khatshana, nginike ukulunga kuMenzi wami.

⁴Ngoba isibili amazwi ami kawayisiwo amanga; opheleleyo elwazini ulawe.

⁵Khangela, uNkulunkulu ulamandla, njalo keyisi; mkhulu emandleni enhliziyo.

⁶Kayekeli omubi aphile, kodwa unika abayanga okulungileyo.

⁷Kasusi amehlo akhe kolungileyo, kodwa ba lamakhosi esihlalweni sobukhosi; yebo, uyawahlalisa phakade, abesephakama.

⁸Njalo uba bebotshiwe ngezibopho, bethunjwe ngezintambo zenhlupheko,

⁹ng’khona ezabatshela isenzo sabo, leziphambeko zabo, ukuthi zazilamandla.

¹⁰Uyavula indlebe yabo ekulayweni, alaye baphenduke ebubini.

¹¹Uba belalela, ba m khonze, bazachitha insuku zabo kobuhle, leminyaka yabo ezintokozweni.

¹²Kodwa uba bengalaleli, bazadlula ngomkhonto, baphele bengelalwazi.

¹³Labangamesabiyo uNkulunkulu ngenhliziyo babuthelela intukuthelo; kabakhali esebabophile.

¹⁴Umphefumulo wabo uzafela ebutsheni, lempilo yabo phakathi kwezinkotshana.

¹⁵Uzakhulula ohluphekayo ekuhluphekeni kwakhe, avule indlebe yabo ecindezelweni.

¹⁶Yebo, lawe wakususa emlonyeni wocindezelo waya e ndawe ni ebanzi, kungelacindezelo ngaphansi kwayo, lokuphezu kwetafula lakho kuzagcwala amanono.

¹⁷Kodwa ugcwalise isigwebo somubi; isigwebo lokulunga ku ku bambile.

¹⁸Ngoba kulolaka, qaphela, hlezi akuhugele ekuklolodeni, lobukhulu benhlawulo bungakuphambuli.

¹⁹Ubengalinganisa inotho yakho, ukuthi ubunge be ecindezelweni, lemizamo yonke elamandla?

²⁰Ungakhefuzeleli lobobusuku bokususwa kwabantu endaweni yabo.

²¹Qaphela, ungaphendukeli ebubini, ngoba ukhethe lokho kulokuhlupheka.

²²Khangela, uNkulunkulu uziphakamisa ngamandla akhe; ngubani ongumfundisi njengaye?

²³Ngubani ommisele indlela yakhe? Kumbe ngubani othe: Wenze ububi?

²⁴Khumbula ukuthi ukhulise umsebenzi wakhe, abahlabela ngawo abantu.

²⁵Bonke abantu bayawubona; umuntu uyawukhangela ekhatshana.

²⁶Khangela, uNkulunkulu uphakeme, njalo kasi m azi, lenani leminyaka yakhe kayilakuhlolwa.

²⁷Ngoba wenyusa amathonsi amanzi, ahlambulule izulu njengenkungu yawo;

²⁸amayezi alithululela phansi, lithonte kakhulu phezu komuntu.

²⁹Yebo, kukhona yini ongaqedisisa ukwendlaleka kwamayezi, umsindo wedumba lakhe?

³⁰Khangela, wendlala ukukhanya kwakhe phezu kwawo, agubuzele impande zolwandle.

³¹Ngoba ngawo uyehlulela abantu, anike ukudla ngobunengi.

³²Ngezandla usibekela ukukhanya, abesekulaya ngalelo elingena phakathi.

³³Umdumo wakhe ubika ngakho, lenkomo ngenkungu eyenyukayo.